تقرير للجيتز بعد 80000كم و تظبيط قواعد الموتور و تجربه زيت فيسكو5000

[Tmhami]

معايا هيونداى جيتز موديل 2008 و ماشيه 80000كم

العربيه مريحانى جدا الحمد لله
المشكله الوحيده الى قابلتها أن بقالى مده بحس برعشه غريبه تقريبا لما تكون العربيه بارده و تفضل معايا لحد مأعمل مشوار كبير حوالى ساعه كده

المشكله أن الموضوع ده مش دايم و لما روحت التوكيل قالولى أن ديه قواعد الموتور أنهم ربطوها بس تانى يوم المشكله رجعت تانى

المهم روحت التوكيل تانى (أبو رواش) وقولتلهم تانى على الى حصل بس فعلن المره ديه عملوا العيب ده و فعلن كانت المشكله فى قواعد الموتور بس هما مغيروش حاجه فى القواعد هما ظبطوها بس
دلؤتى الحمد لله العربيه رجعت زى اللأول بالظبط و كمان صوت الموتور وطى و رجع زى الأول

مصاريف صياته ال80000 كانت 840 جنيه
و شامله تغير زيت الموتور والفلتر و زيت الفتيس وفلتر الهوا و تغير مياه الرادياتير و تغير البوجيهات و فلتر بنزين

معلومه: فى عرض نازل مع تغير زيت الموتور بتغير فلتر زيت و هوا مجانا

حاجه أخيره

حطيت زيت فيسكو 5000 للعربيه عند 70000كم بصراحه محسيتش بأى تحسن خالص كمان صوت الموتور بعد 3000كم بقى خشن أوى و ده ألى خلانى عند صيانه ال80000 أرجع تانى لشل ألترا

[F170]

معايا هيونداى جيتز موديل 2008 و ماشيه 80000كم

العربيه مريحانى جدا الحمد لله
المشكله الوحيده الى قابلتها أن بقالى مده بحس برعشه غريبه تقريبا لما تكون العربيه بارده و تفضل معايا لحد مأعمل مشوار كبير حوالى ساعه كده

المشكله أن الموضوع ده مش دايم و لما روحت التوكيل قالولى أن ديه قواعد الموتور أنهم ربطوها بس تانى يوم المشكله رجعت تانى

المهم روحت التوكيل تانى (أبو رواش) وقولتلهم تانى على الى حصل بس فعلن المره ديه عملوا العيب ده و فعلن كانت المشكله فى قواعد الموتور بس هما مغيروش حاجه فى القواعد هما ظبطوها بس
دلؤتى الحمد لله العربيه رجعت زى اللأول بالظبط و كمان صوت الموتور وطى و رجع زى الأول

مصاريف صياته ال80000 كانت 840 جنيه
و شامله تغير زيت الموتور والفلتر و زيت الفتيس وفلتر الهوا و تغير مياه الرادياتير و تغير البوجيهات و فلتر بنزين

معلومه: فى عرض نازل مع تغير زيت الموتور بتغير فلتر زيت و هوا مجانا

حاجه أخيره

حطيت زيت فيسكو 5000 للعربيه عند 70000كم بصراحه محسيتش بأى تحسن خالص كمان صوت الموتور بعد 3000كم بقى خشن أوى و ده ألى خلانى عند صيانه ال80000 أرجع تانى لشل ألترا

بسم الله الرحمن الرحيم
مبروك على الصيانه وعقبال صيانه ال800000 كيلو ان شاء الله
انا فاكرك يا باشا من قبل ما المنتدى يقع كنت بتسأل وكنت قلتلك على اماكن قواعد الموتور
طلع العيب منها زي ما قلتلك كويس انهم مقالولكش نغير لأنها من التوكيل كانت حتكون حراقه شويه وتاني مبروك على الصيانه

[Ashraf_Ibrahim]

ألف مبروك يا جميل على الصيانة
وعقبال صيانة المليون يارب وربنا يحميك من شرها ويديك خيرها كله
انا هروح الخميس ان شاء الله اعمل صيانة ال 15000 كم

يعني فيه عرض على الزيت معاه فلتر مجاني؟!
كنت هشتري زيت سل 5000 من برا احتياطي عشان لو مكانش موجود عندهم
العرض دا نازل على اي فئة زيتيه واللا فئة معينة؟!

[kareem20]

الف مبروووك و عقبال 800000 كم

[_Ahmed_casper_]

الف مبروك . انا ليا سؤال انا عايز اعرف استخدم زيت ١٠٠٠٠ احسن ولا ٥٠٠٠ ؟ هل فى فرق بينهم ولا الفرق فى السعر و المسافه بس؟ العربيه جيتز ١٦٠٠٠

[Tmhami]

F170
لما سألت على أسعار قواعد الموتور فى التوكيل مهندس الأستقبال قالى حوالى 250 جنيه

Ranger
تقريبا العرض على كل زيوت ....l بس برضه ممكن تتطلب التوكيل و تتأكد بالنسبه لى أنا كنت بغير ....l Ultra 10000 KM

Kareem20
ألف شكر لردك

و ألف شكر لأهتمامكم و لو فى أى سؤال أنا تحت أمركم

[Tmhami]

مش عايز أفتى بس من المعلومات الى فهمتها من المنتدى أن زيت ال10000 بيكون مناسب أكتر للعربيات الجديده

بالنسالى أنا بفضل زيت 10000 علشان بغيره مره واحده و خلاص كمان انا مشاويرى كتيره فمش كل شويه حغير زيت
أهم حاجه حاول تثبت على نو زيت معين سواء 5000 أو 10000 و متغيرش النوع كتير

[_Ahmed_casper_]

ماهو ده اللى انا عايزه افضل على نوع مش هغيره ابدا بس انا مشاويرى صغيره جدا لأن ظروف شغلى بعربيه الشغل فا مش بحتاج عربيتى غير فى المشاوير الخاصه يعنى ممكن ١٠٠٠٠ دول اعملهم فى اكتر من سنه بكتير ياريت حد ينصحنى

[Ashraf_Ibrahim]

بما انك ال 10000 دول ممكن تعملهم في سنة مثلا
يبقا اثبت على شل هيلكس الاصفر ودا بيتغير كل 5000 كم وبما انك مبتتحركش بالعربية كتير يبقا غيره كل 6 شهور وخلاص زي ما مكتوب في مانيوال العربية

*عزيزي صاحب الموضوع
للأسف خدمة العملاء في التليفون مبيكونش عندهم فكرة عن العروض
لما اروح هناك بقا ان شاء الله هسألهم واعرف ايه النظام وربنا ييسر ولو كدة يبقا غيرنا فلتر هوا مجانا ومش هغيره على 20000 كم واحنا المستفيدين :d

[mohamedenzo]

f170
لما سألت على أسعار قواعد الموتور فى التوكيل مهندس الأستقبال قالى حوالى 250 جنيه

ranger
تقريبا العرض على كل زيوت ....l بس برضه ممكن تتطلب التوكيل و تتأكد بالنسبه لى أنا كنت بغير ....l ultra 10000 km

kareem20
ألف شكر لردك

و ألف شكر لأهتمامكم و لو فى أى سؤال أنا تحت أمركم

السلام عليكم
هو اصلا فى كام قاعدة مكنة؟ وال250 دول قواعد مكن كاملين ولا الواحدة ؟

[F170]

السلام عليكم
هو اصلا فى كام قاعدة مكنة؟ وال250 دول قواعد مكن كاملين ولا الواحدة ؟

بسم الله الرحمن الرحيم
هو في اربع قواعد للمكنه اتنين يمين وشمال و اتنين قدام وورا....
ومنتظرين رد صاحب الموضوع علشان انا مش عارف برضه هو 250 ده للواحده ولا للأربعه....

[mohamedenzo]

شكرا على المعلومة بس فعلا السعر ده انا بعتقد انه للاتنين بس مش للاربعة انا بعتقد صعب اوى يبقى للواحد