ضمان الماتريكس

[Tamer]

من فضلكم اريد تركيب كاسيت وانذار ومفتاح ريموت بعيد عن التوكيل هل هذا يضر الضمان ام ماذا برجاء الافادة وماذا عن قطع غيار الماتريكس الاسعار عاملة اية

[bassam nagy]

تقريبا لا

تقريبا لا لازم تركبهم فى التوكيل عشان مايحصلش خطاء فى التركيب ويبوظ حاجة فى الكهرباء ممكن تشترى الحاجة من برة وتركبها فى التوكيل

[الريس]

بس تركيب الكاسيت 200 ج
انا ركبت يره و عادي

[bassam nagy]

لا كدة تمام اوى وماتكلموش فى الصيانة اذا سمحت اكتب مكان المحل الية ركبت عندة وهما ناس كويسة فية شغلها ولا اى كلام

[الريس]

sory to write in english this time
I installed the cd in heliopolis
i will give you the adress as soon as i get back to egypt 10 days from now
installation is free if you buy the cd from the guy
nothing happened in ghabour
i went 4 times now
even engineers there told me not to bother
as long as you are sure about the quality of the work
if u are in hurry i wil give u the adress sooner

[bassam nagy]

الف الف شكر

[الريس]

el 3fw ya basha

[Tamer]

صباح الفل يا جماعة يعنى لو اشتريت الكاسيت والانذار ومفتاج الريموت من برة وركبتة الضمان سارى وماذا عن ضرورة الشراء من عشم نوارة وماذاعن مصاريف التركيب فى التوكيل وهل هناك مشكلة فى تركيب النواكل الامامية والخلفية للسيارة هل تؤثر على الضمان وهل هى ممنوعة فى المرور شكرا

[bassam nagy]

بالنسبة للنواكل ليس لها تاثير على الضمان اما بالنسبة للكاسيت والانذار والريموت اتاكد من الموضوع دة

[Tamer]

شكرا يا بسام برجاء الاجابة على سؤالى يا باشمهندس حسام منير

[PAYOO]

خدها مني نصيحه وعن تجربه ... توكيل غبور توكيل هلهلي ومافيش حاجه أسمها بره الضمان وجوه الضمان صدقني ولو حد من الفنيين أتفذلك عليك وقالك الضمان والعفريت أهبشه على طول وعرفه أنك ماركبتش مفاعل نووي في العربيه محتاج خبرتهم الفظيعه الشنيعه للتركيب ده حتة كاسيت العيل الصغير في أي ورشه بره بيركبه وهو مغمض ولا حتى الأنذار

ولو عاوز تريح دماغك الحته ام 10 أو 20 جنيه بتخلص الدنيا في ثواني

بس أنا بافضل الهبش (أهبشهم تلاقيهم تمام التمام "عن تجارب هديده")

[hegazy]

سيارات الماتركس الجديدة بقو يكتبوا في كتيب الضمان بتاعها باليد: السيارة بدون كست ولا انذار. والضمان لاغي في حالة تركيبهم برة الوكيل.
انا شخصيا لما لقيت الموضوع كدة ولاقيت تركيب الانذار بي 1200 جنية في التوكيل فضلت اجبها بالكست من عندهم.. مع ان الكست الي بينزل معاها ملهوش اي لزمة. بس اداني حرية التغير او تركيب كست اضافي بدون الرجوع للتوكيل.

[Tamer]

شكرا لكل من بايو وحجازى يبدو انى سوف اشترى الحاجة من برة واركبها فى التوكيل هما مش عايزين المصنعية وخلاص توكيل غريب بصحيح 0 بس ماحدش قال لى قطع الغيار اسعارها اي سامع انها نار0

[hegazy]

الاسعار دي من التوكيل أول الشهر دة:
اكستدام أمامي 750
فنوس امامي 650
مرايا يمين 345
رفرف يمين 730

وضريبة 10%

بس متتخدش أوي... كل العربيات الجديدة كدة دلوقت. ولا يمكن دي أرخص حاجة.. واحمد ربنا انها موجودة. واحد صاحبي فضل ماشي ببرابريز اللانسر مكسور شهر بيدور على الاصلي.. وفي الاخير جاب واحد تقليد.
بالنسبة للنواكل انا سألت امبارح في المرور.. والخلاصة انها ممنوعة وبتتسحب عليها الرخصة.. الا اذا خليت الي بتشتري منو يكتبلك في المبايعة ان السيارة مباعة بدعمات أمامية.

[Tamer]

انا متشكر جدا يا باشا على ذوقك