أخوتي في الله - محتاج مساعدتكم - عربيتي اتخبطط خالص

[mohamedfadel]

أنا أفضل أنك تتوجه للتوكيل بالرغم من أنه أغلى من بره شويه بس هاتاخد شغل نضيف ول حتى الشغل ماعجبكش هايعيدوا الشغل من الأول تاني لحد ما ترضى عنه

أنا أتعاملت مع قسم الهياكل فرع قليوب ناس 100 100 هاتلاقي هناك مهندس أسمه أسامه ده المسؤال عن القسم وأنت بتسلم العربيه لأستاذ رشاد مسءول الأستقبال صمم إن المهندس أسامه يكون موجود عشان يعاين بنفسه

وعلى أي حال الرفرف سمكره و دهان بـ 200 جنيه دي تسعيره عندهم الجزء = 200 جنيه والرفرف = جزء أما الكبوت مثلا = 2 جزء وهاكذا


وبرضه ممكن تفاصل شويه

وربنا يوفقك ولو عاوزني أجي معاك ممكن نظبط مع بعض يوم وأروح معاك وهمه هايعملو معاك واجب جامد قوي لاني بالنسبة لهم علامه مسجله (عامل لهم مصايب هناك قبل كده)

استاذ PAYOO الف شكر للرد, طبعا يسعدني اروح معك اليهم , انا ممكن يوم الجمعة الصبح , اخبرني كيف اتواصل معك و هل الموعد مناسب لك ام لا. و اكتب رقم تليفونك لو مسموح و انا اكلمك.
بس علي فكرة انا ذهبت الي الخياكل في قليوب اثناء عملي صيانة ال 5000 و قالوا لي علشان خطرك ح نعمل لك الرفرف بس ب 400 جنيه من غير الضرائب !!!!!!!!!!!
في انتظار رد حضرتك و شكرا

[Hossam El-Tonsy]

الأخ محمد فاضل

برجاء افادتي عن عنوان المعارض التي تقوم بالتقسيط المباشر ، و هل هناك حد معين للمقدم ليقوموا بالتقسيط المباشر و ما هي اقصي مدة للتقسيط؟

سؤال آخر لجميع اعضاء المنتدي و بخاصة الاستاذ / Payoo عن اداء الماتريكس الاتوماتيك ، انا سمعت ان ادائها ضعيف و سحيها مش حلو و مش بتعمل Kickdown

و لكم جزيل الشكر

أخوكم / حسام التونسي

[ahmed_moslem]

محمود موتورز عنده معرضين في العباسية

ياريت العنوان ورقم التليفون
جزاك الله خيرا

[mohamedfadel]

محمود موتورز
ارقامه:
أولا صاحب المعرض: محمود البلاكوسي: 0122105719 - 024833020
ثانيا واحد جدع جدا هناك اسمه شريف: 0122984395
انت بس قله من طرف م/ محمد علي و محمد فاضل
لاني احنا اخذنا منه عربيتين واحدة ماتركس و واحدة نيسان صني
و لو عاوزني معاك انا تحت امرك

اخوك محمد فاضل

[hegazy]

الماتركس الاوتوميك نفس اداء المانيول.
وانصحك تأجر الاتنين قبل ما تشتري علشان ترتاح اكتر.
انا شخصيا قبل ما اجيب أجرت من واحد في المعادي ماتركس 2007 مانيول. وحاليا معايا اوتوماتك لقتها تفس العزم.. بس المهم انك تعرف العربية وتعرف انهو وضع للفتيس الاوتوماتك هيديك العزم الي انت عيزه,, وطبعا تقفل الاوفر درايف.

[shoayman]

انا راى مع راى لاستاذ payoo وخليك فى التوكيل وانت بتقول العربية قسط يعنى مفروض ان متامن عليها

[مهندس محمد صلاح]

توضيح

وتعرف انهو وضع للفتيس الاوتوماتك هيديك العزم الي انت عيزه,, وطبعا تقفل الاوفر درايف.

انا مش فاهم الحته دى رجاء التوضيح من فضلك

[Eng.Salah Mahdy Salama]

[quote="mohamedfadel"]

معلش , سؤال للأخ محمد فاضل:
الحقيقة انا جايب السيارة من واحدا اسمه محمود موتورز عنده معرضين في العباسية , لو عاوز تذهب له انا ممكن اجي معك, معاملته كويسة بتوقع علي شيكات امانة و بتسدد كل شهر, و بعدين بتدفع فوايد تقريبا 4 الاف جنيه في السنة و بتستلم السيارة علي طول و الورق تاني يوم و بصراحة المعرض 100 100 و عنده كل انواع السيارات و لو معندوش نوع هو بيحضره لك.
تحت أمرك
شكرا

و إية أخبار العربية اللي حضرتك جبتها منهم؟؟؟؟ كويسة؟ مفيهاش عيوب؟ ع الزيرو؟؟
و الناس هناك معاملتهم كويسة؟؟
و فعلا مفيش بنوك؟ يعني تقسيط مباشر؟؟؟
و عندهم عربيات اية؟؟؟
اتمنى الرد يا أستاذ محمد لأهمية الموضوع ليا

شكرا