من الاخر كده فيرنا و لا فيفا !

[Ashraf_Ibrahim]

الفيرنا مستمر انتاجها لسنة 2013 بتأكيد من مركز غبور
انا لو مكانك مش هشتري فيرنا اصلا فيه حجات احسن من الفيرنا -بغض النظر اني من ملاك الفيرنا بس النصيحة تحكم عليا اني اقول كدة-

[rzk]

صحيح

[mohamedway]

يا باشا احب اقول لحضرتك ان الفيفا اتوقف استيرادها خالص ومش حتنزل تانى

وكمان الفيفا العزل بتاع الصاج وحش اوى وبتعمل بارومه وده انا عرفته من شكاوى من ناس كثير اشتروها

فا خليك احسن فى الفيرنا

موضوع البارمة ده صحيح و فيه اكتر من شكوى و فيه موضوع هنا فى المنتدى عن القصة ده ممكن حضرتك لو دورت هتلاقيه

لو جبتها يبقه ذنبك على جنبك

أنا خايف عليك لأنى حسيت من ردودك انك ما إقتنعتش بالعيب و ميال للفيفا أكتر و فى الأخر انت حر

و بأضم صوتى لكل اللى قالوا 000000000000000فيرنا

[tito_1980]

اصل الفيفا مرميه في بورسعيد تاكسيات و العربيات مبتقولش لا بس غالبا فيرنا ان شاء الله

[bobgee]

الفيفا تدى الفيرنا بالشوز

[ahmedsamir79]

خليك في الفيرنا احسن

[A_A_ELAZIZ]

لسلام عليكم ورحمة الله وبركاته
انا هدي حضرتك راي وخصوصا انى من ملاك الفيفا ووالدى يمتلك سيارة فيرنا اتوماتيك
مميزات الفيفا :-
1- جودة التقفيل الهندي من حيث الأبواب والسقف .
2- صوت ماتور هادي حتى سرعة 130 كم يبدأ صوت الماتور في العلو بعد ذلك لإرتفاع عدد لفات المحرك .
3- اتزان عالى على السرعات العالية بعد 120 كم
4- لون تابلوه انيق جدا حيث ان لون التابلوه بيج .
5- كاسيت اصلى هيونداي وسماعات امامية اصليه .
6- فرامل ممتازه جدا جدا بمجرد لمسه خفيفة العربية بتقف
7- عفشة قويه وممتازة بجانب جودة تعليق السيارة
8- شكمان السيارة مرفوع ولا يحك في المطبات .
9- استهلاك بنزين معقول بدون استخدام التكيف .
اما بالنسبة لعيوب الفيفا :-
1- ارتفاع اسعار قطع الغيار التى لاتسخدم إلا في الفيفا مثل الإكصدام الأمامى والخلفى - الفوانيس -....إلخ
2- السيارة gls تفتقر إلى جهاز انذار ووحدة رفع واريال كهرباء.
3- فنيات السيارة لايفتى فيها إلا داخل التوكيل يعنى لو في الصعيد او في قرية يبقى لو حصل معاك حاجة جمدة محدش هيفهمها إلا في التوكيل .
4- كاسيت السيارة شرائط وليس سي دي
5- مجموعة زراير الزجاج الكهربي لا توجد بها لمبة .
مميزات الفيرنا المصري :-
1- السيارة منتشرة انتشار سريع وقوى
2- سعر إعادة البيع اعلى من نظيرتها الفيفا
3- توفر قطع الغيار وتوفر عدد الميكانيكين الملمين بها .
4- ماتور قوي 1600 سي سي .
5- السيارة بها حهاذ انذار وسنتر وكاسيت سي دي
عيوب الفيرنا لمصري :-
1- السيارة غير متزنة بالمرة على السرعات العالية بعد 120 كم
2- فرامل السيارة ليست بجودة وكفاءة الفيفا (والله سمعت تعليق من واحد فيرناوي قالى انها عربية بتطير لكن مبتقفش )
3- سوء التقفيل المصري ثل ظهور بنط اللحام -سماع صوت تزييق في ابواب السيارة .
4- لون التابلوه الرمادى (طبعا ديه اذواق)
5- شكمان يتأرجع عمري ماشفت فيرنا شكمانها ماسك نفسه
6- الكاسيت انت ونصيبك ممكن يكلع كويس ويعمر معاك وممكن يبوظ منك قبل ماتوصل بيها البيت من المعرض
7- عفشة السيارة قوية ولكنها ليست كعفشة الفيفا
8- جهاز الإنذار لايعمل على شنطة السيارة ولا على الكابوت .
اتمنى انى اكون وفقت في المقارنة وخلاصة القول
جودة التقفيل يبقى فيفا
جودة الماتور يبقى فيرنا
انا كنت زيك كده في الأول وصليت استخارة وربنا هدانى للفيفا وصدقنى المقارنة ديه والله مفترتش حاجة على اي من العربيتين حيث انى بركب العربيتين بصفة دائمة واسف على الإطاله

[mudengineer]

verna no doubt