عندي مشكلة في فتيس الالنترا 2008 (نتشة)

[pharonicking]

غسيل الموتور بالمية وكدة بيبوظ فعلا الكومبيوتر خليك فى التوكيل واتاكد ان المشكلة فى الكومبيوتر

[mazenbasha]

خليهم يفحصوة على الكومبيوتر هيبين معاك السبب

الكمبيوتر قال مفيش مشكلة ؟

مش عارف ليه حاسس ان المشكلة ايها علاقة بغسيل العربية .. مم كن الميه جت على حاجة سببت النتشة دى .. و أعتقد ان الكمبيوتر سليم لانه لما غيره المشكلة مختفتش.

انا كمان اعتقد ان الكمبيوتر سليم ومتهيالي الجاز ميعملش المشكلة دي "انا غسلت بجاز مش ميه "

و لو انى مش هاقدر افيدك فى مشكلة النتشة دى
بس اقدر افيدك فى موضوع النقل قبل ميعاد النقلة
ده متوقف على دوستك على دولسة البنزين .... بمعنى انك لو كانت رجلط خفيفة عليه العربية هاتنقل عند RPM واطى و العكس لو دايس ازيد شوية هاتنقل عند Rpm اعلى و هكذا و لو عملت كيك داون و جبت الدواسة للاخر الجير هايسقط نقلة و مش هاينقل الا عند الريد زون

فعلا ده اللي بيحصل لما ادوس بنزين ومش جامد اوي مبحسش بالنتشة وده مشككني في النجيكشن بتاع البنزين ؟

غسيل الموتور بالمية وكدة بيبوظ فعلا الكومبيوتر خليك فى التوكيل واتاكد ان المشكلة فى الكومبيوتر

والله التوكيل حسسني انهم بينجز وخلاص سهل عليه اوي يقولي كمبيوتر ب 9 الاف جنيه بس اللي عرفته من مدير الصيانة ان يوم الجمعة والسبت مبيكنش فيه متخصصين فقالي اجي من الاحد للخميس وانا بفكر اروح تاني واتاكد ان مهندس قديم هو اللي هيكشف عليها وخصوصا انهم قالولي اول مرة ان المشكلة كانت موجوده برده بعد تغيير الكمبيوتر بس خفيفة جدا "اعتقد انه داس بنزين جامد شوية فمحسش بالنتشة"


شكرا لاهتمامكم ودعواتكم المشكلة تتحل لانها فعلا خنقاني جداا مع اني مش بحس بيها اوي لما بسوق بس خايف تاثر على الفتيس او الموتور.

سؤال : هو المفروض اشو زيت الموتور والعربية دايرة ولا لا لاني شوفته وهيا واقفة ولاقيته ازيد من علامة max.

[ahmedfd]

زيت الموتور بيتفحص و العربية واقفة مش دايرة، و غالباً في غبور بيحطوا زيت زيادة لإن العربية بتاخد حوالي 3.6 كيلو، فطبعاً محدش بيتعب نفسه هناك إنه يتأكد بالظبط و بياخدها بالبركة كدة، و ده بيحصل عندي كل مرة من ساعة ما جبت العربية و بروح أي محطة بنزين أفضي الزيت الزيادة بالشفط (غالباً بيكونوا في حدود نصف كيلو زيادة إلا لو واحد غشيم و حطلك أكتر كمان) و الزيادة دي حسب ما سمعت مش كويسة للموتور و يجب تتأكد إن الزيت ميعديش علامة الـ Max.