ضرورى جدا من فضلكم

[linux1man]

السلام عليكم ورحمة الله وبركاته

حبيت استفسر يا جماعه انا العربية بتاعتى فيرنا 2011 لسه ما كملتش معايا حاجة خاص اسبوع تقريبا
واما بكون سايقها واجيب 3 مع الغيار ال 3 دايما اسمع صوت صارخة او نحرة كدا جامده مع الغيار التالت

مش عارف دا من ايه

ياريت تفيدونى من فضلكم

[mylance]

شد علي التوكيل غالباً الفتيس فيه مشكلة

[Ashraf_Ibrahim]

صرخة ازاي؟!
هل نتشة في الفتيس نفسه واللا في صوت العربية؟!
وهل هي مع التالت بس واللا مع الغيارات كلها؟!
الفتيس التالت من النقلات الديناميكية السهلة في نقلتها ومش مشكلة اطلاقا !
وبتنقل تالت على كام ؟!

[linux1man]

عارف صوت العربية اما تحك فى المطب ... هوا الصوت عامل زيه كدا تقريبا
والصوت دا بسمعه فى ال 3 بس باقى الغيارات كلها شغاله بدون اى مشاكل الحمدلله

وبنقل على التالت طبيعى جدا يعنى مش بحرق غيارات على الفاضى انا عارف انى لسه فى فترة التليين
بس فعلا الصوت دا تعبنى جدا وخصوصا ان العربيه لسه بشوكها زى ما بيقولو :(

[Ashraf_Ibrahim]

حيث كدة اديها على التوكيل وربنا معاك وطمنا عليك عملت ايه !

[linux1man]

ربنا يكرمك يارب

انا فعلا فضلت اتصل برقم غبور 16101 ومحدش بيرد بعد التسجيل الصوتى يقفلوا حتى اما اختار اى اختيار
اتصلت برقم ابو رواش قالولى اتصل احجز واما قولتلهم على ان مفيش حد بيرد قالتلى تعالى من غير حجز وقولهم الكلام دا
واكيد هندخلهالك من غير حجز بس المشكلة فرع ابو رواش بعيد جدا عليا
انا فى حلوان ياريت لو فيه فرع اقرب حد يدلنى عليه

وشكرا ليك Ranger
ربنا يكرمك يارب