الهيونداى جيتز !!!!!!!!!!

[dagadeeg]

ممكن اعرف مزايا وعيوب الجيتز لو سمحتم
انا باسأل عن المانيوال
وشكرا

[_Ahmed_casper_]

عربيه ممتازه
العربيه شكلا جميله و شكلها من بره يديلك ايحاء انها صغيره بس لما تركب جوه تلاقى عكس كده هى تقريبا وسع الفيرنا من جوه
موتور جبار بجد جميل و هو نفس موتور الانترا ٢٠٠٦ و معروف بقوته
الشكل الداخلى تقفيل ممتاز ممتاز على الاقل بالنسبه للهيونداى يعنى انضف من فيرنا بكتير و الفرش بيجى بلونين .. احمرفى اسود او ازرق فى اسود و تقفيل الكراسى كويس و متقسم حلو تحس ان الكرسى محتويك و انت راكب
فرس الابواب بنفس لون الكراسى و نفس النقشه جميل
يوجد مرايات كهرباء
عزم العربيه جميل و تسارع اجمل
التكييف كويس و اللى مجمله انها ١٦٠٠ سى سى
الشنطه طبعا صغيره بس بالنسبه لهاتشباك معقوله يعنى اكبر من i10 و اكبر من البيكانتو و البونتو
الكاسيت طبعا اى كلام نوعه هيونداى تعبان شويه و معظم اللى بيشترو العربيه بيرجعوها للتوكيل علشان يغيرو الكاسيت
ناس كتير اشتكو من قواعد الموتور نظرا لأن الموتور شديد على العربيه بس ده مش بيظهر غير بعد وقت طويل جدا و ده للناس اللى بيقسو على العربيه و انا شايف انه طبيعى
الثبات كويس لحد ١٤٠ بعد كده منصحش الا بعد جنوط اعرض
فى المجمل العربيه رووووعه و شيك جدا
و ربنا يوفقك ان شاء الله

[Formulator]

طب أيه؟؟؟!!
محدش هيكلم عن الثبات الضايع... والفرامل ونظام التعليق اللى مش على مستوى الموتور.. ولا أيه؟؟!!!
140 كتيييييييييييييييير أوى على عربية زى دى..!!! الثبات بيقل عند سرعات أقل..!
دى حتى الـSuccessor بتاعتها الـi20 واخده تقييمات سيئة فـ الحته دى..

[_Ahmed_casper_]

انا معايا جيتز و الثيات مجربه هلى طرق كتير ززى شرم و الدائرى و كورنيش اسكندريه و ثابته لحد ١٤٠ انما قبل كده ثبات كويس و الفرامل انا نسيت اتكلم عليها هيا فعلا سيئه بعض الشئ بس مش كارثه يعنى .. احنا برضه بنتكلم عن هيونداى ب ٨٠ الف جنيه و هى بالنسبه لمقياس الصناعه و السعر كويسه .. ماهو طبيعى اى عربيه اقل من ١٢٠ الف بتبقا تعبانه (egypt egypt egypt )
انا لما حد بيسألنى عن العربيه بقوله من حيث المقارنه بالعربيات نفس الفئه فى الحجم و السعر . شوف حضرتك هتقارنها بأيه و هتلاقيها تكسب

[wama1903]

انا بادور علي عربيه بقالي مده و هقولك علي رايي فيها.... (بس انا لسه ما سوقتهاش)

المميزات
الشكل من بره جمييل
موتور 1600 سي سي
فتحه سقف
4 ازاز كهربا
هتلاقيلها قطع غيار فكل حته

اللعيوب
الخامات من جوه وحشه جدا ما تحسش بالفخامه ابدا
ال 1600 سي سي مع انها ميزه الا انها مش شويه في البنزين
مافيش كماليات خالص....لا ايرباج و ولا ABS و لا multifunction ولا اي حاجه
و اهم حاجه و اللي خلتني ابعد عنها .... السعر !!!!
الاوتوماتك + فتحه السقف ب 90000 لييببببببببببببه انا ازود 9 و اجيب ال i20 اوتو

ده رايي فيها...انا دلوقتي بافكر ف i20 و punto evo PKG II
وفي الاخر لازم تفكر و تشوف انت

و شكرا

[engtmk]

انا سقت العربيه ديه 2000 كم دلوقتي وهقولك علي ملاحظاتي

انا بادور علي عربيه بقالي مده و هقولك علي رايي فيها.... (بس انا لسه ما سوقتهاش)

المميزات
الشكل من بره جمييل
موتور 1600 سي سي

2011 موتور قوته 105 حصان

فتحه سقف
4 ازاز كهربا
هتلاقيلها قطع غيار فكل حته

اللعيوب

الخامات من جوه وحشه جدا ما تحسش بالفخامه ابدا

عربيتي اوتوماتيك وخامتها يعني مش هقول وحشه انما متناسبه مع سعرها انا كنت راكب اوبل فكترا قبلها وحسيت بفرق في الخامات بس رجعت وقولت ديه سعر وديه سعر الفيات جراند بونتو احلي من جوه بس سعرها اعلي بحوالي 20.000 وده بردو مبلغ

ال 1600 سي سي مع انها ميزه الا انها مش شويه في البنزين

مش فاهم العربيه يعني عاديه في الاستهلاك للبنزين ( علي ارغم من اني شايف اني الاوبل ال 2000 سي سي كانت بتستهلك بنزين اقل منها ) عارف ان فيه ناس هتستغرب بس فعلا هي ديه تجربتي الشخصيه

مافيش كماليات خالص....لا ايرباج و ولا ABS و لا multifunction ولا اي حاجه

اهم عيب هو عدم وجود abs وديه شي لازم نطالب ان يكون اساسي اساسي اساسي في اي عربيه مش بس الجيتز

و اهم حاجه و اللي خلتني ابعد عنها .... السعر !!!!
الاوتوماتك + فتحه السقف ب 90000 لييببببببببببببه انا ازود 9 و اجيب ال i20 اوتو

انا راي الشخصي ان شكل الجيتز احلي من i20

ده رايي فيها...انا دلوقتي بافكر ف i20 و punto evo PKG II
وفي الاخر لازم تفكر و تشوف انت

و شكرا

خلاصه تجربتي

العربيه كويسه مناسبه لسعرها موتورها كويس جدا جدا تسارعها متناسب مع موتورها

الثبات مش زي الفكترا بس لو بصيت هتلاقيها اعلي من الفكترا وديه ميزه عشان مطباتنا

الفرامل لو كانت Abs كانت هتبقي استجابتها اسرع واحسن

الشنطه ضيقه فلو بتشتريها لاسره يبقي ما تزيدش عن 2 او 3 بالكتير

العربيه بتيقي تقيله اوي لو فيه ناس راكبه ورا وزنهم تقيل سنه

handling كويس جدا طول مانت حاطط في بالك انها مش عربيه سباق

والميزه الحلوه اللي فيها واللي مش موجوده في الفكترا ركنها اسهل