هو ده الطبيعى بتاع الفيرنا ولا ايه؟؟؟

[asas2]

السلام عليكم يا جماعة


معلش عندى سؤالين للأخوة بتوع الفيرنا ..

دلوقتي انا بشترى عربية لمراتى فيرنا اوتماتيك .. امبارح رحنا نشوف العربية فخدت بالى من كام حاجة كدة مش عارف دول طبيعي ولا لآ


أولا : العدادات واقفة عند عشرين طبعا انا معرفتش اتحرك بالعربية علشان هى لسه جوه المعرض عند غبور بس اما بدوس على الزرار الأسود اللى المفروض بيقلب العدادات فى الماتركس او البيرسونا مش بيدى اى حاجة تانية غير رقم العشرين دول والراجل بتاع المبيعات اللى هناك بيقوللى علشان العدادات متصفرة وهى جاية على تريلا فهى عاملة 20 كيلو بس .. فقل ده حقيققى ولا الرجل بيشتغلنى .. طيب هى العددات دى متقلبش على اى شاشة تانية؟

ثانيا : لما جيت اشوف الشنطة وشلت الأرضية القماش او الموكيت اللي فى الشنطة دى علشان اشوف الاستبن لقيت الأرضية اللى عليها الاستبن دى شكلها غريب .. مدهونة بشكل سيئ جدا والدهان شكله سايح على بعضه بصراحة تقفيل الحتة دى زي الزفت .. فهل ده فى كل الفيرنا كدة ولا فى العربية دي بس ..

معلش بتعبكوا بس والله روحت غبور العبور مخصوص النهاردة علشان اتفرج على عربيات فيرنا تانية علشان اشوف الحاجات دى ملقتش عندهم ولا فيرنا معروضة .. فمعلش حتقل على الناس اصحاب الفيرنا .. مستني ردودكم:b4_611:

[AHMEDCAR]

عادى جدا لاتقلق

[aif]

زرار تصفير العدادات بيصفر عداد الرحلات لما تدوس عليه 3 ثواني
لكن مش بيجيب شاشة تانية
هيا شاشة واحده .... عداد الرحلات فوق والعداد الاساسي لأجمالي المسافة تحت

[asas2]

شكرا جزيلا

[M.Osman]

زرار تصفير العدادات بيصفر عداد الرحلات لما تدوس عليه 3 ثواني
لكن مش بيجيب شاشة تانية
هيا شاشة واحده .... عداد الرحلات فوق والعداد الاساسي لأجمالي المسافة تحت

كلام مظبوط

و دي صور للدهان تحت موكيت الشنطة و تقييمي له .. مقبول

[asas2]

كلام مظبوط

و دي صور للدهان تحت موكيت الشنطة و تقييمي له .. مقبول

متشكر جدا لحضرتك

[kamalrefaat]

متخفش ده اصله مش الساج مباسرتا ده ورق عزل عامل ذى الكوتش ملزوق على الساج وبعدين مدهون بس هو عند شكله وحش حتى انت لما تدوس عليه تللاقيه طرى مش ناشف يعنى يمتص ضغطه صباعك وبس برضه على الاركن الجانبيه فيها فلتو ولا لا علشان ساعات العربيات بتتخبط من المعرض وبصلحها وبيبعها وهى لسه فابريكا

[tamatemo]

لا ما تقلقش دا طبيعي