الرأي مع ال i10

[Ashraf_Ibrahim]

ازيكم يا شباب
اخباركم ايه؟
يارب تكونوا بخير
في الحقيقة فيه ناس قرايبي ناويين على هيونداي i10 وحابين يعرفوا ايه مشاكلها او عيوبها وايه التقييم العام للعربية وايه بيميزها في الفئة بتاعتها عن غيرها

وشكرا ليكم مقدما

[IL_Capitano]

عربيه زي الفل

انا معايا الاوتو بئالها 5 شهور وعامله تقريبا 6500 كيلو

عيوبها:

الكاوتش رفيع والتوكيل بيرفض يغيرو وبيقولو تطلع من الضمان

الموتور بيضيع يا حرام في المطالع خصوصا ان معايا اوتوماتيك

سعرها بئا غالي اوي بعد الزياده الاخيره في الاسعار


ممزياتها:

التقفيل نضييف جدااا

واسعه من جوه بالنسبه لحجمها وكل اللي يركبها يقول ايه ده انا متوقعتهاش كده

سواقتها بجد ممتعه الروئيه واضحه جدا والدركسيون باور كهربا بيتقل مع السرعه وبتتركن في اي حته :d

الفرش برضو حلو اووي هو جلد في قماش

استهلاك البنزين حلو جدااا محسبتوش بالظبط بس هو قليل اوووي

شكلها طبعا شيك جداا من بره ومن جوه

بص من الاخر عربيه تحفه وانا بحبها جدااا وعمري ما ندمت اني جبتها

لو عند اي سؤال معين قولي وانا تحت امرك ولو عايز صور لحاجه معينه قولي وانا اصورهالك

[Ashraf_Ibrahim]

تسلم يا جميل
ربنا يبارك فيك ويباركلك فيها
هقلهم ولو حابين يسألوا على حاجة معينة هقلك
بس ايه حكاية الموتور بيضيع في المطالع دي ؟!
وضحلنا شوية على حد علمي انها 1068 سي سي تقريبا ودا مش ضعيف برده
دا الفيورا اللي 900 سي سي بلاقيها بتجري جنبي على المطالع ازاي ال i10 عزمها هيضيع في المطالع !؟

[IL_Capitano]

ربنا يخليك

خلي بالك برضو الاوتو بيبئا حمل على الموتور اكتر من المانيوال فلما بيبئا في مطلع انا شخصياً بطفي التكيف لو مشغلاه عشان مش بحب احمل جامد على الموتور

وانا بتكلم على المطالع الجامده هي اللي بعمل فيها كده

بس غير كده هي ماشيه زي الفل وكل طرقي طرق سربعه ومعندهاش مشاكل خالص في الطرق السريعه

[Ashraf_Ibrahim]

تمام تمام
شكرا ليكي
هقلهم برده ولو فيه حاجة هسألك على طول
هي العربية هتبقا استخدام انثى برده :d

[hazememam14]

ياريت لو سمحتي صورة قريبة للعدادات و صورة للكاسيت او الكونسول بصفة عامة و شكرا مقدما

[IL_Capitano]

حاضر هاصورها واجيبلكو الصور بكره ان شاء الله

[hazememam14]

مستنيييييين الصور بلهفة :d نسيتينا ولا اييييييييييييه

[IL_Capitano]

معلش اتأخرت عليكو والصور طلعت عيني على ما عرفت ارفعها


ديه العدادات





وده التابلوه كامل

[Ashraf_Ibrahim]

طبعا شاكرين جدا على الصور
بس الأأمن انك تصوري التابلوه والعربية واقفة عشان دا فيه خطورة عليكي
ربنا يكرمك وشكرا جدا ليكي

[hazememam14]

شكرررررا جزيلا معلش تعبناكي معانا

[zamalek26]

هو الشكل الجديد بتعها كم سى سى؟
وبكم ؟

وهل عمليه ؟
ولا اجيب حاجه تانيه؟

[elmkaneeki]

هو الشكل الجديد بتعها كم سى سى؟
وبكم ؟

وهل عمليه ؟
ولا اجيب حاجه تانيه؟

63500
68500
71500
76500

[elmkaneeki]

1100 cc
بس 69 حصان مش 64

[hazememam14]

الشكل الجديد اسعار دي فعلا صحيحة بس المانيوال هاف اوبشن مفيش فيها زجاج كهربا أمامي لكن زودو فيها عن 2010 عدادrpm و غيرو الكاسيت هو برضو rodstar بس بقي احسن و زودو فيه مكان لل usb يعني تحط الفلاشة في الكاسيت علطول من غير وصلة حتي ، انا شايف ان لو هتجيب المانيوال هاف ف دي احسن حاجة في فئتها السعرية لكن لو هتجيب مانيوال فل أوبشن او اوتوماتيك يبقي هتدخل في فئة تانية فيها منافسين تانيين ابرزهم ال fiat punto classic و ال فيرنا و ال بروتون ساجا و اسبيرانزا a516 و كده بس طبعا كاستهلاك بنزين فهي طبعا اقتصادية عن كل دول كتير