كل شىء عن الماتريكس

[osamaelbaz]

انا بحط زيت شل الترا الى بتغير على 10 الاف دة نصحونى بية ى التوكيل ودة يناسبك اكتر بس بما انك مبتمشيش كتير حط زيت شل هيلكس الى بتغير كل 5 الاف ودة كويس بردو وبينصحوا بية فى التوكيل ويا ريت اكون افدتك بس انا ليا سؤال لية عفشى الماتريكس ناشفة ومبتخدشى وتدى فى المطبات ولا دة عندى انا بس يا ريت تفيدونى

[liquidator]

لا ده مش عندك بس هي فعلا ناشفه لان المساعدين من نوع Heavy duty dampers يعني مساعدين خدمة شاقه و مصممين لتحمل الأوزان الثقيله نظرا لطبيعة العربيه انها ميني فان و المفروض انها بتشيل حاجات كتير و وزنها تقيل .. بالنسبه للزيت هو زيت شيل هيلكس سوبر مش وحش بس برده معدني و الزيت التخليقي أحسن زي ما قلنا في المشاركة اللي فاتت ... أمرك لله حط شل ألترا و غيره علي ال 6000 و خلاص بس لو انت يعني بتدلع العربيه و تداديها ممكن تحطلها زيت معدني و تبقي واحده واحده عليها يعني بلاش حرق , و بالذات الحرق , و تفويت و الكلام ده ....

[momomania22]

طيب مفيش حاجة وسط
انا سمعت ان في هيلكس بيقعد 7000
هل ده صحيح
طيب اسمه ايه وبكام
وشكرا على الاهتمام والردود واسف على الغلاسة
ونا مش بحرق خالص
مشي عادي جوه البلد وسفرية اسكندرية مرة في الشهر كده

[momomania22]

ايه رأيكم
انا خلاص حطيت هيلكس سوبر عشان مالقيتش بلس اللي هو نصف تخليقي
بس ياريت حد يقوللي اغير السوبر ده كل قد ايه
الورشة اللي بتعامل معاها قالولي عند 4 الاف وانت مطمن هل ده كلام صحيح مع العلم ان الجركل 4 لتر تمنه 77 جنيه

[starpro]

ايه رأيكم
انا خلاص حطيت هيلكس سوبر عشان مالقيتش بلس اللي هو نصف تخليقي
بس ياريت حد يقوللي اغير السوبر ده كل قد ايه
الورشة اللي بتعامل معاها قالولي عند 4 الاف وانت مطمن هل ده كلام صحيح مع العلم ان الجركل 4 لتر تمنه 77 جنيه

على ما سمعت ان تغير نوع الزيت اكثر من مرة له تأثير سلبى على المحرك و يفضل الالتزام بنوع واحد و مضمون دائما و تعرفه عن طريق اختباره و تجربته و افضل انواع الزيوت هو من يترك طبقة على المعدن مثل الشمع و الحقيقة انا ايضا محتار مثلك لان الزيت الوحيد اللى كنت بلاحظ فيه خاصية طبقة الشمع هذه كان زيت اسو زمان و دة خلاص انقرض من مصر و فى سيارتى اللانوس السابقة كنت بستخدم موبيل وان ثمنه 250 جنية تقريبا لكل عشرة الاف كيلو و لكن محرك اللانوس خف جدا بعد 100000الف كيلو لذلك انا مش مستريح لموبيل وان و بفكر فى شل الترا و لكن لا اعرف هل ثمنه مثل موبيل وان ام اقل .

[bishoo33]

shell helix ultra
active cleaning
5w-40
السعر حتى يوم 2/4/2008
225 جنيه للعبوة 4 لتر و 65 جنيه للعبوه 1 لتر

[starpro]

حاول تكون حنين علي دواسة البنزين لان كل ما دلعتها و مشتها بالراحه خالص و سبتها تشيل نفسها بنفسها بالراحه هاتفرق معاك جامد في استهلاك البنزين .
الفينيش التركي بصراحه أنا ماعرفش أخباره ايه بس أنا شايف انه مش وحش أبدا و أكيد مهما كان أحسن ميت مره من الفينيش المصري ...
و لو احتجت أي مساعده في أي حاجه , أي مشكله , فيوز ضرب و مش عارف مكانه , حاجه مش شغاله و مش عارف ليه , أي مشكله من أي نوع ابقي بس قوللي و احنا كلنا ان شاء الله هانساعدك علي أد ما نقدر ... خللي بالك منها عشان خطري !!!

اخى العزيز لقد عملت بكلامك و كانت النتيجة رائعة فعلا و شعرت بفرق فى استهلاك البنزين واضح و من ساعتها و انا هريها دلع و يا ريت كل الناس تدلع الماتريكس لانى فحصتها جيدا و وجدتها سيارة مصممة بزمة و ضمير عالى و الخواجة الكورى اتوصى بيها و لم يبخل عليها فى شىء .
و ملحوظة اللحام الذى لم يعجبنى اسفل السيارة كان سؤ تقدير منى و ليس جوهرى او مؤثر و متقلقوش منها بس اللى مش عاجبنى فيها هو جهاز الانذار بيهنج و لازم اعمل رسيت له علشان يرجع يشتغل كويس .
و بما ان حضرتك خبرة اريد ان اركب جهاز ايكولايزر اسفل الكاسيت فهل لو فعلت ذلك تخرج السيارة من الضمان ام لا و ما هى مدة ضمان السيارة بالظبط هل هى بالكيلومتر ام بالسنة و اشكرك جزيلا .

[momomania22]

طيب انا خلاص هكمل على شل سوبر وتمنه 77 جنيه
لكن اغيره كل اد ايه
الناس قالتلي عند 4000 وانت مطمن لأنه احسن من موبيل xhp
ونا فضلت السوبر لأني تقريبا بعمل1000 كيلو في الشهر وصعب جدا استخدم الالترا بتاع ال 10 الاف

[momomania22]

ايه الاخبار
فين خبراء الماتريكس
اللي بعمله صح ولا غلط

[noda0007]

الانذار فعلن بيبوظ وانا معايا 2008 والانذار زباله وكل مره اروح يغير كوز لغاية لما اتحرق كله وهيغيره كله هناك حاجه خره ازاى معداش عليها سنه والانذار يبوظ دى عربيات تعبانه اوى الله يخرب بيتك يا غبور عليك وعلى عربياتك الوسخه

[starpro]

الانذار فعلن بيبوظ وانا معايا 2008 والانذار زباله وكل مره اروح يغير كوز لغاية لما اتحرق كله وهيغيره كله هناك حاجه خره ازاى معداش عليها سنه والانذار يبوظ دى عربيات تعبانه اوى الله يخرب بيتك يا غبور عليك وعلى عربياتك الوسخه

الاخ العزيز من الاشياء الغريبة التى فوجئت بها ان شركة كبيرة مثل غبور تستخسر فى سياراتها تركيب جهاز انذار محترم و الغريب ايضا انه ليس لديهم خبراء جيدين لكى يستطيعوا ان يختاروا جهاز انذار محترم لسيارتهم حيث ان موضوع تلف جهاز الانذار واضح انه مشكلة عامة فى الماتريكس الجديدة و ممكن الشركة تخسر زبائن كثيرين و مبيعات كثيرة بسبب شىء تافه مثل هذا .

و اتذكر انى اشتريت جهاز انذار محترم جدا لسيارتى القديمة لم يتخطى ثمنه 180 جنية و كان تايوانى و اظن مبلغ مثل هذا مش هيفرق فى سيارة ثمنها فوق ال 80000 جنية و لكن هنعمل اية هى دى مصر و دى البصمة المصرية المعهودة فى اى شىء يمدوا ايدهم فيه و على العموم من حقك تنتقدهم و لكن كنت اتمنى ان تكون كلماتك اكثر هدوئا.

[liquidator]

فعلا جهاز الانذار هو أسوء شيء في الماتريكس و مش ماتريكس 2008 بس مانا معايا 2005 و الانذار برده زي الزفت و اتحرق ميت مره و رحت غيرته ميت مره في الضمان ... سيء سيء سيء الي أبعد الحدود للأسف لانه متركب في مصر ...
بالنسبه لتركيب الايكولايزر هايخرج السياره من ضمان الكهرباء يعني هايقلول لك أي حاجه تبع الكهرباء احنا مالناش دعوه بيها ... الضمان 3 سنين أو 60000 كيلو أيهما أقرب ... يعني لو عملت 60000 كيلو أو عديت 3 سنين قبل ما تعملهم يبقي ضمانك خلص ...
و أنا فعلا مبسوط انك قدرت تسيطر علي نفسك و تتقبل الزهق و الملل انك تمشيها بالراحه و ده مش هايفرق معاك في البنزين بس انما كمان في عمر المحرك بشكل ملحوظ , شويه شويه هاتتعود علي كده و هاتبقي دي طريقة سواقتك ... ربنا يباركلك فيها و يكفيك شرها يا رب ...

[momomania22]

طيب انا خلاص هكمل على شل سوبر وتمنه 77 جنيه
لكن اغيره كل اد ايه
الناس قالتلي عند 4000 وانت مطمن لأنه احسن من موبيل xhp
ونا فضلت السوبر لأني تقريبا بعمل1000 كيلو في الشهر وصعب جدا استخدم الالترا بتاع ال 10 الاف

كده تمام ولا ايه

[liquidator]

أنا قلتلك رأيي ان الزيت التخليقي أحسن ميت مره علي الموتور من الزيت المعدني , يعني الألترا ثم الألترا ثم الألترا ... بعد كده انت حر ...

[liquidator]

شل سوبر ممكن تعمل بيه 5000 كيلو بس تبقي حنين خالص علي العربيه و بلاش حرق طالما مش هاينفع معاك الألترا