إصلاح زجاج

[OO7]

سيارتى نيو النترا 2011 ... وأنا ماشى على الطريق زلطة خبطت فى الزجاج الأمامى تسببت فى نقرة بسيطة

على الجنب الشمال عاملة زى النجمة بقطر حوالى 1سم ... أنا سمعت إن فيه أماكن بتصلح الزجاج

المشروخ وهو راكب فى العربية خصوصا إن التلفيات بسيطة وحرام أغير الزجاج ... يا ريت لو حد عارف يقولى فين

ممكن أصلح الزجاج والتكلفة تقريبا ... وفى حالة تغيير الزجاج إيه هو أقل سعر للزجاج الأمامى مستورد وعند مين.

شكرا مقدما ...

[m_zizo620]

في محل معروف اسمه الدكتور خالد و دة في في المهندسين في اخر شارع جامعة الدول و واحد تاني في الهرم امام خزان الهرم بس مش عارف بصراحة التكلفة هتبقي كام روحولوه و ربنا يعوض عليك انا برده معايا النترا و خدت نقرة بس في الكابوت قشرته

[koks]

الحمدلله حصل خير
انا مش هفيدك في المحلات عشان انا من اليكس
بس أعملها في اسرع وقت عشان اللي اعرفه ان في اوقات بعض الشروخ لو اتسابت بتسرح ( بتزيد )

[OO7]

ألف شكر على الردود ... هروح للدكتور خالد فى المهندسين وأجرب وأكيد تكلفة التصليح عمرها ما هتكون زى الجديد ..

وأنا فعلا خايف إن الشروخ تسرح بس اللى مطمنى إن إحنا فى الشتاء لإنى أعتقد فى فصل الصيف هيكون الوضع سئ جدا من

من شدة ضغط الحرارة ...

[essam_shaaban]

سيارتى نيو النترا 2011 ... وأنا ماشى على الطريق زلطة خبطت فى الزجاج الأمامى تسببت فى نقرة بسيطة

على الجنب الشمال عاملة زى النجمة بقطر حوالى 1سم ... أنا سمعت إن فيه أماكن بتصلح الزجاج

المشروخ وهو راكب فى العربية خصوصا إن التلفيات بسيطة وحرام أغير الزجاج ... يا ريت لو حد عارف يقولى فين

ممكن أصلح الزجاج والتكلفة تقريبا ... وفى حالة تغيير الزجاج إيه هو أقل سعر للزجاج الأمامى مستورد وعند مين.

شكرا مقدما ...

عندك الدكتور خالد في المهندسين وده فنان بس غالي شوية ولازم تعملها باسرع وقت قبل ما التراب يدخل فيها وساعتها مش هتنفع
وعندك زجاج الحاجة اللي في مصر القديمة الفرنساوي علي الكورنيش جنب قسم مصر القديمة ودول فنانين برضه واسعارهم ممتازة سواء في الاصلاح او التركيب
وعندك بنزينة وطنية علي اتوستراد المعادي علي اليمين وانت رايح اتجاه مدينة نصر في الحارة الضيقة قدام نزلة مؤمن الينزينة دي فيها واحد كويس بس عيبه انه مغلواني حاول تفاصله لحد ما تفرمه

وربنا يكفيك شرها ويديك خيرها يارب

[OO7]

لو حد عنده فكرة وجرب قبل كد يقولى كيف يتم إصلاح الزجاج هل ده بيكون بالحرارة وهل فيه مواد تستخدم فى عملية طبخ

الزجاج . بصراحة أنا مش قادر أتصور فكرة التصليح بتتم إزاى وهل بيكون فيه آثار للتصليح والزجاج بيرجع كأنه جديد

[essam_shaaban]

بيتعالج بالحقن
بيعمل شرخ بالالماظة جنب النؤؤرة اللي عندك وبعدين يحقنها بمواد انا مش عارفها هيه والشرخ اللي عمله ... ولو النؤؤرة اللي عندك جديدة طازة هتلاقيها اختفت هيه والشرخ اللي عمله عشان يحقن منه والموضوع بيتكلف في حدود 60 او 70 ج حسب الشرخ وهكذا

وابقي طمنا

[OO7]

بيتعالج بالحقن
بيعمل شرخ بالالماظة جنب النؤؤرة اللي عندك وبعدين يحقنها بمواد انا مش عارفها هيه والشرخ اللي عمله ... ولو النؤؤرة اللي عندك جديدة طازة هتلاقيها اختفت هيه والشرخ اللي عمله عشان يحقن منه والموضوع بيتكلف في حدود 60 او 70 ج حسب الشرخ وهكذا

وابقي طمنا

روحت للحاجة اللى فى مجرى العيون وقالى النقرة هتروح بنسبة 20% فقط وهيكون منظرها زى ما هو بس هيمنح فقط إن الشروخ تسرح ... بصراحة حسيت إن عند الحاجة مش متمكنين (أى كلام) ما عجبنيش على الرغم إنه قالى علاج النقرة هيتكلف 25 جنيه .. مشيت و روحت للدكتور خالد فى الفرع الرئيسى بمصر الجديدة ولما شاف النقرة قالى هتروح بنسبة 50% فقط .. قلتله ماشى لأنى حسيت إنه متمكن .. وفعلا راحت النقرة بنسبة 50% ودلوقت مش ظاهر غير خيال للنقرة طبعا أنا شايفها لأنى عارف مكانها وعلى فكرة أنا بحثت كتير على النث عن تكنولوجيا إصلاح الزجاج وعرفت معلومات عن الأدوات المستخدمة وطريقة علاج الزجاج المشروخ بالفيديو ...
وأخيرا علاج النفرة عند د, خالد اتكلف 60 جنيه وده أقل شئ عند د.خالد + ضمان مدى الحياة .. (طبعا غالى جدا + بس أهم حاجة الخبرة والضمان)

[essam_shaaban]

روحت للحاجة اللى فى مجرى العيون وقالى النقرة هتروح بنسبة 20% فقط وهيكون منظرها زى ما هو بس هيمنح فقط إن الشروخ تسرح ... بصراحة حسيت إن عند الحاجة مش متمكنين (أى كلام) ما عجبنيش على الرغم إنه قالى علاج النقرة هيتكلف 25 جنيه .. مشيت و روحت للدكتور خالد فى الفرع الرئيسى بمصر الجديدة ولما شاف النقرة قالى هتروح بنسبة 50% فقط .. قلتله ماشى لأنى حسيت إنه متمكن .. وفعلا راحت النقرة بنسبة 50% ودلوقت مش ظاهر غير خيال للنقرة طبعا أنا شايفها لأنى عارف مكانها وعلى فكرة أنا بحثت كتير على النث عن تكنولوجيا إصلاح الزجاج وعرفت معلومات عن الأدوات المستخدمة وطريقة علاج الزجاج المشروخ بالفيديو ...
وأخيرا علاج النفرة عند د, خالد اتكلف 60 جنيه وده أقل شئ عند د.خالد + ضمان مدى الحياة .. (طبعا غالى جدا + بس أهم حاجة الخبرة والضمان)

طب يا سيدي الف الف مبروك وربنا يستر طريقك وطريقنا كلنا، وبعدين الكل هنا في المنتدي اجمع علي الدكتور خالد انه فنان لكنه غالي
والعموم مبروك عليك التصليح وربنا ما يجيب لك اي مشاكل