قفل الدركسيون لو واحد جامد من حرامية العربيات ( بيعطلة شوية لغاية ما يفكة )

[ashussein]

السلام عليكم ورحمه الله وبركاته






دة قفل الدركسيون زي ما هو باين في الصور
في يوم واحد "شار" علية بية اركبة ( علشان حوادث السرقة لاقدر الله)
قالي " لو واحد جامد من حرامية العربيات ( بيعطلة شوية لغاية ما يفكة )"

المهم يا اخواني في يوم المطرة اللي فات دة وقعت مفاتيحة بعد ما ركبتة ومش لاقيها
طبعا بعد ما (( لفيت واتغرقت واتبليت ولغيت المشوار ))

مش ها طول عليكم ( قعدت طول النهار ادور علي حد يفكة ) مالاقتش

لغاية ما جبت الحداد
((( ببطارية عربية كده وصاروخ حدادي ونشرة قدامي علشان يشيلة )))

وعرفت ان القفل دة كويس اي نعم اليوم باظ ودفعت فلوس وخدت برد
بس في النهاية عرفت انة جاب نتيجة كويسة (( في العطلة والوقت والدوشة ))



ياترا حد عندة رأي تاني ..؟؟
... حفظم الله ...

[al_manara]

راي تاني اة
خلي بالك من المفاتيح
(ياتري سعرة كام)

[mohamed_rhem]

الموضوع اسهل من حداد وصاروخ

صفيحه منشار صلب حد واحد اللي لونها ازرق بجنيه واحد وفي اقل من دقيقه يكون متفور

زي اي قفل صاحبه بيضيع منه المفتاح

وطبعا في مقص حديد 2 بوصه يدوي وهيدروليكي في 10 ثوني يكون انتهي

بس دول حجمهم كبير

عموما القفل حيعطل الحرامي شويه انما مش حيقف في سكته

[ashussein]

شكرا علي الرد

طيب واعمل اية علشان للاسف ما بقاش فية امان

[ashussein]

سعر القفل دة 30 جنية من بنزينة وطنية
ماهو علشان سعرة رخيص انا خايف منه
علي فكرة دة كلفنى 50 جنية عشان افكة .......

[tamer_a7]

علي فكره انا عندي نوع تاني من الاقفال ودا الحديده بتعته مزدوجه يعني لو بصفيحه النشار هتقعد تنشر مش اقل من 15 دقيقه تفتكر مين الحرامي اللي قدامه الفتره الحلوه دي
الحرامي لو العربيه ما كانتش جاهزه للمشي في اقل من 10 دقايق بيسيبها فورا
واعتقد الماده بتاعت القفل دا صعبه في النشر مش زي ما حضرتك متخيل
والله انا عندي واحد قديم وهاجرب عليه

[ashussein]

علي فكره انا عندي نوع تاني من الاقفال ودا الحديده بتعته مزدوجه يعني لو بصفيحه النشار هتقعد تنشر مش اقل من 15 دقيقه تفتكر مين الحرامي اللي قدامه الفتره الحلوه دي
الحرامي لو العربيه ما كانتش جاهزه للمشي في اقل من 10 دقايق بيسيبها فورا
واعتقد الماده بتاعت القفل دا صعبه في النشر مش زي ما حضرتك متخيل
والله انا عندي واحد قديم وهاجرب عليه

شكرا للرد بس علي فكرة الراجل قعد ينشر فية بصاروخ 5 دقائق
( بعد ما غطيت الدركسيون والكرسي والباب)
يعني حتي الرخيص كمان بيعطل كويس ....
وربنا يستر

[macdiv]

انا مش عارف صفيحه منشار ايه و في اقل من دقيقه !!! ده لو الومنيوه مش هياخد اقل من ٥ دقائق ... عفوا الكلام ده مش صح .. و فعلا القفل بيعطل كتير و كمان بيشبه ! عشان محدش بيقعد وراء دكسيون مقفول باللوك ده الا منالناس كلها بتبص عليه و تشك في امره ...طبعا انا بنصح كل الناس بيه .. بس يريت منتترخصشي .. كل ما غلي كل ماخامته كانت كويسه و كان كالوونه صعب التطفيش .. والله الحامي طبعا

[abogogo]

سلامتك يا صديق عمري من البرد ايه يا ابو يوسف
...... ما اتصلتش بيا يا شقيق ....
خد الفكرة دي اسمها ربطة رجل الحمار

تشوف حداد كويس بيعمل حدوه للحصان ويعملها
او تجيب كلب بول دوج تبيته في العربيه
وسيبك من مواضيع الاقفال ودوشة المفاتيح

[ashussein]

فكرة جامدة جدا
بس الحكمة فين الحصان اللي هاتيجي حدوتة مقاس الدواسة

[abogogo]

فكرة جامدة جدا
بس الحكمة فين الحصان اللي هاتيجي حدوتة مقاس الدواسة

صلاح الخولي في شارع الجيش عنده المقاسات الكبيرة
او تجيب سندان وفحم كوك ومطرقة وحتة حديدة وتعملها

[MOUSTAFA_SAAD]

سلامتك يا صديق عمري من البرد ايه يا ابو يوسف
...... ما اتصلتش بيا يا شقيق ....
خد الفكرة دي اسمها ربطة رجل الحمار

تشوف حداد كويس بيعمل حدوه للحصان ويعملها
او تجيب كلب بول دوج تبيته في العربيه
وسيبك من مواضيع الاقفال ودوشة المفاتيح

فكره جامده بصراحه

[magid1010]

سلامتك يا صديق عمري من البرد ايه يا ابو يوسف
...... ما اتصلتش بيا يا شقيق ....
خد الفكرة دي اسمها ربطة رجل الحمار

تشوف حداد كويس بيعمل حدوه للحصان ويعملها
او تجيب كلب بول دوج تبيته في العربيه
وسيبك من مواضيع الاقفال ودوشة المفاتيح

جامده يا مان تحفه الفكره دى

[rocker]

طبعا اللوك ده مهم جدا
لان الحرامى مش مستعد يضيع وقته علشان فكه
بس اسهل طريقه للتغلب عليه هيا نشر طاره الدركسيون نفسها وبعدين يتحرر منها القفل من ناحية مكان النشر نفسه بفسخ الطاره لأعلى ولأسفل وخلصت على كده

ده بيتعمل فى امريكا بس
والله المستعان

[magid1010]

lموضوع جميل جدا و فيه عضو فاضل كاتب كلام كويس فى اللينك ده من سنتن

http://www.nilemotors.net/Nile/192432-a.html