العمر الافتراضى للبطاريه

[victornabil]

يا جماعه انا معايا النترا اوتوماتيك 2008 و لما بسيب العربيع يوم مدورهاش تانى يوم بتعتل لما اجى ادورها انا خايف لاجى ادورها فى يوم متدورش ودى هتبقى مشكله عشان مش هتنفع تتزق لازم وصله قولولى اعرف منين ان كانت البطاريه باظت و ايه العمر الافتراضى لبطارية الالنترا 2008

[Hacker5]

ممكن تروح لكهربائى يكشفلك عليها بجهاز كدة مش فاكر اسمه
لو ضعيفة يبقى تشترى بطارية جديدة عشان تبقى فى المضمون و كماه عشان متعطلش بيك برا وهاتبقى مشكلة و احرص دايما ان يكون معاك وصلة بطارية فى شنطة العربية للضرورة

[kh_talaat]

أقصى عمر افتراضي للبطارية هو 3 سنوات

وبالنسبة لحالتك لو بطارية سايله يبقى اكشف على الميه لو ناقصه زودها

ويستحسن عند الكهربائي او محل بطاريات عشان يزبطلك نسبة الحامض باستخدام القِربه وبالمره تكشف على قوة شحن الدينامو

وعلى العموم حكاية ان البطارية تبدأ تعتل معاك صباح كل يوم دة معناه انها قاربت على النهاية وقدامها معاك اسبوع او اسبوعين بالكتير

[victornabil]

شكرا ليكم على الردود بس انا عندى البطاريه غالبا جافه و موضوع التعتيل ده بقالو ييحى شهرين و مبيظهرش غير كل يو اتنين الصبح عشان بتكون بايته من السبت بلليل لغاية الاتنين الصبح

[tarekabosdera]

بتختلف حسب استخدام العربية

- مشاوير قصيرة كتير بتقصر عمر البطارية خصوصا في الشتا بسبب كتر التشغيل والاطفاء

- ركن العربية مدد طويلة الى حد ما دون تشغيل العربية ( اسبوع فأكثر )

- الطقس البارد زي اللي احنا فيه ده بيعرض البطارية للضعف

انا معايا النترا 2009 بقالها سنة ونص وبدأت البطارية تضعف ونامت مني مرتين قبل كده لما كان الجو بارد جدا والهوا ضارب في وش العربية وانا ماشي

[wisenada]

يا جماعة بطارية الالنترا جافة .. من أول 2007 ... خاصة الأتوماتيك منها.

أعتقد كما قال الأخوة الموضوع محتاج كشف على الدينامو .. وأعتقد إن البطارية لسه قدامها شوية وقت على ما تتعب.

بالتوفيق
محمد

[victornabil]

خلااااااااااااااص البطاريه جابت اخرها النهارده الصبح مادارتش ودورتها بوصله ----انشاء الله و انا مروح النهارده هشترى واحده بس ياريت حد يقوللى على محل كويس فى مصر الجديده او جسر السويس و اجيب نوع ايه و كام امبير عربيتى النترا اتوماتيك 2008

[wisenada]

طمنا على حضرتك .. عملت ايه فى البطارية؟؟؟؟

[victornabil]

انا اشتريت بطاريه جديده ب 350 جنيه و شغاله كويس من 3 ايام و هى نوعها تركى و اشتريتها من اسق حكيم اللى فى الخليفه المامون

[wisenada]

انا اشتريت بطاريه جديده ب 350 جنيه و شغاله كويس من 3 ايام و هى نوعها تركى و اشتريتها من اسق حكيم اللى فى الخليفه المامون

أولاً: ألف مبروك وربنا يبارك لك فيها .. ويحفظك من كل سوء.

ثانياً: لو تكرمت تقول لنا .. ماركتها ايه .. وجافة ولا سائلة علشان نعرف لو ما فيهاش تعب على حضرتك.

تحياتى
محمد

[victornabil]

هى جافه و 45 امبير عشان الاصليه اللى كانت فى العربيه 45 امبير علشان ليها جراب كده بتدخل جواه و لما جربت احط ال 55 امبير منفعتش تدخل فى الجراب فجبت ال 45 امبير هى نوعها تركى مش فاكر اسمه لما انزل هشوفلكو اسمها ايه و اقولكوا