انذار الماتريكس

[theking2690]

لو سمحتم يا جماعه يا ريت لو حد يقولى فين مكان حساس الانذار بتاع الماتريكس لأن الانذار عندى عالى قوى فكل ما حاجه بتعدى جنب العربيه الانذار بيضرب

[liquidator]

مد ايدك تحت الرف اللي تحت الدريكسيون من جوه هتلاقيه متعلق علي الشمال قريب من زراع فتح الكبوت .. غالبا بيبقي ملزوق بلزق Double face

[momomania22]

ايوه تمام هو ده مكانه
بس انا كمان عندي مشكلة
المفتاحين الريموت البلاستيك بتاعهك اتكسر ولما صلحته مش ثابت وكل شويه يتكسر ومش عارف اعمل ايه
قالولي في غبور انهم مش لاقيين حل للشكوى دي
وانهم ممكن يعرفولي مفتاح الالنترا الجديد ابو ميدالية ده عليه
وهيتكلف 200 جنيه للمفتاحين
هل ده حل ولااجيب جهاز انذار جديد وخلاص
ولو هجيب ياريت حد يقوللي على نوع كويس وبكام
ولكم جزيل الشكر

[liquidator]

جرب تسأل غبور علي انذار هيونداي الأصلي اللي بينزل في الفرنا ... شوفه بكام و قلنا و لو كان سعره كويس هاته و خلاص و ريح دماغك من وجع القلب

[momomania22]

ان شاء الله ،، بس هو شكله ايه زي بتاع الالنترا كده المفتاح لوحد ه والانذار في ميدالية

[liquidator]

بالضبط كده أعتقد هو نفسه لأن هيونداي مش عامله اللا انذار واحد علي ما أعتقد

[bassam nagy]

مكان الحساس بتاع الانذار مفتاح لمض الشبورة تحتوا فى درج متحرك هاتشيلة هاتلاقى الحساس وراء الدرج
انا عانيت من الانذار ومازلت الانذار عندى فى المفتاح وكذا مرة المفتاح يتفك والانذار يعلق والزارير بتعلق احسن حاجة ان المفتاح يبقى لوحدة والانذار لوحدة زى الماتريكس 2008
الانذار بتاع الفيرنا على مااعتقد انوا فى المفتاح وزرار واحد هو الية بيفتح وبيقفل هل الجديدة غيروا المفتاح وبقى ميدالية لوحدة زى الانترا والكوبية والسوناتا

[theking2690]

الماتريكس الجديده بقى المفتاح لوحده و الانذار لوحده

[theking2690]

يا جماعه انا بصيت فى المكان اللى تحت الدرج اللى تحت الدركسيون مالقتش حاجه انا عاوز مكان الحساس اللى ممكن اوطى منه الانذار علشان الناس بتوع الجراج بقم يشتكولى منها كتير