محتاج رايكم فيرنا 2008

[jos]

مساء الخير انا نزلت السوق انهارده واشتريت فيرنا 2008 كامله 1600 38 الف كيلو فابريكه بره وجوه بس فيها شويه خبطات خفيفه ب 55ونص مش عارف السعر ده كويس ولا ايه راى الخبراء

[Ashraf_Ibrahim]

ما دام جت تبقا مبروك عليك
سيبك من السعر وتمتع بعربيتك الجديدة
وربنا يحميك من شرها ويرزقك خيرها يارب

[jos]

كلامك مظبوط

كلامك منطقى و شكرا استاذ رانجرز على الرد والدعوات بس مش قادر اتخلص من الفضول انا فعلا عاوز اعرف السعر ده كويس ولا ايه يا ريت تفيدنى

[elsheikh2010]

زي ما قال اخويا وحبيبي رينجر استمتع بسيارتك وربنا يديك خيرها ويكفيك شرها وحتى ولو غالية فهذا يدل انك اشتريت سيارة جميلة قيمتها فيها يعني لو ربنا فتح عليك وحبيت تغير هاتبعها غالي بشرط المحافظة مش كدة ولا ايه ؟؟؟؟

[mshmshm3]

كويس لو الموتور حالته كويسة و 38 الف كيلو مش كتير تعتبر عربية جديدة

[jos]

شكرا جدا على الردود والاهتمام هو ماتورها تمام ولسه عاوز اكشف عليه فى التوكيل مع صيانه 40 الف

[mshmshm3]

عموما الف مبروك عليك العربية واطمن طالما العربية مش ماشية كتير ومتورها ان شاء الله يطلع كويس تبقي العربية تمام

[Ashraf_Ibrahim]

هي كويسة وان كان لو خلصت على 50 كانت تبقا لقطة
بس مبروك عليك
38 ألف في 43 سنين كلام فاضي
وربنا يباركلك فيها يارب

[jos]

50 يا ريييييييييييت يمكن لو كنت خدتها من صاحبها مباشره بس فى تاجر فى النص وبعدين يومها عربيات 2006و 2007 وماشيه ب 70 الف وبيطلبوا فيها 51 الف يبقى ازاى كانت تخلص على 50

[chicobon]

ربنا يباركلك فيها الف مبروك افتكر سعرها كويس

[Ashraf_Ibrahim]

يا عزيزي مانا قلتلك دي آراء ليس الا
عموما انا من البداية قلتلك تمتع بعربيتك وسيبك من السعر خلاص
ربنا يباركلك فيها

[jos]

افتكر كويس !!! وهى دى حاجه تتنسى هههههه بس ليه مفيش حد بيقول كانت تعمل كام ولا انتو مخبيين عليا

[mmolazem]

افتكر كويس !!! وهى دى حاجه تتنسى هههههه بس ليه مفيش حد بيقول كانت تعمل كام ولا انتو مخبيين عليا

السعر ممكن يتفاوت جدا حسب الحاله
ممكن نفس الموديل ويكون اقل كتير فى السعر ... واضح ان حالة العربيه تستاهل
ما تضيعش فرحتك بالعربيه بموضوع السعر ده وخصوصا انك اشتريت بالفعل
ربنا يبارك لك فيها و الف مبروك

[jos]

الله يبارك فيك كلامك يريح ومتشكر على الردود