البوجيهات بتتغير عند كام كيلو

[mmans]

انا معايا الانترا 2011 عامله 10000 كيلو و سمعت ان البوجيهات بتتغير عند ال 10 هل ده صحيح ولا اشاعات
و المفروض تتغير عند كام الف ؟؟؟؟
للعلم العربيه بتسحب بنزين كتيير اليومين دول مع انى منظف فلتر الهواء و حاطط علبه الانجكشن مع تفويله بنزين الاسبوع الى فات و لسه بتسحب بنزين برضو و اما ادوس بنزين صوتها بيعلى شويه مش زى الاول

[tarekabosdera]

لسه بدري أوي على البوجيهات

الوكيل بيغيرها عند 20 الف كم لكن هي أصلا المفروض تتغير عند 40 الف كم زي ما مذكور في الدليل بتاع العربية .

حاول تظبط ضغط الكاوتشات على 32 والعجل بارد ( يعني متكنش مشيت بالعربية أكتر من 2 كم ) .

ولو استمر الخلل روح لمركز صيانة .

[mazagngi2010]

واحد صحبى غير بوجيهات البوما على 125 الف !!!

[semsem8080]

البوما دول بلاتنيوم وببتغيير عند 100 الف لاكن النترا عند 25 الف

[mazagngi2010]

البوما دول بلاتنيوم وببتغيير عند 100 الف لاكن النترا عند 25 الف

مكنتش اعرفها المعلومه دى شكرا يازعيم

[foxking_369]

شباب هو البوجيهات بتاعت الالنترا بكام و نوعها ايه لانى لما كنت بعمل صيانه ال 20 الف مهندس الاستقبال قال انها ب 120 بس انا استغلتها قوى و مردتش اغيرها انا كنت بعمل صيانه فى غبور ابو رواش و بصراحه المهندس دا كان حلانجى قوى و انا مرتحتش لاى حاجه قالهالى

[dr.hazem]

البوجيهات المفروض تتغير كل 40 ألف
وفي العربيات اللي بتحط بنزين 80 كل 20 ألف
ممكن بس يطلعو كل 10 آلاف يتعملهم صنفرة وتنظيف وخلاص على كده


بالنسبه لاختلاف الصوت عندك ياترى اخبار الزيت اللي حضرتك حاطه ايه؟؟
ممكن يكون هوا سبب الصوت
زيادة الاستهلاك ممكن حاجات كتير جدا تأثر فيها
منها هوا الكاوتش فعلا ومنها طبيعة السواقه ومنها ظروف السواقه
ومنها لو العربية مركونه بقالها فترة بيكون في نسبة بخر بسيطه... وهكذا


تحياتي

[khmshry]

شباب هو البوجيهات بتاعت الالنترا بكام و نوعها ايه لانى لما كنت بعمل صيانه ال 20 الف مهندس الاستقبال قال انها ب 120 بس انا استغلتها قوى و مردتش اغيرها انا كنت بعمل صيانه فى غبور ابو رواش و بصراحه المهندس دا كان حلانجى قوى و انا مرتحتش لاى حاجه قالهالى

أنا مغيرها ب 55 جنيه فقط في صيانة العشرين بأبورواش ومعايا أكسنت 2010 مانيوال

[foxking_369]

أنا مغيرها ب 55 جنيه فقط في صيانة العشرين بأبورواش ومعايا أكسنت 2010 مانيوال

بصراحه مش عارف بس انا حسيت ان مهندس الاستقبال دا بيشتغلنى علشان دا قولتله متغيرهمش و كمان لما قولتله ان كاتالوج العربيه مكتوب فيه التغيير بعد 40 الف قالى لا احنا ملناش علاقه بالكلام دا احنا ماشيين على جدول الصيانات بتاعه غبور و الشركه تقول اللى هى عايزاه (بيتكلم زى ميكون هو اللى صنع العربيه ) انا مش عارف هما بيجيبوا الناس دى منين بصراحه و كمان كان مصصمم انه يغير تيل الفرامل و لما قولتله اكشف عليه الاول وشه اتقلب انا بس عايز اعرف حاجه هما ليهم نسبه على اللى بيتغير فى العربيه ولا ايه