لازم تقول رأيك...!

[sahtot]

يا صباح الخير والخيرات ازييكوا يا جماعة انا خالد وعلى فكرة انا متابع الموقع جدا جدا وتقدروا تقولوا حافظ مكان المواضيع بقيت قديم فى الكار :oالمهم يا جماعة علشان مطولشى عليكم انا عملت موضوع قبل كدا لانى خلاص هنزل كمان اسبوع بالظبط اشترى عربية وهخلص المهم انا بردة لسا والله متردد جدا ولانى بسوق من زمان بس مش معايا عربية المهم انا عاوز اجيب عربية كدا قومبلة دة مثل حلو فى لعبتنا والله المهم انا عاوزها تكون تستحمل 3 افراد من غير متحك تكون ناعمة وسحبها قوى جدا وتكون ثابتة لابعد الحدود لانى بحب اجرى على طرق السفر وتكون مريحة فى استخدامها وعزلها وعزمها حلو وصاجها يبق مش صعيف يعنى مش من لمسة يتطبق زى ما بعض الناس بتقول فأنا هعرض على حضراتكم كام عربية كدا وتقوليلى اجيب اية وياريت بقا لو الى يقول اخد اية يقولى نبزة معاها علشان اتطمن وقلبى ينشرح معلشى علشان انا موسوس شويتين والى يقولى يقولى اجيبها مانيوال ولا اوتوماتيك احسن فيها علشان ابق عارف فلنبدأ :o

بروتون جين2 2008

هيونداى ماتريكس 2008

لانسر بوما 2008

هيونداى اللنترا 2008
كورولا 2006

دايو نوبيرا 2008

والشفرولية اوبترا 2008

والفيرنا 2008

واخيرا الفيرارى2008:p

لالالالا الفيرارى مش معانا معلشى غلطة مطبعية ياريت يا جماعة اعرف دركم فى اسرع وقت بس محدش يعبر الفيرارى لانى مكسل امسحها
والسلام عليكم ورحمة اللة وبركاتة ;)

[Ahmed_Ezz]

1-بروتون جين2 2008
2-هيونداى اللنترا 2008
و بسس :-)

[bassam nagy]

1- هيونداى الانترا
2- شيفرولية اوبترا
3-لانسر بوما

[tutankhamoun]

بروتون جين 2 ( عالية على الأرض و موتور قوي و صاج قوي و ثبات رهيب )
ميتسوبيشي لانسر بومة ( لو اللي تشبهة سمكة القرش ) يبقى ماشي .ممتازة موتور قوي و عالية عن الأرض و ثباتها ممتاز

هو فيه دايو نوبيرا 2008 ؟؟؟

تويوتا كورولا ..... موتور ناعم .... ثابتة .... موفرة في البنزين و إن كان الصاج مش جامد قوي
هيونداي النترا شكل جميل و موتور قوي و صالون تحفة و لكن صاجها ورق و معرفش ثباتها عامل أيه ؟

و فيه من خارج القائمة
شيفورلية أفيو ........... كويسة قوي

أبعد عن الماتريكس علشان لو راكب فيها 3 ذو أحمال حلوة بتحك في المطبات لأن العربية واطية على الأرض
و أبعد عن الفيرنا لأن متطلباتك ليست فيها

[hazem_khidr]

كورولا و اشتري دماغك
حتركب عربيه عتماديتها عاليه و لما تبيع مش حتخسر فيها كتير بعكس كل اللي انت كاتبه

[crazylambada]

بروتون جين 2 طبعا
فيها كل احتياجاتك
و ابعد عن اللانسر Shark
لان دي ورق بتطبق من اي حاجة

[sahtot]

اللف شكر يا جماعة هوا دا الشغل واة يا توت عنخ امون فى دايو نوبيرا 2008 :)وتقدر تخش على موقع كار 100 100 تتفرج عليها ...

[Ahmed Anwer]

كورولا و اشتري دماغك
حتركب عربيه عتماديتها عاليه و لما تبيع مش حتخسر فيها كتير بعكس كل اللي انت كاتبه

كورولا ايه بس يا حازم باشا ،،

دي سيارة سن التقاعد و خريف العمر ربنا يوعدنا بيها لما نبقي بركة البيت ،،،

انتا مش شايف الأخ اللي بيسأل بيقولك عايز عربية قومبلة !!!!

الأخ اللي بتسأل لو علي صاج قوي ،، انسي و لا حتي مرسيدس ،،

أنا رأيي ما بين الثلاثة دول ،،

النترا - جين 2 - سيات كوردوبا

و من الآخر جين 2 ،،،،

عشان سعرها تحفة ،،،،،،،،،،،،،،،،،

و قومبلة .............

[Ghamrawy]

شيفورلية أفيو ........... كويسة قوي

انا مش معاك خالص فى دى ! صاج زى ال........ موتور عادى جدا ممكن بدل ما الواحد كل شوية يودى الاولاد الملاهى يشترى أفيو و يفسحهم بيها أو يفرجهم على الرعب لو عدى جنب اوتوبيس او مقطورة على سرعة اكتر من 80 ك/س

[Ghamrawy]

شيفورلية أفيو ........... كويسة قوي

انا مش معاك خالص فى دى ! صاج زى ال........ موتور عادى جدا ممكن بدل ما الواحد كل شوية يودى الاولاد الملاهى يشترى أفيو و يفسحهم بيها أو يفرجهم على الرعب لو عدى جنب اوتوبيس او مقطورة على سرعة اكتر من 80 ك/س


انا فى رأيى ان كل الحاجات اللى انت طالبها يا باشا موجودة فى الجين 2

[sahtot]

الله عليكم هههه فعلا والله الكرولا عجوزة اوى وكمان انا مخنقو منها من ساعت ما عامت من واحد صحبى ودخل فى سور المحطة عندنا هنا فعلا انتم عندك حق والله الجين 2 او الالنترا وحلوة اوى حكاية اللاولاد دية والله لما ابق اخلف ان شاء الله هبق اجيب واحدة علشان مييوجعليش دماغى بالملاهى كل يوم :)

[therealhatem]

لانسر بومه 1600 أوتوماتيك لأن فيها نظام ال cvt بيبقى حلو جدا فى السرعات العاليه ولكن عيبها العزل مش حلو فيها ولكن سعر إعادة البيع حلو
بروتون جين 2 ممتازه فى معظم اللى إنت طلبته بس إعادة بيعها مش زى اللانسر
بالتوفيق

[محمد عز]

هات الالنترا ، واسعه قوية جميلة من جوه ومن بره
سعر كويس
اعادة بيع كويسه
سهولة صيانة
انا لو مكانك اجيب الانسر او الالنترا ويكونزا اتومايتك واريح دماغي

[rawdat]

corolla
elantra
we shoof el kia cerato bardo yemken te3gebak
shaklaha mo7ayed we sheek
we gen 2 bardo

[sahtot]

اللف شكر يا جماعة على الاهتمام وعاوز ردور اكتر اكتر كل لما ترد اكتر فرصتك فى الفوز هتكتر :)