حد جاب هيونداي i30

[ann1]

ياريت اللي اشترى هيونداي i30 يكلمني عنها وعن عيوبها ومميزتها لا ن الكلام عنها قليل جدا مش عارفة دة علشان سعرها المبالغ فية ولا علشان هي وحشة فاياريت اللي عندو معلومات عنها يقولي بس ياريت تكون النسخة اللي بتنزل مصر لان اللي برة امكانيتها اعلى كتير ومعلش انا مش هينفع اجيب اغيرها حاليا لانه مش بمزاجي صاحب الشركة مرشح هيونداي i30 ولا فلا كان نفسي في فيات ايفو بس هنقول اية بقى حكم القوي مستنية رددكم شكرا مقدما

[mohamed_mohsen]

اتفضلي
شوية مواضيع عنها

http://www.nilemotors.net/Nile/32510-i30.html

http://www.nilemotors.net/Nile/28159-i-30-a.html

http://www.nilemotors.net/Nile/26805-i30.html

http://www.nilemotors.net/Nile/31283-i30.html

[ann1]

شكرا ليك بس المواضيع كلها تاريخها 2008 / 2009 نفسي حد يكلمني عنها دلوقتي بعد كل الوقت دة عاملة اية معاه وياترى موضوع انها عريضة دي وحش قوي هي نفس عرض الالنترا اللي منتشرة جدا ولا اية بس عموما متشكره لمجهودك جدا

[ann1]

معقولة محدش عارف عنها حاجة طيب اي كلمة اي حاجة بتحك في المطبات ولا لاء اي خبر يا قوم اوعو تكونو مستنين انا اللي اجي احكي بعد ما اشتري حد طيب يرفع من روحي المعنوية ويقولي انها عربية حلوة مثلا اي كلام مشجع كدة

[abdalah_hashem]

عجبانى وعاوز اعرف اخبارها اية برضة :))

[mudengineer]

العربيه حلللللوه جدا بس سعرها غالي فعشان كده الناس مش بتشتريها و بيزودوا شويه و يجيبوا حاجه احسن

[mohamed_mohsen]

انا ماركبتش العربيه عشان كده مش هفتي (اتفرجت عليها في معرض بس)
علي فكره الموضوعات قديمه آه بس هي هي نفس العربيه
العربيه هي هي من حيث الشكل و الكماليات و الموتور من ساعة ما نزلت
الحاجه الوحيده اللي تغيرت هو سعرها
بتغلي كل شويه

العربيه حلوه جداً من جوه و واسعه
نظرياً لما شفت 3 كانوا راكبين فيها ورا العربيه وطيت قوي فأعتقد إنها طبيعي هتحك في المطبات

[ann1]

شكرا لكل اللي رد عليا

[alisamy64]

هو يعنى الشركة هتجبليك عربية طيب متقنعيهم بالايفو انا شايف انها احسن من ال i30 و كمان سعرها و شكلها افضل على العمومربنا يباريكليك فى العربية الى هتجبيها

[ann1]

ياريت بايدي بس هنقول كمان هتامر انا حولت اقنعه بس مافيش فايدة

[mohamed_mohsen]

لو i30 high-line يبقي إيه المشكله؟

[ann1]

مافيش مشكلة mohamed_mohsen برضو العربية حلوة انا بس عايزة اعرف عيوبها اخد بالي من اية وانا سايقة هتحك ولا لاء انا ان شاء الله هجيب الفئة التانية في الاتوماتيك اللي هي سعرها 124 الف للاسف الهاي لاين مش اختيار بالنسبة ليا بس

[JUDGEDREAD]

انا ركبت ال i30 cw وحسيت انها عربية حلوة جدا من برة ومن جوة غير انها نفس موتور الالنترا ب121 hp لذلك انا شايف ان الcw جميلة بس سعرها زاد شوية 123000

[cheetos_892005]

مع واحد صاحبي

وبكل احاسيسي و مشاعري بقولك بلاااااااااااااااااااااااااااش

[ann1]

بلاش لية بقى الله يخليك لاني خلاص يوم الاحد اللي جاي ان شاء الله هجيبها وحتى وقتنا هذا ممكن الحق نفسي ياريت تقولي بلاش لية