مسند كرسي الفيرنا

[kimo_sniper]

اخواني هي مشكلة بسيطة بس مش عارف مين يعملها. مسند كرسي الفيرنا نزل لتحت خالص يعني ما بقاش مسند اتني لتحت . فمين ممكن يصلحه ؟ ولا استني لما أروح التوكيل في الصيانة خاصة ان العربية في الضمان . العربية فيرنا فول ابوشن مانيوال 2010 . و شكرا مقدما .

[Ashraf_Ibrahim]

مبدئيا هو ملهوش دخل بالصيانة لأنهم هيقولولك روح الهياكل
فدا ممكن تروح الهياكل في اي وقت غير معاد الصيانة عادي
او تروح لأي سروجي -اعتقد هو اللي هيظبطه-

[kimo_sniper]

شكرا علي ردك يا باشا . طب و الهياكل ممكن يقولولي فتح و نصب عشان دراع الكراسي و انت فاهم . فتفتكر السروجي ما يعكش ؟ يعني انت ايه رأيك ؟

[Ashraf_Ibrahim]

انا شايف الحكاية بسيطة والسروجي يعملها وخلاص
لأن معرفش الهياكل هتعملها تبع الضمان واللا هتحاسبك عليها
انا عندي الباب اليمين تقيل في قفلته ومروحتش اعمله بصراحة وسبته على كدة

[khaled_yassin]

اطلع على التوكيل انت لسة فى الضمان , اطلع منهم باى مصلحة
وياريت تسال علية جديد عامل كام ؟؟ لان بتاعى اتكسر

[kimo_sniper]

لا أكيد الهياكل هتحاسبني عليه يا باشا . هتقوللي سوء استخدام مش عيب صناعة .و انت فاهم بقي شغل غبور افندي ممكن يقولك المسند عاوز يتغير كله . و طالما عندك الباب تقيل لو في الضمان و انت بتعمل الصيانة عدي علي الهياكل يعملهولك و ده داخل الضمان . و ما تكسلشي . ناخد حقنا منهم يعني .

لو عملته و الله في الضمان هاكتبلك سعر المسند من عنيا يا باشا . و لو مستعجل ممكن تتصل بغبور الرقم بتاعهم تجيبه من 140 دليل و تختار قسم قطع الغيار و تسأل علي سعره هيقولولك علي طووول السعر . و ربنا يدينا جميعا خير عربياتنا و يكفينا شرها

[marco14]

يا ريت يا باشا تقولنا على سعره لأن انا عايز اركبه عندي في الهاف اوبشن

ضروري اي حد يفيدني الاقيه فين ؟

[kimo_sniper]

بيتهيألي المسند ما بيتباعش لوحده في السوق . ولازم تشتريه قطع غيار من التوكيل أو المحلات التابعة ليه .

[Ramiy]

يا سادة
المسند كدة يبقى اتكسر
و الكسر لا يخضع للضمان
لازم يكون حد سند عليه بقوة
للاسف لا يوجد كقطعة غيار
لازم نشوف ايه اللى اتكسر بالضبط
المسند نفسه والا مكان تثبيت المسند فى قائم الكرسى نفسه

[modyverna]

صح لازم تشوف إيه الى أتكسر وتصلحه
وأكتر واحد عارف الكلام ده هو السروجي