صيانه 5000 للإلنترا

[kan]

انا كنت عايز اروح اعمل صيانه 5000 كيلو للعربيه
وعداد عامل 5600
بس انا مش حقدر اروح التوكيل الايام دي لاني مشغول شويه
هو صيانه 5000 اقصى حد للكيلو كام
وكمان انا كنت غيرت كلاكس العربيه
هل ممكن يعرفوا انا غيرت الكلاكس ويطلعوني من الضمان
وايه قلي بيحصل في صيانه 5000
وحدفع كام؟
وآسف على الاطاله

[mahmoud_afifi]

معلش على الرد المتأخر.
عامة صيانة ال5000 مش مهمه وانا نفسي ما عملتهاش. وصيانة ال5000 مالهاش حد معين بس لو هتتأخر ألفين كيلو عنها مثلا يبقى بلاش تعملها واعمل صيانة ال10 الاف.
مفيش حد هناك بيدق انت عملت صيانات ايه قبل كده عامة.
في صيانة ال5000 بيتم تربيط عفشه والكشف على مستوى مياه المساحات و شوية حاجات بسيطه وتغيير زيت اذا كنت حضرتك حاطت زيت 5 الاف كيلو في صيانة الألف. وهي ثمنها غالبا 170 جنيه تقريبا.
بالنسبه للكلاكس اوقات المهندس بيزمر يتأكد انه شغال او لأ ولو متغير مابيطلعكش من الضمان. هو بس بيكشف عليه عشان لو كان شغال وانت استلمته بايظ يبقى عليهم.