هل كل الاكسيل انجيكشن

[ahmedmok]

محتاج رايكم جدا فى ا لهيونداى اكسيل انا شايف ناس كتير بتشكر فيها انا كان معايا دايو لانوس و بعتها لظروف و دلوقتى بدور على عربيه فى حدود 35000 و شايف ان المبلغ ده ممكن يجيب هيونداى اكسيل سليمه و حالتها ممتازه. بس انا مش عارف ايه نظام العربيه دى . محتاج رايكم جدا و عندى كام سؤال

1/ هل كل الاكسيل انجيكشن ؟؟ و لا فيه كاربيراتير ؟؟ و هل 1500 cc كله انجيكشن؟؟ و 1300cc كاربيراتير؟؟

2/ هل قطع الغيار متوفره ؟؟؟ و اسعارها ايه؟؟؟

3/ اخبار نعومه و سحب العربيه ايه ؟؟؟ هل هناك فرق كبير بينها و بين الانوس؟؟

4/ اخبار الصيانه و التصليح ايه ؟؟؟

5/ مطلوبه فى السوق ولا حدوخ لو قررت ابيعها ؟؟

[ahmedmok]

نصيحه

[modo88]

ياباشا ريح بالك وبالمبلغ دا شوفلك اكسنت 1500 تكون راشه بره وفبريكه دواخل وتكون حالتها حلوه وتكون موديل 98 ل 2003 وهاتحس انها كمان انعم من الانوس اللي كانت معاك واحسن من الاكسل اللي بتفكر فيها لان الاكسل سوقه ضعيف شوية مش زي الاكسنت وهاتبقا انجكشن وعربية موفره وقطع غيراها في كل مكان
وربنا يقدملك اللي فيه الخير يارب

[mohamed_e36]

الاكسيل عربيه حلوه زي الاكسنت وبالنسبه ليها اللي اعرفه ان في منها كربراتير وانجكشن وفي 1300و 1500 كربراتير او 1500 انجكشن
العربيه قطع غيارها متوفره ورخيصه ناعمه بس متهيألي مش في نعومه اللانوس بس اخف من اللانوس على الطريق
في السرعات العاليه وبالنسبه للصيانه والتصليح ففي ميكانيكيه كتير بيفهموا فيها يعني متقلقش من النقطه دي
وبالنسبه للبيع الهيونداي اسرع عربيه تتباع في مصر
الكلام ده من الواقع لان انا اتنين من اصحابي معاهم اكسيل وعارف عن عربياتهم كل حاجه

[tiger451]

الاكسيل جميله

[MMamdouh]

اللى اعرفة ان الاكسيل كلها كربراتير

MMamdouh

[victornabil]

مفيش اكسيل انجكشن خالص و لا 1300 و لا 1500 من اول موديل 1993 لاخر موديل 1998 و هيا كاربراتير

[mohamed_e36]

الله اعلم بس في موضوع معمول في قسم هيونداي لواحد زميلنا كان عايز يركب انجكشن لعربيته الاكسيل عشان يحولها من كربراتير لانجكشن وده عن طريق انو يفك انجكشن من موتور اكسيل استيراد
على العموم هدور على الموضوع وان شاء الله الاقيه

[mohamed_e36]

وادي موضوع لواحد مسقط موتور الاكسيل الانجكشن

http://www.nilemotors.net/Nile/155235-a.html

[victornabil]

دى مواتير استيراد يتاعت عربيات اكسيل منزلتش مصر بس كل الاكسيل اللى نزل مصر سواء كورى كامل او تجميع غبور كان كاربراتير

[mohamed_e36]

تمام شكرا على التوضيح وعلى العموم كده الصوره وضحت للكل وعمت الفائده

[ahmedmok]

شكرا يا جماعه على الرد و التفاعل الجميل ... بس عندى سؤال هو ممكن ب 35 الف اجيب اكسينت نظيفه و تكون كامله عشان بصراحه معنديش ا ستعداد لمشاكل الكاربيراتير وهل كل الاكسنت انجيكشن ؟؟

[MMamdouh]

الاكسنت ال 1500 فول اوبشن و انجكشن

الاكسنت ال 1300 كربراتير

MMamdouh

[ahmedmok]

الاكسنت ال 1500 فول اوبشن و انجكشن

الاكسنت ال 1300 كربراتير

mmamdouh

هل الكلام ده اكيد ؟؟؟

[mody_mt2007]

انا معايا العربية الأكسيل من الزيرو و هى موديل 94 الكورى و عربية ممتازة و اقتصادية جدا و ليها سوق فى بيعها و شرائها و هر كربيراتير مش انجيكشن بس هى مش نفس نعومة اللانوس و ميزتها انها راسية كتييييييييييييييير عن اللانوس فى مشيها و قطع غيارها متوفرة و باسعار كويسة جدا