الكاسيت بطل يطلع صوت

[IL_Capitano]

ازيكم جميعاً الأول

ثانياً من يومين كده عندي الكاسيت بطل يطلع صوت خاااالص

الكاسيت منور وكل حاجه تمام بس مفيش اي صوت بيطلع

جربت الراديو وجربت السي دي كلو نفس النظام

جربت اعمل ريسيت للكاسيت وبرضو المشكله لسه موجوده

فهو كده غالباً السماعات هي اللي ضربت

سؤال بئا انا دلوئتي لسه في الضمان لو رحت التوكيل والمشكله فعلا ان السماعات باظت خالص طبعا هايغيروها بسماعات اختها

لو انا بئا عايزه احط سمعات نضيفه لان اللي فيها طبعا زي الزفت وصوتها وحش اوووي

ده يطلعني من الضمان؟ وهايرضو هما يعملوه اصلا وللا لازم يتعمل بره وللا اعمل ايه؟؟؟

افيييدوني

[IL_Capitano]

ايه يا جماعه محدش عندو فكره؟؟

انا محتاااجه رأيكم

[beetleMOSH]

عادى جدا لو ركب سماعات تانيه
و تكون نفس المقاس اللى راكب عندك
و مش لازم تعملها فى التوكيل
عادى اى محل بتاع كاسيتات و الكلام ده يركبهوملك
و مفيش قلق على الضمان
لان اللى هايركب
هايشيل و يحط
من غير لعب فى اى حاجه

[samihanwar]

مش معقوله دى ؟
كل السماعات ضربت أكيد لأ!
ده أكيد فى حاجه فى وصلات التسجيل أو احتمال وارد فى حاجه حصلت فى التسجيل ممكن تكون مقاومه او مكثف

[IL_Capitano]

السماعات اشتغلت انهارده لوحدها كده وبعدين فصلت خااالص تاني :( :(

[beetleMOSH]

طيب هى السماعات فى الباب ولا فى الرف ورا
كده يبقى فى اسلاك ملمسه او مش مربوطه كويس

[IL_Capitano]

السماعات في الباب

[IL_Capitano]

واصلا السماعات من ساعة ما جبت العربيه والسماعات صوتها وحش اووي

الكواليتي اصلا في الضياع

حد ينصحني بسماعات كويسه وممكن اجيبها منين؟؟

شكلي كده هاغير السماعات بالكاسيت

[beetleMOSH]

السماعات مدوره
عليك و على سونى
صوتها جميل و سعرها حنين