ضفر توربيدو الانترا 2009

[M.Nasr]

الانترا موديل 2009 فيها فيبرة على شكل زاوية كده اسمها ضفر التوربيدو وعرفت ان اسمها كده لما كنت بسأل عليها ومالقتهاش . التوربيدو اللى هى مغطى موتور المساحات اللى هو الفيبرة السودة اللى بين الازاز الامامى والكبوت والضفر بتاعها ده الفيبرتين يمين وشمال اللى ناحية الرفارف .
المهم انا مش لاقى الضفر ده وسألت عليه فى الحى السابع مالقتهاش ارجو الافادة من اصحاب الخبرة
واسف على الاطالة وتقبلو تحياتى

[Hacker5]

انزل التوفيقية او شارع دمشق و لو ملقتهاش جبها من التوكيل

[M.Nasr]

انزل التوفيقية او شارع دمشق و لو ملقتهاش جبها من التوكيل

شكرا لردك معلش هتعبك معايا ماتعرفش سعرها تقريبا وهل بتتباع كل ناحية لوحدها ولا طقم على بعضه واشكرك مرة تانية

[Hacker5]

والله معرفش لما كانت معايا النيسان تيدا جبت الناحية الواحدة من التوكيل بـ 110 جنيه
اكيد الالنترا فى نفس الحدود او اقل حاجة بسيطة

[M.Nasr]

الحمد لله لاقيتو عند فتيحة واصلى بالكيس بتاعو هاصورو وارفع الصورة هنا

[M.Nasr]

دى صورته

[semsem8080]

بكام

[M.Nasr]

ب 40 جنيه وناس ذوق جدا الصراحة وكل حاجتهم اصلية

[Hacker5]

فين يا باشا المحل دة

[wisenada]

فين المحل ده اللى كل حاجاته أصلية .. ياريت تقول لنا عليه

تحياتى
محمد

[M.Nasr]

فين يا باشا المحل دة

فين المحل ده اللى كل حاجاته أصلية .. ياريت تقول لنا عليه

تحياتى
محمد

فى مدينة نصر قدام السراج مول 3 الناحية التانية فى محل بتاع اكل اسمه تاكوبى على ناصية الشارع تدخل فى الشارع الصغير ده المحل بعده على طول فى نفس الصف اسمه فتيحة اخوان