هو فيه كدة؟! 1000 جنيه ليه هو احنا حرامية !!!!

[Ashraf_Ibrahim]

امبارح كنت بعمل صيانة ال 15000 لعربيتي الفيرنا العزيزة
المهم ليست المشكلة في الصيانة اطلاقا
اريال العربية عندي مكسور
سألت عليه عند بتاع اكسسوارات في شارع شبرا لقيته ب 120 كهربا تيواني والراجل لما لقاني مش عاجبني قلي طب 110 وكان ممكن افاصل معاه اكتر بس انا اساسا كنت باخد فكرة بس مكنتش ناوي اشتريه فعليا
فقلت اسأل عليه في التوكيل قلي الكهربا بألف جنيه غير مصنعية التركيب
قلتله ليه ان شاء الله ؟!
قلي عشان كوري واصلي
قلتله كوري واصلي
والعادي ب 180 جنيه
قلتله هركب التيواني زي الفل ب 120 جنيه وهيجيب راديو برده مش هيقول لا
هو احنا شغالين حرامية واللا التوكيلات اتعودت تنصب علينا ؟!

[أبو صلاح]

1000 بندق علشان اريال

كويس جداااااااااااااا

رخيص جدا

ده لقطة

وكوري وأصلي

يا ولاد التييييييييييييييييييييت

[Ashraf_Ibrahim]

1000 بندق علشان اريال

كويس جداااااااااااااا

رخيص جدا

ده لقطة

وكوري وأصلي

يا ولاد التييييييييييييييييييييت

انا قلت يوم ميتمعظم هيبقا ب 300 جنيه مثلا
الضعف بتاع اللي برا يعني باعتبار ان الاصلي غالي
انما يوصل ألف جنيه ليه ؟!
اساسا هو شغال بدون اريال بس بيوش فأنا هركب اريال عشان الصوت يكون احسن
يقلي اصل الموتور بتاع الاريال الكهربا غالي شوية
قلتله اه ماشي وماله
يغور غبور بصياناته وحجاته كلها

[ahmedzizo131]

بسم الله الرحمن الرحيم
يا بلاش

[Ashraf_Ibrahim]

بسم الله الرحمن الرحيم
يا بلاش

شغل نصب يابو حميد
نصب علني كمان

[bentrewsha]

كله من بره بلا توكيل بلا زفت

[kemoelord]

ياباشا ما حضرتك من غير ما تعصب نفسك ولا حاجه لو حضرتك يعني عاوز تركب اريال كهرباء هات التايواني الي لاقيته (وده ارجحه واهيبقى حسن) ولو يعني حابب تسمع الراديو بدون وش هات الاريال العادي مش الاتوماتيك ب 50 ج ولا حاجه بس الفكره ان حضرتك كل ما تنزل وتركب العربيه هتضطر ترفعه وتنزله بايدك علشان العيال ممكن يكسروه في الشوارع وزي ما حصل معايا قبل كده علشان كده برجحلك الكهرباء

[zawawi]

انت اللى عندك الاريال بس مكسور و المكنه بايظه لان مره الاريال اتكسر جبته كهربه (الاريال بس) 40 جنييه و اتركب على المكنه و كان كورى

[M.Osman]

احلى حاجة في الـgl الإريال العادي ده :p

ترفعه الصبح
تركن العربية و تسيبه مرفوع و ترجع تلاقيه زي ماهو :))

[alzaaaem]

ياعم بلاها رديو اساسا الف جنيه فى اريل ليه !!!!!!!!


فى اريل صغير عادى لونه اسود حوالى 7 سنتى اعتقد انو احسن ممكن يمون ال gl ده

[hefzyhefzy]

يا جماعة الكورى الأصلى بره التوكيل بتاع الفيرنا 160 جنيه وبتاع الأكسنت 120 جنيه كهرباء

[khaled_yassin]

هو حضرتك بتتكلم على الاريال بالماتور ولا الانتنه بس الى خارجه من العربيه؟؟

[د.محمود صلاح]

كتير طبعاً . اشتريه وكبه بره التوكيل وهات الأصلي

[mahmoud_afifi]

ركب الأريال الي بيتلزق في الازاز ولا تطلعه بإيدك ولا حد يكسرهولك احسن.

[Ashraf_Ibrahim]

يا جماعة الكورى الأصلى بره التوكيل بتاع الفيرنا 160 جنيه وبتاع الأكسنت 120 جنيه كهرباء

فين الكوري ابو 160 دا ؟!
قلي مكانه وانا اجيبه

هو حضرتك بتتكلم على الاريال بالماتور ولا الانتنه بس الى خارجه من العربيه؟؟

لا الانتنة قالولي ب 180
بكلم على اريا بالموتور طبعا

كتير طبعاً . اشتريه وكبه بره التوكيل وهات الأصلي

هيحصل باذن الله اول الشهر

ركب الأريال الي بيتلزق في الازاز ولا تطلعه بإيدك ولا حد يكسرهولك احسن.

لا ياعم شكله مش ولابد
مانا لقيت دا ب 20 جنيه والراجل قلي هيجبلك الفضائيات كمان بس شكله مش لذيذ
ههههههههههههههه