استشاره من اهل الفيرنا

[amrsabet]

السلام عليكم ورحمه الله وبركاته
انامعايا عربيه فيرنا 2008 عامله 38 الف كم فقولت انا قربت على صيانه 40 الف وقررت انى اعملها بره التوكيل عند واحد انا اتعاملت معاه ولقيته اكثر من رائع المهم روحت النهارده مركز بيع قطع غيار غبور فى شارع دمشق وسالت على شويه حاجات ولقيت الاسعار كالاتى :

• تيل فرامل امامى 270 جم
• فلتر هواء 33 جم
• فلتر بنزين47 جم
• بوجيهات 53جم
• ديسك واسطوانه 670جم

انا بسال هى الاسعار دى طبيعيه ولاغاليه لانى سالت الراجل تيل الفرامل ب 160جم على مااعتقد قالى لا اللى ب 160جم بتاع الاكسنت مش الفيرنا

المهم انا كنت نويت اعمل صيانه 40الف بره التوكيل وقررت اغير :

• فلتر الهواء
• فلتر البنزين
• بوجيهات
• تنظيف بوابات
• تغيير تيل امامى
• تغيير مياه ريدادتير
• تغيير زيت فتيس
• عمل رجلاش الفرامل
• ربط العفشه

السؤال هل فى حاجه تانيه لازم تتعمل فى صيانه ال40الف وكنت عايز عارف هو زيت الفتيس المفروض يكون نوعه ايه وهل بيتباع باللتر وياريت لو اعرف سعره وطريقه تغييره ؟
كمان مياه الريدياتير ايه افضل نوع وبكام وهل برده باللتر ؟

[zawawi]

انت متاكد نك سالت على حاجات فيرنا ولا سوناتا؟؟؟؟؟؟؟؟؟؟
صحبى لسه مغير طقم ديبرياج رينو كليو ب 500 جنيه اصلى !!!

[amrsabet]

فى الحقيقه اسعار التوكيل استهبال انا لسه مركب فوج لايت امبارح ودوخت على الزرار فى شارع دمشق مالقيتش لحد ماشتريت الزرار من التوكيل ب 105 جم يعنى اغلى من الفوج لايت نفسه هو فى الحقيقه اصلى لكن كتير اوى

المهم انا عايز اعرف زيت الفتيس فى الفيرنا المانوال بيتغير على 40 الف ولا كام وبتاخد كام لتر + مياه الريداتير ايه اسحن نوع وبتاخد كام لتر العربيه

[AHMEDCAR]

زيت الفتيس فى الفيرنا المانيوال بيتغير على 30 الف كيلو

و بيتغير فى بنزينه شيل بتحط فالفلين 80

لو قالك عندى فالفلين متعدد من 80 ل140 متحطهوش حط من شيل اللى موجود فى مصطفى النحاس

انا بجيب تيل فرامل جولد ب 50 جنيه كورى و ممتاز على الطنابير

فيلتر الهواء ده سعرع فعلا

فيلتر الينزين غلى 10 جنيه و الوجيهات نفس الكلام

طقم الدبرياج معرفش بصراحه

فى محل جنب فرع التوكيل اللى فى شارع دمشق بيبيع حاجات التوكيل باسعار اقل المحل لونه احمر كده جنب التوكيل على طول على ايدك اليمين

[ashouhdy]

انا عامل 60الف ومغيرتش زيت الفتيس يأحمد ؟؟؟؟؟؟؟؟؟ ولا حتى زيت الفرامل ؟؟؟ وفعلا التيل ب45جنية المهم الزيوت اية نظامها انا مانيوال

[ashouhdy]

انت متاكد نك سالت على حاجات فيرنا ولا سوناتا؟؟؟؟؟؟؟؟؟؟
صحبى لسه مغير طقم ديبرياج رينو كليو ب 500 جنيه اصلى !!!

باشا طقم دبرياج رينو كليو الأصلى ب 1150 !!! مين500 جنية دول ؟

[Ashraf_Ibrahim]

فى الحقيقه اسعار التوكيل استهبال انا لسه مركب فوج لايت امبارح ودوخت على الزرار فى شارع دمشق مالقيتش لحد ماشتريت الزرار من التوكيل ب 105 جم يعنى اغلى من الفوج لايت نفسه هو فى الحقيقه اصلى لكن كتير اوى

المهم انا عايز اعرف زيت الفتيس فى الفيرنا المانوال بيتغير على 40 الف ولا كام وبتاخد كام لتر + مياه الريداتير ايه اسحن نوع وبتاخد كام لتر العربيه

الفوج لايت جبتهم بكام ؟!
وبالضفيرة بتاعتهم واللا لا؟!
وبلدهم ايه ؟!
معلش بتقل عليك بس علشان ناوي اركبهم ان شاء الله

[zawawi]

صحبى قالى الطقم ب 500 معرفش يمكن بيحور عليا
على فكره انا لسه مغير بليه دبرياج ب 190 جنيه جبتها من غبور

[د.محمود صلاح]

ميزة الفيرنا انك ممكن تعمل الصيانة في اي مكان بعيد عن التوكيل وضرايبه واسعاره

[khaled_yassin]

اخيرا هقدر افيد فى المنتدى
بص يا باشا انا عملت صيانه الى 40 الف فى التوكيل بس من حوالى سنه بالظبط 27/10/2009
غيرت طقم تيل فرامل امامى ب324 جنيه الى بيركب فى العربيات الاتوماتيك هو ب290 جنيه للمانيول
فلتر بنزين ب40 جنيه
فلتر هواء ب28 جنيه
بوجيهات ب40 جنيه
زيت الفتيس والكرونة عدد 2 سعر الواحد 12جنيه ونص نوع الزيت spyrex80w90 طبعا زيت شل
ميه ردياتير ب40 جنيه ونص
فلتر زيت ب18 جنيه
الاسعار غير شاملة ضريبه المبيعات
سعر المصناعيه 282 جنيه

[khaled_yassin]

الاسعار الى قولتلك عليها هى نفس الاسعار فى اى موزع او اى محل بيبيع قطع غيار اصلية
بتفرق فى الاتى: هيبيع بفاتورة يعنى اضافى لضريبه المبيعات ولا لالا
راى انا الشخصى والله اعلم لو تعرف محل بيبيع قطع الغيار الاصلية وواثق فيه اشترى من عندوا هتفرق فى الضريبه
اى اسعار اقل من الى قولتلك عليها تشك فى الحاجة لان استحالة يبيع الراجل بخسارة , يا اما الجودة هتختلف

[khaled_yassin]

الفوج لايت جبتهم بكام ؟!
وبالضفيرة بتاعتهم واللا لا؟!
وبلدهم ايه ؟!
معلش بتقل عليك بس علشان ناوي اركبهم ان شاء الله

بصى يا باشا الفوجات اسعارها من 90 جنيه لحد 450 جنيه طبعا الصينى والتركى مغرق السوق بس بيصفر , الاصلى ب450 جنيه شوفتوا فى محل واحد فى شارع دمشق , بس التوكيل طبعا اغلى بكتير ممكن تشوفا فى المعرض بتاع الاهرام عامل كام
الزرار انا اشتريتو ب45 جنيه من احمد سعيد الراجل بيقولى الاصلى وتمسك العلبه اصلى وكلو زى الفل بس لبست فى حاجة بقى اللون ما طلعش هو نفس لون التبلوة , لون التبلوة اسود والى انا اشتريتوا وركبتوا كان لونه رمادى
تروح لاى كهربائى يعملك الضفيرة ويركبلك الزرار وكل حاجة من عندوا ب40 جنيه اة صحيح هتشترى كتاوت لو هتركب زينون
نصيحة لوجه الله ولا ليها اى لزمة معايا غير الشكل , الاضاءة تعبانه ما تفتكرش انك لما تشوف الكيا سيراتو هتبقى زيها
وبدروا نسمع راى الاخوة فى المنتدى

[Ashraf_Ibrahim]

بصى يا باشا الفوجات اسعارها من 90 جنيه لحد 450 جنيه طبعا الصينى والتركى مغرق السوق بس بيصفر , الاصلى ب450 جنيه شوفتوا فى محل واحد فى شارع دمشق , بس التوكيل طبعا اغلى بكتير ممكن تشوفا فى المعرض بتاع الاهرام عامل كام
الزرار انا اشتريتو ب45 جنيه من احمد سعيد الراجل بيقولى الاصلى وتمسك العلبه اصلى وكلو زى الفل بس لبست فى حاجة بقى اللون ما طلعش هو نفس لون التبلوة , لون التبلوة اسود والى انا اشتريتوا وركبتوا كان لونه رمادى
تروح لاى كهربائى يعملك الضفيرة ويركبلك الزرار وكل حاجة من عندوا ب40 جنيه اة صحيح هتشترى كتاوت لو هتركب زينون
نصيحة لوجه الله ولا ليها اى لزمة معايا غير الشكل , الاضاءة تعبانه ما تفتكرش انك لما تشوف الكيا سيراتو هتبقى زيها
وبدروا نسمع راى الاخوة فى المنتدى

التركي بيصفر
ممممممممممم
طب والصيني ايه نظامه؟!
اصل مش داخلة دماغي ادفع 450 جنيه في فوجات -دا كدة اغلى من التوكيل-

[amrsabet]

انا مركب الزرار اللون اسود اصلى من التوكيل ب 105 جم والضقيرة بتتعمل بلدى فى حدود 40 جم انا كمان ركبت سنتر لفتح الشنطه من الداخل بزار زى ال gls والفوج لايت انا شايف ان الحمد لله نورهم كويس

[khaled_yassin]

التركي بيصفر
ممممممممممم
طب والصيني ايه نظامه؟!
اصل مش داخلة دماغي ادفع 450 جنيه في فوجات -دا كدة اغلى من التوكيل-

طيب التوكيل عامل كام؟؟؟؟
تفتكر الصينى هيكون ازلى اكيد اوحش من التركى
انا مركب عدسة برنج بدل الفوج