مشكلة في النترا 2009

[dr_abooody]

السلام عليكم

معايا النترا 2009 عاملة 20 الف كيلو

المهم انا اخر صيانة عملتها كانت ال 10 الاف

دلوقتي لقيت العربية في المطبات البابان بيطقطق شوية و التابلوة في صوت طقطقة و صوت خرفشة و انا ماشي في اي ارض فيها بروزات في الاسفلت او ماشي على طريق نضيف و ممكن يبان في الفرملة

هل دة كدا العفشة مفككة مخلية العربية كأنه مخلعة شوية هي الاصوات دة على خفيف بس انا قلقان لأن مكنش فيها اي صوت و عمرها ما خدت خبطة الحمدلله يا ريت تطمنوني لان العربية لسة زيرو

[mmffor]

انا عندي نفس المشكلة و مستني رد

[kamalsalem]

ممكن يكون بس تربيط صالون ... العربية دي عفشتها محترمة جداً

[mohamed_rhem]

روح اي بنزينه شل حيربطولك العفشه ب 10 جنيه بجد تربيط ملهوش حل

انا اعتقد ان المشكلة في علبة الدركسيون مش في العفشه

لو صيانه ال 20 قربت التوكيل يتعامل كده كده حيربط العفشه

[SAMEH_FOUAD]

ياباشا روح التوكيل ماتخليش حد يلعب فى العربية طالما لسة فى الضمان هو حضرتك جايب عربية زيرو فى الضمان لية عشان تدفع برة

قولهم على العيب والمهندس اللى هناك هيطلع يجرب معاك ويكشفلك على العربية وماتسيبوش غير لما المشكلة تتحل ان شاء الله

لان المشكلة اللى حضرتك بتقولها ليها اسباب كتير فى العفشة
1: قواعد
2: بارات
3: علبة دركسيون
4: مساعدين ضعفوا

[mohamedaghali]

المشكله ديه فى كواليتى الفيبر المصنع منه تابلوه العربيه وديه مشكله فى معظم العربيات الجديده ان الفيبر مش اد كده فبيطلع الصوات ديه خصوصا لو بتركن فى الشمس