اشتريت النترا 2011 زيرو الحمد لله

[pop3]

السلام عليكم ورحمة الله

بفضل الله استلمت الإلنترا 2011 ماتك أول فئه وعملت بيها دلوقتي 750 كيلو وطبعا لإني إلنتراوي جديد محتاج أستفاد من نصاحيكم زي ما إستفدت من نصايح إخوانا في قسم الدايو قبل ما ابيع النوبيرا .

* إزاي أحافظ على الفتيس الماتك بتاعها " كصيانه و طريقة قياده"
* أفضل مركز خدمه خاصة إني داخل على صيانة الألف
* أهم الملاحظات إللي لازم أخد بالي منها مع العربيه
* لو حبيت أركب فوجات و كاسيت دي في دي بالفريم بتاعها ممكن يخرجني من الضمان؟؟

شكرا لحضراتكم مقدما ومستني أكتسب أصدقاء قبل المعلومات

السلام عليكم

[pop3]

19 مشاهده ومفيش أي رد؟؟؟

[chicobon]

ربنا يباركلك فيها و الف مبروك للعربية الجديدة ربنا يحميها من العين

[toty858]

الف مبروك العربية وربنا يكفيك شرها
انا كمان هستنى اجاباات للاسئلة لانى بردو مستلمة عربيتى جديد

[2faster]

مبروووووووووووك

ومستنين التقرير ان شاء الله

[victornabil]

السلام عليكم ورحمة الله

بفضل الله استلمت الإلنترا 2011 ماتك أول فئه وعملت بيها دلوقتي 750 كيلو وطبعا لإني إلنتراوي جديد محتاج أستفاد من نصاحيكم زي ما إستفدت من نصايح إخوانا في قسم الدايو قبل ما ابيع النوبيرا .

* إزاي أحافظ على الفتيس الماتك بتاعها " كصيانه و طريقة قياده"
* أفضل مركز خدمه خاصة إني داخل على صيانة الألف
* أهم الملاحظات إللي لازم أخد بالي منها مع العربيه
* لو حبيت أركب فوجات و كاسيت دي في دي بالفريم بتاعها ممكن يخرجني من الضمان؟؟

شكرا لحضراتكم مقدما ومستني أكتسب أصدقاء قبل المعلومات

السلام عليكم

شوف انا معايا النترا 2008 اوتوماتيك و هجاوبك على اللى انا بعمله و هى فعلا عربيه ممتازه

* إزاي أحافظ على الفتيس الماتك بتاعها " كصيانه و طريقة قياده"
عشان تحافظ على الفتيس الاوتو لازم على طول متنقلش من اى نقله للاخرى الا اذا كانت العربيه واقفه تماما
و لازم لما تركن تخليها على ال p
و اوعى و انت ماشى تحاول تنقل من ال Dلل R او العكس فخليك فى النصيحه الاولى و ريح دماغك
و انت واقف فى اشاره لو مش طويله هاتها على N و ارفع فرامل اليد لو الشارع منزل و الا حاجه
لو الاشاره طويله هاتها على ال P
لازم تغير زيت الفتيس فى مواعيده و اول تغييره ليه عند 40000 كيلو
لازم تدوس فرامل و انت بتنقل من اى نقله للاخرى

* أفضل مركز خدمه خاصة إني داخل على صيانة الألف
لازم تعمل صيانة ال1000 و ال5000 فى غبور عشان الضمان و يفضل انك طول فترة الضمان تعمل الصيانه عندهم

* أهم الملاحظات إللي لازم أخد بالي منها مع العربيه
الملاحظات العربيه دى ممتازه بس خللى بالك و انت بتركن عشان ابعادها صعبه شويه عشان فيها بومبيهات كتير و الباقى اكتشفه بنفسك


* لو حبيت أركب فوجات و كاسيت دي في دي بالفريم بتاعها ممكن يخرجني من الضمان؟
اى لعب فى كهربة العربيه يخرجك من الضمان على طول

ارجو انى اكون قد افادتك و اى سوال تانى انا فى الخدمه و ربنا يباركلك فيها و يكفيك شرها

[MISS_MONA]

الف مبروك

[pop3]

متشكر جدا لحضراتكم " chicobon \ toty858\ 2faster \ MISS_MONA" على ذوقكم و دعاوتكم ولكم بإذن الله مثل ما دعوتم به و أكثر

ومتشكر جدا جدا لأستاذ فكتور على إهتمامك وذوقك وردك الوافي الحقيقه و إسمحلي أستغلك فكام حاجه تانيه عايز أعرف رأيك فيها:

* رأيك في الدي في دي تاتش سكرين بتاع الإلنترا وهل لو ركبته بالكاميرا بتعاعته يخرج العربيه من الضمان ولو الإجابه آه إيه الحل
* لحد دلوقتي معرفتش مركز خدمه محترم أتعامل معاه
* الجنوط بتفرق مع العربيه في ثباتها على الأرض لأني لسه مجربتهاش على السرعات العاليه لأني لسه بلين العربيه
ولك جزبل الشكر مقدما

[hazemhassan]

مبروووك ياباشا ربنا يحافظلك عليها

[victornabil]

متشكر جدا لحضراتكم " chicobon \ toty858\ 2faster \ MISS_MONA" على ذوقكم و دعاوتكم ولكم بإذن الله مثل ما دعوتم به و أكثر

ومتشكر جدا جدا لأستاذ فكتور على إهتمامك وذوقك وردك الوافي الحقيقه و إسمحلي أستغلك فكام حاجه تانيه عايز أعرف رأيك فيها:

* رأيك في الدي في دي تاتش سكرين بتاع الإلنترا وهل لو ركبته بالكاميرا بتعاعته يخرج العربيه من الضمان ولو الإجابه آه إيه الحل
* لحد دلوقتي معرفتش مركز خدمه محترم أتعامل معاه
* الجنوط بتفرق مع العربيه في ثباتها على الأرض لأني لسه مجربتهاش على السرعات العاليه لأني لسه بلين العربيه
ولك جزبل الشكر مقدما

اولا لا شكر على واجب عشان احنا موجودين فى المنتدى عشان نفيد بعض

نروح بقلى لاستفساراتك
بالنسبه للdvd كويس طبعا و جميل بس المشكله انى زى مقلتلك اى لعب فى كهربة العربيه يخرجك من الضمان انا عن نفسى ركبت الكاميرا الخلفيه مع المرايا ال multi function من قريب و الكاميرا فعلا عمليه جدا خصوصا و انت بتركن احسن من السنسور بارك بكتير لو هتضحى بالضمان و انا منصحكش بكده ممكن تركيه

مركز صيانة ابو غالى العبور كويس اوى انا بعمل فيه صيانة عربيتى

الجنوط طبعا بتفرق بس متركبش 17 اخرك 16

[pop3]

مبروووك ياباشا ربنا يحافظلك عليها

ربنا يعزك يارب و متشكر جدا على دعوتك الجميله ولك بمثلها إن شاء الله

اولا لا شكر على واجب عشان احنا موجودين فى المنتدى عشان نفيد بعض

نروح بقلى لاستفساراتك
بالنسبه للdvd كويس طبعا و جميل بس المشكله انى زى مقلتلك اى لعب فى كهربة العربيه يخرجك من الضمان انا عن نفسى ركبت الكاميرا الخلفيه مع المرايا ال multi function من قريب و الكاميرا فعلا عمليه جدا خصوصا و انت بتركن احسن من السنسور بارك بكتير لو هتضحى بالضمان و انا منصحكش بكده ممكن تركيه

مركز صيانة ابو غالى العبور كويس اوى انا بعمل فيه صيانة عربيتى

الجنوط طبعا بتفرق بس متركبش 17 اخرك 16

تمام يا فيكتور أنا شكلي كده هعمل زيك بالنسبه لموضوع الكاميرا والمرايا البلوتوث , وعندي فكره تانيه بالنسبه للدي في دي بدون لعب في كهربة العربيه وهي بإختصار فك وتركيب
عندي ipod classic 60G هشتريله HOLDER يوصله على ولاعة العربيه ويطلع الصوت على السماعات من جهه.
من جهه تانيه هجيب شاشتين lcd مخادع خلفيه وأوصلهم على الـ i pod مكان الدي في دي
كل ده وكاسيت العربيه زي ماهو ومن غير ما ألعب في كهربة العربيه و لما أروح التوكيل أبقى أغطي الشاشات بغطا العرقات

والكاميرا أهي شاغله على المرايا البلوتوث... أيه رأيك كده ؟؟؟

[victornabil]

ربنا يعزك يارب و متشكر جدا على دعوتك الجميله ولك بمثلها إن شاء الله



تمام يا فيكتور أنا شكلي كده هعمل زيك بالنسبه لموضوع الكاميرا والمرايا البلوتوث , وعندي فكره تانيه بالنسبه للدي في دي بدون لعب في كهربة العربيه وهي بإختصار فك وتركيب
عندي ipod classic 60g هشتريله holder يوصله على ولاعة العربيه ويطلع الصوت على السماعات من جهه.
من جهه تانيه هجيب شاشتين lcd مخادع خلفيه وأوصلهم على الـ i pod مكان الدي في دي
كل ده وكاسيت العربيه زي ماهو ومن غير ما ألعب في كهربة العربيه و لما أروح التوكيل أبقى أغطي الشاشات بغطا العرقات

والكاميرا أهي شاغله على المرايا البلوتوث... أيه رأيك كده ؟؟؟

الكاميرا عشان تتركب لازم ياخد و صله من كهربة المرشدير و هتشتغل لما تجيب مرشدير بس و هيمشى سلك تحت الباكتات بتاعة الابواب الشمال و هيوصلها بالمرايا عن طريق علبة الفيوزات اللى جنب الدريكسيون على ايدك الشمال و كده يبقى لعب فى كهربة العربيه و دا اللى انا عملته و كده هتخرج برضو من الضمان لو مش عايز تخرج من الضمان بلاش الكاميرا و نفذ فكرتك

[pop3]

الكاميرا عشان تتركب لازم ياخد و صله من كهربة المرشدير و هتشتغل لما تجيب مرشدير بس و هيمشى سلك تحت الباكتات بتاعة الابواب الشمال و هيوصلها بالمرايا عن طريق علبة الفيوزات اللى جنب الدريكسيون على ايدك الشمال و كده يبقى لعب فى كهربة العربيه و دا اللى انا عملته و كده هتخرج برضو من الضمان لو مش عايز تخرج من الضمان بلاش الكاميرا و نفذ فكرتك

كده إحنا هنخرج من هدومنا مش من الضمان يافكتور