صاج الفيرنا

[ibrahimsaad]

ياجماعه انا بفكر اشترى فيرنا ولكن فيه حاجه لاحظتها

رغم ان الجميع بيقول ان صاجها قوى لكن انا شايف ان صاجها ضعيف جدا والدليل على كده كم العربيات اللى معروض فى المعارض للبيع كثير جدا ومعظمه فيه خبطات فى الصاج رغم انها موديلات عاليه كسر زير وبصراحه انا كان معايا اكسيل ورغم انهم بيقولوا ان صاجها اضعف لكن العكس صحيح كان صاجها بصراحه قوى جدا

وعلشان كده الموضوع ده مقلقنى فى اختيار الفيرنا فمش عارف ايه رأيكم فى الكلام ده

[Ashraf_Ibrahim]

ناوي على زيرو واللا مستعمل عشان اقدر اتكلم ؟!

[HOSSAM99]

صاج الفيرنا اقوي من صاج الاكسيل بمراحل

[ibrahimsaad]

ناوي على زيرو واللا مستعمل عشان اقدر اتكلم ؟!

ان شاء الله مستعمل بحاله الزيرو يعنى موديل 2007 او 2008

وانا ملاحظ ان معظم العربيات اللى شفتها متبهدله اما خبط او نقر او صدأ وكلها مشاكل صاج

[M.Osman]

صاج الفيرنا في رأيي اقوي عربيات تانية كتير زي التيدا و النترا و الشارك و السيراتو
موضوع الخبطات و كده عادي
احنا في مصر

[elmkaneeki]

الميكانيكى بتاعى قالى كلمة زمان
لو حتى العربية من غير صاج ومحطوط مكانه ورق جرايد بس محافظ عليها....هتعيش عادى
انما الكلام الى بيقول اصل دى ضعيفة وورق والكلام دة مش جايب همه

[Ashraf_Ibrahim]

على خيرة الله
الفيرنا من العربيات اللي الصاج بتاعها افضل من عربيات كتير
ويكفي اني دخلت جنب بجنب بعربيتي مع لانسر شارك وكانت الاضرار اللي عنده كبيرة جدا مراية وباب ورفرف وانا كل الي حصل عندي الجريدتين بتوع الباب اتخلعوا ونزلت قمت مركبهم تاني والحياة زي الفل
العربية ما دمت هتحافظ عليها هتبقا زي الفل معاك
بس ممكن تجيب ساجا مستعملة هتديك اداء احسن من الفيرنا بصورة عامة وممكن تجيب لوجان مستعملة برده هتديك اداء كويس
العربيات دي اعادة البيع بتاعها سيء وسعرها بينزل فعشان كدة بقلك هاتهم مستعملين وهيكونوا حالتهم نضيفة كمان
دا رأيي ودا اللي كنت هعمله لو انا مكانك

[ibrahimsaad]

على خيرة الله
الفيرنا من العربيات اللي الصاج بتاعها افضل من عربيات كتير
ويكفي اني دخلت جنب بجنب بعربيتي مع لانسر شارك وكانت الاضرار اللي عنده كبيرة جدا مراية وباب ورفرف وانا كل الي حصل عندي الجريدتين بتوع الباب اتخلعوا ونزلت قمت مركبهم تاني والحياة زي الفل
العربية ما دمت هتحافظ عليها هتبقا زي الفل معاك
بس ممكن تجيب ساجا مستعملة هتديك اداء احسن من الفيرنا بصورة عامة وممكن تجيب لوجان مستعملة برده هتديك اداء كويس
العربيات دي اعادة البيع بتاعها سيء وسعرها بينزل فعشان كدة بقلك هاتهم مستعملين وهيكونوا حالتهم نضيفة كمان
دا رأيي ودا اللي كنت هعمله لو انا مكانك

والله فعلا كلامك معقول وانا فكرت فيه وكنت بفكر فى الرينو ولكن المشكله ان قطع غيارها غاليه ومش موجوده غير فى التوكيل او القاهره واعتقد ان الفيرنا رغم عيوبها الا انها تعتبر الاكثر شعبيه واقتصاديه من حيث قطع الغيار والصيانه

[hugan]

+11111111111111

والله فعلا كلامك معقول وانا فكرت فيه وكنت بفكر فى الرينو ولكن المشكله ان قطع غيارها غاليه ومش موجوده غير فى التوكيل او القاهره واعتقد ان الفيرنا رغم عيوبها الا انها تعتبر الاكثر شعبيه واقتصاديه من حيث قطع الغيار والصيانه