اشتريت النترا

[mysafy]

معلش الموضوع متاخر شوية....انا اشتريت النترا 2011 بس اشتريتها في شهر 7 2010 طبعا الشكل العادي مش الجديد
انا ادين بالفضل بعد ربنا سبحانه وتعالى في شرائي لل النترا ليكم وللمنتدى الجميل ده اللي كان هو المرجع بتاعي وانا محتار اشتري ايه
بعد تجربتها لمدة 6 شهور تقريبا فانا شايف اني ربنا وفقني جدا لما اشتريت العربيه دي
[OVERLINE]العربيه[/OVERLINE] بجد فيها حاجات كتير جدا من اللي كنت بدور عليها ان ما كانتش اكتر من اللي كنت متوقعه منها
[OVERLINE]العربية [/OVERLINE]ناعمة جدا لدرجة تخليك ماتستمتعش باي عربية تانية تركبها
[OVERLINE]العربية[/OVERLINE] سحبها قوي جدا وعمرها ما تكسفك في اي من المواقف
انا بحكم شغلي دايما بكون على الطريق وببقى مستمتع بيها وهي ساحبة قدام اي عربيه وتاخد غرز بيها بكل سهولة
[OVERLINE]العربيه[/OVERLINE] اقتصادية جدا في البنزين مع اني زي ما قولتلكم بمشي بيها كتير وعلطول بسافر بيها
[OVERLINE]العربيه[/OVERLINE] واسعه جدا من جوه
الشنطه كبيرة وفعلا تقدر تشيل فيها حاجات كتير
الدركسيون طبعا كلكم عارفين مدى النعمومة بتاعته وتحس بيه في الزحمة
انا جايبها سودة والفرش من جوه طبعا لونة بيج فمدي منظر شيك جدا للعربيه
[CENTER]العيوب
اما بقى العيوب في العربية فهي لا تذكر ومش هي العيوب اللي تخليك تفكر لما تشتريها
انا بالنسبالي الابعاد بتاعت العربية صعبة جدا فبتعب في الركن بس يمكن المرايات الكهربا بتساعدني شوية
الثبات ...هو سمعت ناس كتير بتشتكي من الثبات ..بس صدقوني هي العربيه ناعمة جدا فده بيدي احساس بعدم الثبات للي مش متعود عليها وعموما انا مش بزود عن 120 والعربية لغاية السرعه دي بتكون معقوله جدا
كان نفسي بجد الفرامل تكون abs بس طبعا صعب تاخد كل حاجه

انا مستعد لاي سؤال عن العربيه دي لو حد بيفكر يشتري جديد
في النهاية
انا بحب العربية دي جدااااا

[MISS_MONA]

مبروك وربنا يباركلك فيها

[mahmoud_afifi]

الف مبروك يا باشا , ربنا يباركلك فيها ويكفيك شرها.
خلي بالك من الاحمال الزياده عشان بتهبط بسهوله.

[mmans]

الف مبروك يا باشا على العربيه -------تبييييع هههههههه

[mysafy]

الله يبارك فيكم
هي فعلا بتهط لما الحمل بيزيد او لما يكون في 2 او 3 على الكنبة اللي ورا
لا ياصحبي صعب ابيع انا ما صدقت

[mido_pringo]

الف مبروووك و ربنا يعطيك خيرها و يكفيك شرها

[jokery]

مبروك العربية الجديدة, اختيار صائب, يا ليت تحمل بعض الصور للعربية و تقولنا ع المواصفات
مبروك مرة ثانية

[wisenada]

ألف مبروك وربنا يديك خيرها ويكفيك شرها ...

تحياتى
النتراوى من زمااااااااااااااااااااااان ... وسعيد.
محمد

[hosammoner]

الف مبروك ربنا يكفيك شر طريقها ويحفظهالك انا النتراوى قديم بس دلوقتى بقيت هونداوى العربيه اكتر من ممتازة فعلا فلته من هيونداى

[mysafy]

الله يبارك فيكم
هي فعلا انا حاسس انها فلته من هيونداي
اما المواصفات فانا مشتريها كاملة مانيوال والحمد لله لما اشتريتها كانت ب 94 الف ودلوقتي سمعت انها وصلت 98الف
وشكرا على الردود يا جماعه
واي حد عنده استفسار عن العربيه دي انا تحت امركم

[osama_ruan]

ياباشا الف مبروك عليك بجد سيارة ممتازة وبالنسبة للثبات انا بامشي 200 عادي جدا ولاالي جمبي بيحس بالسرعة بجد دي عروسة هيونداي

[semmsem]

الف مبروك يا باشا وربنا يباركلك فيها

[jokery]

الله يبارك فيكم
هي فعلا انا حاسس انها فلته من هيونداي
اما المواصفات فانا مشتريها كاملة مانيوال والحمد لله لما اشتريتها كانت ب 94 الف ودلوقتي سمعت انها وصلت 98الف
وشكرا على الردود يا جماعه
واي حد عنده استفسار عن العربيه دي انا تحت امركم

انا اخدت قرار الشراء و اني اكون النتراوي, اذا سمحتم لي طبعا!!
انا قررت الاوتوماتيك ان شاء الله
في نصيحة معينة تنصح بيها؟؟
و لكم جزيل الشكر

[Ahmed Nasser]

مبرووووووك
الشكل الجديد موجود ولا لأ وسعره كام

[medociv]

ربنا يباركلك فيها ويرزقك خيرها ويكفيك شرها