إستفسار بخصوص فيرنا أتوماتيك 2004

[liquidator]

أنا أنضميت حديثا لمنتدى الهيونداى حيث أنى كنت عضو معروف فى منتدى السيارات الصينى
و لسة شارى عربية فيرنا 1600 أتوماتيك مو 2004 و سمعت أن هذا الموديل تقفيل كورى بالكامل فهل هذا صحيح وهل هناك مشاكل معية حد سمعها فى هذا الموديل... و عموما هى عاملة 60 ألف كيلو و صيانتها بالتوكيل و كاوتشات جديدة و رشة رفرفين بالتوكيل أيضا و تحتاج تغيير مساعدين خلفى ( لسة ضارب حديثا حيث لم يبدأ فى الترشيح) و أشتريتها بالعافية ب 53750 ألف جنيه فما رأيكم و ما تعليقاتكم

لو اديتني رقم الشاسيه باذن الله هانقدر نعرف ان كانت مصري وللا كوري ...

[أبو عمار المصرى]

شاسيه رقم 627

[أبو عمار المصرى]

و مشكورين بشدة لمساعدتكم فى التفكير و النصيحة و جزاكم الله كل خير

[liquidator]

معلش تقدر تجيب لي رقم الشاسيه كامل .. يعني بالحروف اللي قبل الرقم من علي جسم العربيه ؟

[أبو عمار المصرى]

الرقم دا أنا جبته من الرخصة لكن ممكن توضح لى فين مكان هذا الرقم على جسم السيارة عشان أجيبه لك النهاردة إن شاء الله (بس آخر اليوم عشان أنا فى الشغل دلوقت)

[أبو عمار المصرى]

و إستفسار آخر يا باشا لأنه يبدو أنك من ذوى الخبرة و العالمين ببواطن الأمور فى التوكيل ...... سيارتى كانت صيانتها بالتوكيل فهل يمكن أن أطلب منهم تاريخ السيارة بالكامل منذ بدأ صيانتها و حتى الآن حيت يمكن لى أن أعرف ما يحتاج تغيير و ما لا يحتاج لكى أحافظ عليها قدر المستطاع و هل سآخذ هذه المعلومات مطبوعة أم سوفت كوبى و لك منى جزيل الشكر

[liquidator]

التوكيل عنده هيستوري بكل عربيه و ايه اللي حصل فيها بالضبط و تقدر تستعلم عنها
بس أنا الحقيقه ما جربتش أطلب كوبي من المعلومات دي ... حاول و روح اسألهم و ربنا المستعان ... انت لو جبتلي رقم الشاسيه كامل ان شاء الله هايبقي سهل نعرف كل حاجه عن العربيه مش بس جنسيتها ...
أنا مش من ذوي الخبره ولا حاجه كل الحكايه اني هاوي المواضيع اللي زي دي و ليا أصحاب كتير في التوكيل ...

[أبو عمار المصرى]

بس يا ترى أنت عارف فين آلاقى رقم الشاسيه بالكامل يعنى مكانه فين بالضبط على جسم السيارة

[liquidator]

مش عارف الفيرنا ظروفها ايه بس مهيئلي تحت الزجاج الأمامي تحت الكبوت يعني لما تفتح الكبوت تلاقيه في وشك جوه تحت المساحات كده ... أي حد يا جماعه عنده فيرنا يقول لنا فين رقم الشاسيه ...

[أبو عمار المصرى]

أنا لقيت رقم الشاسيه النهاردة الصبح فى المكان اللى قللتلى عليه بس ما كانش معايا قلم عشان كدة ياريت تنتظرن النهاردة مساءا عشان أقولك عليه و تساعدنى فى الموضو دا

[liquidator]

أنا تحت أمرك و منتظرك

[أبو عمار المصرى]

رقم الشاسيه هو

Aegch41rp4p000627

و آسف جدا يا باشا على التاخير و جزاك الله كل خير على المساعدة

[liquidator]

هو انت متأكد ان العربيه دي هيونداي أصلا ؟ !!!
مالهاش وجود خالص عندي في قاعدة البيانات بس لو العربيه دي فعلا هيونداي فهي مش كوري اطلاقا لأن لو كوري الرقم هايبتدي بحرف K مش A و كمان الرمز الحادي عشر هايكون U مش P نسبة لمصانع هيونداي الموجوده في Ulsan في كوريا ..
هل ممكن تصورلنا العربيه ؟

[أبو عمار المصرى]

والله يا باشا هيونداى موديل 2004 و ذلك مثبت فى الرخصة و سأقوم بتصويرها لسيادتك قريبا جدا