اعمل عمرة فين

[ezzezzz]

ارجو الافادة العربيه هيونداى اكسل1500 97 امبارع الفجر و انا ماشى لمبة الزيت نورت و طفت كدةو هوووب العربيه وقفت و مادرتش تانى
قطرتها لحد البيت و جبت الميكانيكى الصبح قالى المونور قفش و لازم عمر بس الميكانيكى دة تاكاواى كدة انا اريد ميكانيكى متخصص فى الاكسل عشان العمرة تكون تمام و ياريت يكون مصر الجديدة او مدينة نصر
جزاكم الله خيرا

على فكرة انا سألت كتير قالولى العمرة احسن من الموتور عشان الموتور الاستيراد انتا و حظك
و يا ريت تقدير مبدئى عن التكاليف

[ezzezzz]

ايه يا جماعة ميفيش حد بيرد ليه

[mmans]

احسن عمرة اعملها فى السعوديه احسن من اى مكان تانى هههههههههههه

والللللله معرفش انت منين بالظبط لو من مصر مقدرش افيدك و استنى باقى الاعضاء يردو عليك

[ezzezzz]

يا ريت حد يفيدنا اى حد يعرف ميكانيكى هيونداى عنده ذمة ناحية مصر الجديدة او مدينة نصر او الحدائق

[أبو صلاح]

http://www.nilemotors.net/Nile/176465-2001.html

بص على ده ولينا كلام تاني

[ezzezzz]

http://www.nilemotors.net/nile/176465-2001.html
بص على ده ولينا كلام تاني

الف شكر على الاهتمام و هل حضرتك تفضل اغير الموتور بدل العمرة ؟

[ezzezzz]

و يا ريت عنوان و تليفون الميكانيكى بتاعك

[ahmed_mazda323]

احسن عمرة اعملها فى السعوديه احسن من اى مكان تانى هههههههههههه

والللللله معرفش انت منين بالظبط لو من مصر مقدرش افيدك و استنى باقى الاعضاء يردو عليك

يا استاذنا بيقولك حد قرب مدينه نصر او حدائق القبة ....تقوم تبعتة الحبشة ؟؟؟
انا انصحك بشراء موتور استعمال صحبي عملة واشتراه بتسقيطة ب 1800 ((فاضي)) يعني موتور فقط من غير الكربيراتير او المارش أو ..... وعملة عند واحد في الحي العاشر مدينة نصر وعلي فكرة الميكانيكي هو اللي اشتراه ليه ومتخفش من استعمال الخارج بيكون افضل من عمرة كاملة مش هترجع زي الاول وعمرها ما هتكون زي الفبريكة ...بس لو هتسقط موتور خلي باللك بيديلك معاه ضمان 1000 كيلو أو شهر يعني علي التجربة ولو وجدت ان جيد بيخلص ويسجل معاك الورك الخاص بالموتور (((ابعد عن العمرة والعك ده عشان مش هيرجع زي الاول وهيكلفك فوق 3000 او 4000 حسب الخامات اللي هتشتريها ))))

[ahmed_mazda323]

يا ريت حد يفيدنا اى حد يعرف ميكانيكى هيونداى عنده ذمة ناحية مصر الجديدة او مدينة نصر او الحدائق

مفيش

[mmans]

[QUOTE=ahmed_mazda323;3873181435]

يا استاذنا بيقولك حد قرب مدينه نصر او حدائق القبة ....تقوم تبعتة الحبشة ؟؟؟

اه ده مكان نظيف جدا فى ميكانيكى هناك اسمو ابو جهل كفاااااااءه ههههههههه هيظبطك على الاخر ههههه و تلفونو 0100 هيرد على طول هههههه


انت ادرى منى بقه فى الموضوع ده يا باشا و اعتقد ان انت قولت الخلاصه يشترو موتور استعمال احسن

[tamer_a7]

يا باشا خش رابطه ملاكي الاكسيل ونتكلم هناك
يا راجل حد يبقي عنده بتاع 100 عضو كلهم عنهم نفس العربيه ويسيبهم من غير ما يسال نتقابل جوه في الرابطه يله من غير تاخير

[أبو صلاح]

الف شكر على الاهتمام و هل حضرتك تفضل اغير الموتور بدل العمرة ؟

بص ياباشا
اولا زي ما هو معروف الماتور عامل زي البطيخة
لما يتفتح يتعرف ايه اللي جواه
لو الموضوع كله طقم شنبر
يبقى الافضل انه يتعمل
انما لو عمرة كاملة وخراطة وقطع غيار وشغل كتير هنا نفكر ونشوف اي البدائل أفضل

وبعدين برضه الموتور الاستيراد مهو مستعمل برضه وكمان انت مش عارف هو ماشي كام كيلوا ولا ايه حالته من جوه

على الاقل انت هتبقى عارف ايه حالة موتورك بالظبط

[أبو صلاح]

و يا ريت عنوان و تليفون الميكانيكى بتاعك

عنوان الميكانيكي اللي عملت عنده الموضوع ده خلف سوق السيارات في الحي العاشر مدينة نصر

لو مهتم ابعتلي وانا اديلك نمرة تليفونه

[ahmed_mazda323]

موتور فبريكة استعمال أفضل من عمرة وعك وتكلفة علي الفاضي وتليين ومشاكل بعد التليين ..انت بتسقط موتور وبتمشي في نفس اليوم وبيكون علي التجربة وقياس الكبس بتاعة يعني انت بتجيب معاك ميكانيكي او فني من البنزينة بتكون متفق معاه وبشوف كذا موتور وفي الاخر بيذكي ليك واحد وخلي ديما التجربة وهو راكب ...ولك حرية الاختيار

[ezzezzz]

الف شكر على الردود و النصائح جزاكم الله خيرا
فى واحد قالى الافضل ان تشترى نص ماتور النص السفلى عشان تشوف حالة الالشميز و البساتم عشان الماتور المقفول ماتعرفش فيه ايه من جوة
ارجو النصيحة