فى حاجه اسمه فيرنا فيفا

[hysagm]

كنت عايز اسئل حضرتكم عن الفيرنا فيفا تختلف عن الفيرنا فى ايه وهل قطع الغيار وحده ولا دى حاجه والفيفا حاجه وايه سر عدم انتشرها مع العلم انا عايز اشترى وبقارن مابين الفيرنا والوجان ولانوس وياريت لو حد ينزل صور للفيفا اخر حاجه عايز اقوله محدش يندهش من العنوان لحداثه عهدى بالهونداى نسيت اقول حاجه ياريت تخلى بالكم من ( اسعار قطع الغيار ـ والمصنعيه ـ وسعر اعاده البيع ـ ومدى انتشار ووجود قطع الغيار ) والف شكر لحضرتكم مع العلم والى هتجتمع عليه هعمل الصبح وشكرا مقدما

[A_A_ELAZIZ]

ياريت حضرتك تتابع الرابط التالى حيث يحتوي على مقارنة بين الفيرنا المصري والفيفا الهندي

http://www.nilemotors.net/Nile/135869-a.html

وبالنسبة لمعلومات اكثر عن الفيفا يمكنك متابعة الرابطةالخاصة بالفيرنا فيفا

[hysagm]

جميل جدا0ومشكور يابشمهندس بس برضه حضرتك مقلتليش فيفا ولا لانوس ولا لوجان مع العلم انا هشترى مستعمل يعنى عايز اجيب فى حدود الخمسينات

[hysagm]

57 مشاهدة ورد واحد يجمعه فدونى ارجوكم انا بجد حيران ومتشكر مقدما

[mnomno]

الفيرنا فيفا هى الفيرنا و لكن التقفيل الهندى اما الفيرنا بس ف دى التقفيل المصرى
انا عن نفسى شفت اللوجان واسعه و جميله تقفيل مغربى ممكن تدخل على اللينكات الخاصه بها و ترى المميزات و العيوب
و الفيرنا بنوعيها و اللانوس فروق طفيفه جدا فى الاسعار سواء فى الشراء او اعاده البيع او قطع الغيار

[mnomno]

نسيت اقول انى لو حشترى حبعد عن المصرى بتقفيله السئ
فحينحصر اختياراتى فى اللانوس 1500 سى سى و اللوجان 1600 سى سى

[mohamed_mohsen]

نسيت اقول انى لو حشترى حبعد عن المصرى بتقفيله السئ
فحينحصر اختياراتى فى اللانوس 1500 سى سى و اللوجان 1600 سى سى

اللانوس تقفيل مصري علي فكره برضه

[Ahmed Nasser]

اللوجان احسن من الانوس والفيفا بس مش هتلاقى مستعمل دلوقتى لان العربية لسه منتشرتش زى الفيرنا والانوس
والفرق بين الفيرنا والفيرنا الفيفا فده مدل قديم من الفيرنا وقطع غيار الفيفا اكيييد مش منتشرة لان العربية مش منتشرة

[M.Osman]

فيرنا عادية افضل
موتور اقوى
قطع غيار متوفرة اكتر + ارخص
مش عارف موضوع الثبات ده ازاي ناس بتقول ان فيفا اثبت و هما الإتنين بينزلوا بحنط 13" و نفس العفشة و الشاسية .. (الفيرنا المصري مجرد فيس ليفت للي قبلها بموتور مختلف .. مش اكتر)
إعادة بيع افضل

بالتوفيق

[mohamed_mohsen]

يا جماعه قطع غيار الفيفا هي قطع غيار الفيرنا المصري ال1500 هي قطع غيار الاكسينت القديمه
مش فاهم ازاي قطع الغيار مش متوفره
اللي يقول كلام يبقي متأكد منه ارجوكم عشان مانضللش الناس

[M.Osman]

يا جماعه قطع غيار الفيفا هي قطع غيار الفيرنا المصري ال1500 هي قطع غيار الاكسينت القديمه
مش فاهم ازاي قطع الغيار مش متوفره
اللي يقول كلام يبقي متأكد منه ارجوكم عشان مانضللش الناس

الإكصدامات و الأجزاء الخارجية مش بنفس توافر الفيرنا العادية

[mohamed_mohsen]

لو كده يبقي تمام
و انا ماقصدكش يا محمد و الله بالكلام اللي فات
و لو حد زعلان يتقبل اسفي,,,انا غلطت و اتكلمت بغِلظه شويه

[M.Osman]

لو كده يبقي تمام
و انا ماقصدكش يا محمد و الله بالكلام اللي فات
و لو حد زعلان يتقبل اسفي,,,انا غلطت و اتكلمت بغِلظه شويه

never mind :)

[mnomno]

اللانوس تقفيل مصري علي فكره برضه

شكرا على المعلومه

[hysagm]

متشكر جدا على تفاعلكم مع المووع ومتبعته؛؛ انا كنت ناوى على الوجان وبصدفه لقيت واحد واقف ومعاه لوجان نزلت استفسر منه على العربيه المهم الراجل كان فى منتهى الاحتراموقلى انه عمل بيه حدثهالمهم عرفت منه ان الاسعار نار فى قطع الغيار +انه مش متوفره الافى التوكيل ةاعاده بعه صعب وخسرته بتكون كبيرهدة ملخص الكلام عشان مطولش عليكم فان شلته من دماغى مع حسرة كبيرة لان بجد العربيه حلوة بس اعمل ايه لزم احط فى دماغى قطع الغيار واعاده البيع عموما انا بقول دلوقتى اكسنت ولا لانوس وشكرا على الرد مقدما