هيونداي اكسيل واكسنت

[نور القمر]

السلام عليكم
من فضلكم عايزة اعرف رأيكم في هيونداي اكسيل واكسنت
مين الافضل
انا سمعت عن الاكسيل انها ممتازة لكن شايفة شكل الاكسنت اجمل بكتير

لكن ناس خوفوني من الاكسنت لانها منخفضة وقالو لي الاكسيل افضل

انتم تنصحوني باية
كمان في موديلات كوري وخليجي ومصري
اكيد المصري ده اسوأهم بلا شك

انصحوني اكسيل ولا اكسنت وفي حالة دي او دي خليجي ولا كوري

بس من فضلكم بسرعه لاني هنزل اشتري بعد اسبوع ان شاء الله

[hfarouk]

الاكسنت افضل لانها
1- موديل احدث
2- عفشها افضل
3- الاكسيل عربية بقالها 14 سنة او اكثر فى السوق يعنى هتلاقى معظمها منتهى الصلاحية اصلا
4- مفيش فرق فى اسعار قطع الغيار يذكر بين الاثنين
5- شكل الاكسنت افضل بكثير من الاكسيل

[نور القمر]

شكراhfarouk على الرد

بس جزئية خليجي وكوري دي ايه رأيكم فيها

[Karim_Monir]

انصحك تدوري في المنتدي هنا انا كنتكاتب مقارنة كاملة بينهم
بس هاديلك ملخص سريع
الاكسيل مبنية على شاسية وموتور وعفشة لانسر صفية موديل 91 من ميتسوبيشي
حجم كبير وواسع عربية حلوة وسحبها حلو
يعبها كبوتها بيطبق بسرعة وال 1300 بتاعتها موتورها ضعيف لو عليةتكييف
الاكسنت اول افتكاسة لهيونداي يعني صنعتهامن ال الف للياء
شكلي احلى بس بتشنش بسرعة يعني تحسيها بتتبهدل واكصدماتها بتقع وبويتها بتقشر بسرعة
ال 1300 نفس موتور الاكسيل
وال 1500 انجيكشن احسن شوية من الاكسيل ال 1500
بصفة اجمالية وعن تجربة سواقة وثبات اكسيل افضل بكتير من اكسنت وعشان كدة هاتلاقي سعرهم قريب قوي قوي من بعض
الكوري في الاكسيل هاتلاقية لغاية سنة 94 بعد كدة مصري
اي حد يقوللك خليجي وتجميع برة ما تسمعيش كلامة الاكسيل الخليجي دي مصري وانا متاكد تماما وتصنيع ايتامكو غبور
والاكسنت كله مصري الا حاجات فلتات هاتلاقيها قليلة قوي كانت بتيجي منطقة حرة او معاقين
كلمة خليجي تعني مواصفات خليجية عشان احنا معندناش مواصفات قياسية مصرية وبنستعمل مواصفات الخليج

[نور القمر]

شكرا كريم على الرد
اعتقد كدة الصورة وضحت لحد ما

[elayat]

انا معايا هيونداى اكسل 1300 1994 خليجى كاملة بالتكيف وزجاج كهربائى الأربعة وسنتر لوك
والله عربية أكثر من ممتازة وبسافر بيها كتيييييييييييير على الصحراوى عمرها ماحطتنى فى موقف وحش والحمد لله
بس لما تشترى لازم تشوف عربية حالتها كويسة
ومبروك مقدماُ

[barakat_1986]

انا معايا هيونداى اكسيل خليجى بردة موديل 95جميع الكماليات والحمد للة مية مية معايا بس عيبها انها منخفضة شوية بس الحمد للة مريحانى ...بس بالنسبالى شكل اكسيل احسن من اكسنت بكتيرز

[نور القمر]

انا معايا هيونداى اكسل 1300 1994 خليجى كاملة بالتكيف وزجاج كهربائى الأربعة وسنتر لوك
والله عربية أكثر من ممتازة وبسافر بيها كتيييييييييييير على الصحراوى عمرها ماحطتنى فى موقف وحش والحمد لله
بس لما تشترى لازم تشوف عربية حالتها كويسة
ومبروك مقدماُ

مرسي على ردك وربنا يبارك لك فيها
انا عارفه ان اكسيل كويسة والناس كلها بتشكر فيها لكن هل اكسنت نفس الكفاءة؟؟

[نور القمر]

انا معايا هيونداى اكسيل خليجى بردة موديل 95جميع الكماليات والحمد للة مية مية معايا بس عيبها انها منخفضة شوية بس الحمد للة مريحانى ...بس بالنسبالى شكل اكسيل احسن من اكسنت بكتيرز

مرسي بركات على ردك وربنا يبارك لك فيها
انا عارفه ان اكسيل كويسة والناس كلها بتشكر فيها لكن هل اكسنت نفس الكفاءة؟؟

[elayat]

مرسي على ردك وربنا يبارك لك فيها
انا عارفه ان اكسيل كويسة والناس كلها بتشكر فيها لكن هل اكسنت نفس الكفاءة؟؟

أنا كتير من صحابى معاهم اكسنت
والله هما مش بيشتكوا منها لكن لما بخدها منهم بحس الإكسيل أحسن مش عارف ممكن تكون حالة نفسية
بس بجد الإكسيل لو قدامك عربية حالتها كويسة وإنت ضامنها وضامن صاحبها اوعى تتردد
وأنا من رأيى خليك فى الإكسيل عن تجربة (جيده جداً)

[devil-lid]

اهلا لبنى انا معايا اكسيل 96 كامله بمواصفات خليجى هى احسن من الاكسنت شكلا واداء وقطع غيارها رخيصه جدا وتلاقيها فى اى حته لكن هى عيبها الوحيد العفشه واعتقد ان الموضوع دا اتغطى هان فى المنتدى لكن مجملا هى احسن من الاكسنت بكتير انا والله افضل اركبها احسن من الاكسنت بكتير

[mhDeeb]

انا معايا هيونداي اكسيل 1995 حلوة بس هى محتاجة سمكرة ودوكو وعفشة ولذلك بفكر ان اغير واجيب اكسنت وامامى اكسنت 1500 - 2003 بحالتها - وامامى اكسنت 2006 - 1300 سى سى . ومحتار اعمل اية وطبعا الاكسيل بقالها 14 سنة يعنى حتبدأ في البهدلة . والا رايكم اية ؟؟؟؟

[mazgangy]

وحياه ربنا الاكسيل مفيش منها حاله نظيفه الا نادر جدااا وكان عندنا واحده زمان خليجى وبعناها عمله 120 الف كيلو ومفيش منها عداد قليل اقل واجب 100 الف ورشه بره وقطع الغيار نفس الاسعار ونركب موديل حديث والا حاجه بقالها فوق ال 10 سنين وابعاد الاكسنت وسواقتها اريح وسحب الاكسنت فاجر افضل وعن تجربه اكسيل 1500 واكسنت 1300 سحب الاكسنت افضل وسواقتها اريح ومفيش فرق فى اسعار قطع الغيار والاكسنت فى منها حالات نظيفه وعداد قليل ولحد موديل 2006 والاكسيل اخرها 98 وثبات الاكسنت وحياه ربنا احسن من الاكسيل وعن تجارب كتيره وسواقه الاتنين كتيييير اوووى ةشكل الاكسينت احسن ودى اذواق بس الاكسنت شكلها احسن وفى الاخر الاكسنت مش من باقيه علتى بس الكلام ده عن تجارب كتير والله لان علتننا عائله هيوانداويه عندنا جميع انواع الهيوانداى والموديلات كلها واى سوال فى اى عربيه هيوانداى انا تحت امركم

[hazem_khidr]

بصي يا لبني
كلام الباشمهندس كريم لخص كل شئ
اضيف كلمه واحده
الاكسيل
احسن من الاكسنت و الفيرنا و النيو اكسنت كمان ايه ريك بقي

[mohamed ibiza]

انا رأيي ولا اكسنت ولا اكسيل ليه بقي الاسباب اهي:
1-الاكسنت عن تجربة منعدمة الثبات العربية دي متعرفش حاجة عن معني كلمة الثبات و كلام بقوله عن ثقة وتجربة العربية خفيفة جدااااااااااااا و منعدمة الامان اختبار التصادم بتاع الاكسنت فاشل و مفيهاش Abs و هتعوم من ورا لو ضربتي فرامل جامد و انتي بتجري.
2-الصاج في الاكسنت و الاكسيل وحش جداااااااااااااااااا صاج ضعيف للغاية.
3-اكصدامات ملهاش دعوة بوظيفة الاكصدامات اللي هي امتصاص الصدمات و بالذات في الاكسنت عن الاكسيل.
4- التحمل الاكسيل احسن من الاكسنت عموما منتجات التسعينات احسن و جودتها اعلي و كمان الاكسيل زي ما كريم قال عفشتها لانسر و الموتور زي بتاع لانسر بظبط لكن كوري و الكلام ده اتأكدت منه من ميكانيكي شغال في توكيل هيونداي ابو رواش و اغلب الاكسيل مفوت دلوقتي و حالته واقعة و عموما مواتير الكوري مش معمرة عايزة استخدام لطيف
4-الاكسنت كانت مع صاحبي كانت اكسنت 2001 باعها بسبب الثبات و العربية كانت عاملة 60 الف كيلو و كان مغيرلها مساعد ادام يمين و مرة جري بيها بغباء شوية و لبس في الرصيف غيرلها مقص اتعوج من الخبطة في الرصيف!!!!!!!!!!!! عموما لو هتستخدميها استخدام كويس هاتيها لو هتتهان او هتتعلمي عليها نصيحة بلاش....... و لو عايزة رأيي خليكي في الجولف 3 او بولو احسن بكتير من دول.......و الرأي الاول و الاخير ليكي طبعا...........








Ibiiiiiiiiiiiiiiiiiiiiiiiiiiiizzzzzzzzzzzzzzzzaaaa aaaaaaaaaaaaaaaaaaa For Ever