دليل شامل عن الفيرنا بواسطه اسئله الاعضاء - متجدد

[m7mda7md]

انا جربت في مره بس الظروف مكانتش مساعده فمحسبتش بالضبط
بس اللي اعرفه و متاكد منه و جربيته ان الفيرنا اسهل حاجه تعملها تعلم ع النيسان
كده الفيرنا هتجيب من صفر ل 100 في 7 ثواني
و اعتقد ده مستحيل

[El Prince]

مع اني لي ملاحاظاتي علي العربيه
العربيه تسارعها رهيب بس الفرامل مش قد كده مع اني رحت التوكيل اكتر من مره بيها اول مجبناها وكل مره الفرامل سليمه مفهاش حاجه؟؟ ( الأكسنت كانت معانا فراملها احسن)
مش عارف حد حاسس بموضوع الفرامل ولا دي حاله خاصة؟؟؟

فعلاً احساسك صح
عملت رجلاش خلفى , حسن الاداء لكن مش بالصورة المرضية
تقريباً لازم يتعمل كل فترة

[eslam34]

السلام عليكم
انا عضو جديد بالمنتدى واعجبت جدا بفكرة انشاء موضوع شامل عن الفرنا لاني من عشاق هذه السيارة
تحياتي للجميع

[MeeMo05]

بصوا يا جماعة الفيرنا مهما كن فيها حلو بس أنا مش مقتنع بيها نهائيا
ميزتها إنها هيونداي لكن غير كده ليا واحد صاحبي معاه فيرنا وشوفتها وركبتها وسوقتها ومالقتهاش العربية اللي هي يعني وكمان اتقالنا كتير من ناس متخصصة انها بتنزل بعيب صناعة في الشكمان

[M.Osman]

وكمان اتقالنا كتير من ناس متخصصة انها بتنزل بعيب صناعة في الشكمان

اول مرة اسمع عن الحكاية دي ...

[El Prince]

بلاش افتراءات

بصوا يا جماعة الفيرنا مهما كن فيها حلو بس أنا مش مقتنع بيها نهائيا
ميزتها إنها هيونداي لكن غير كده ليا واحد صاحبي معاه فيرنا وشوفتها وركبتها وسوقتها ومالقتهاش العربية اللي هي يعني وكمان اتقالنا كتير من ناس متخصصة انها بتنزل بعيب صناعة في الشكمان

مش صاحب صاحب صاحبى قالى مش عارف ايه .. أصدق و و أنشر ..
علشان مثلاً يكون رأى واحد ( واحد بس ) ان دهان العربية ( أى عربية ) مش عاجبه قوى ...
وعقبال ما توصل المعلومة ليك بعد الاضافات و الذى منه ... يطلع على العربية ان دهانها بيقع و يقشر من الهوا و هى ماشية !!!؟؟؟

ده كلام ؟

يا ريت محدش يفتى بدون تجربة شخصية حقيقية لمدة معقولة و ده مش هايجى غير باستخدام السيارة ( أى سيارة ) لمدة طويلة و استعمالها بصفة منتظمة و دورية وفى كافة الظروف ... يعنى نحكم من خلال ذلك و بصورة عاقلة و دقيقة ...

علشان غيرنا يستفيد وياخد قرار صح لان المنتدى أصبح مرجع لكل ما يتعلق بالسيارات ..

[m7mda7md]

السلام عليكم
انا عضو جديد بالمنتدى واعجبت جدا بفكرة انشاء موضوع شامل عن الفرنا لاني من عشاق هذه السيارة
تحياتي للجميع

اهلا و سهلا بيك يا باشا

[mam2]

حادثة حصلت لي
واحد وقف مرة واحدة و انا لبست فيه و طبعا حسب القانون أنا الغلطان!

المهم الحمد لله أن الواحد طلع سليم بس عندي ليكم شوية اسئلة

السمكري مصر يغير الكبوت لأن العضم بتاعه ساب الصاج فهل الافضل أغيرة و لا اصر انه يصلحه و يلزقة بسيليكون عضم

و لو هغيرة يبقى تايواني و لا اصلي؟

تاني حاجة التلفيات هي كبوت و شبكة و اكصدام و شاسيه اكصدام و محتاج يفرد الصدر يا ترا كل ده يكلف كام تقريبا

اخر حاجة هي الفرامل بتاعت الفيرنا سايبة كده ليه و العربية دي ورق لأني خبط ماروتي و كل اللي حصلها ان الاكصدام وقع و اتكسر!!!!!

[tamercad]

انا معايا فيفا فول ابشن المرايا الكهرباء اليمين بتعلق فهل حلها تتنظف بهواء ولا فيها جزء داخلى عايز يتغير وشكرا على هذا المنتدى الرائع

[citadeldeath]

حادثة حصلت لي
واحد وقف مرة واحدة و انا لبست فيه و طبعا حسب القانون أنا الغلطان!

المهم الحمد لله أن الواحد طلع سليم بس عندي ليكم شوية اسئلة

السمكري مصر يغير الكبوت لأن العضم بتاعه ساب الصاج فهل الافضل أغيرة و لا اصر انه يصلحه و يلزقة بسيليكون عضم

و لو هغيرة يبقى تايواني و لا اصلي؟

تاني حاجة التلفيات هي كبوت و شبكة و اكصدام و شاسيه اكصدام و محتاج يفرد الصدر يا ترا كل ده يكلف كام تقريبا

اخر حاجة هي الفرامل بتاعت الفيرنا سايبة كده ليه و العربية دي ورق لأني خبط ماروتي و كل اللي حصلها ان الاكصدام وقع و اتكسر!!!!!

الأخ العزيز،

قدر الله وما شاء فعل، أنا حصلّي نفس إللي حصلّك بالضبط، التكلفة تقريباً هتبقى 3000 جنيه بره التوكيل طبعاً، بس بإذن الله تعالى العربية هترجع زي الأول بالضبط.. أنا رحت جبت كبود وشبكة وإكصدام والشاسيه بتاعه من الحرفيين، وجبتهم كلهم أصلي مش تايواني، ويفضل إنك تفضي نفسك يوم والا حاجة تنزل من أوّله تجيب أسعار كل حاجة لوحدها، علشان الناس هناك ممكن تنصب عليك في السعر، وبعدين تروح عند واحد يرشلك الحاجات إللي إنت جايبها ده..

الفرامل مشكلة أبدية في الفيرنا.. لذا حاول تسيب مسافة بينك وبين إللي قدامك كافية (مشكلتها إنها جرّاية وبتغوي الواحد بصراحة)..

وأي خدمة تانية أنا تحت أمرك

[mam2]

الأخ العزيز،

قدر الله وما شاء فعل، أنا حصلّي نفس إللي حصلّك بالضبط، التكلفة تقريباً هتبقى 3000 جنيه بره التوكيل طبعاً، بس بإذن الله تعالى العربية هترجع زي الأول بالضبط.. أنا رحت جبت كبود وشبكة وإكصدام والشاسيه بتاعه من الحرفيين، وجبتهم كلهم أصلي مش تايواني، ويفضل إنك تفضي نفسك يوم والا حاجة تنزل من أوّله تجيب أسعار كل حاجة لوحدها، علشان الناس هناك ممكن تنصب عليك في السعر، وبعدين تروح عند واحد يرشلك الحاجات إللي إنت جايبها ده..

الفرامل مشكلة أبدية في الفيرنا.. لذا حاول تسيب مسافة بينك وبين إللي قدامك كافية (مشكلتها إنها جرّاية وبتغوي الواحد بصراحة)..

وأي خدمة تانية أنا تحت أمرك

الف الف شكر للمعلومات المفيدة دي

[Ahmed Anwer]

يا جماعة ايه رأيكم ،،

دلوقتي بعد حكاية مد الضمان ل 100 الف

انا عامل دلوقتي 45 الف و سنة و نص

انتم ايه رايكم الواحد يفضل ملتزم مع التوكيل و لا كفاية كده

اللي لاحظته ان صيانة الفيرنا سهلة و قطع غيارها رخيصة برة التوكيل و متوفرة

هل الواحد يوفر بقه ال 300 ،، 400 جنية اللي بيدفعهم كل خمستلاف كيلو

و لا يستفيد بالضمان الفترة الباقية

[BLACKVERNA]

يا جماعة ايه رأيكم ،،

دلوقتي بعد حكاية مد الضمان ل 100 الف

انا عامل دلوقتي 45 الف و سنة و نص

انتم ايه رايكم الواحد يفضل ملتزم مع التوكيل و لا كفاية كده

اللي لاحظته ان صيانة الفيرنا سهلة و قطع غيارها رخيصة برة التوكيل و متوفرة

هل الواحد يوفر بقه ال 300 ،، 400 جنية اللي بيدفعهم كل خمستلاف كيلو

و لا يستفيد بالضمان الفترة الباقية

ازيك يا استاذ احمد وحشنى والله

انا رأى لو الواحد انتظم فى الصيانات الدورية كل خمس تلاف و دفع كل مره 300 او 400 جنيه و بعد كدا لا قدر الله حصل مشكله و صلحتها فى التوكيل ببلاش
و جيت قارنت بين تكلفة الصيانة اللى التوكيل اتحملها و الفلوس اللى انت دفعتها قبل كدا فى الصيانات اعتقد انك هتلاقى انك دفعت اكتر بكتير من تكلفة الصيانة و كدا هما المستفيدين و متهيالى ان غبور عمل الحركة دى و مدة فترة الضمان علشان يعوض التخفيض اللى عمله فى اسعار العربيات

الخلاصة سيبك من التوكيل و ربك يسترها و الحمدلله الفيرنا صيانتها سهله و الناس بتفهم فها و قطع غيارها محتمله الى حد ما

و الرأى الاخير ليك شوف انت مستريح لايه و انتظر رأى باقى الاعضاء


و ربنا يسترها مع الجميل

[eslam34]

اهلا و سهلا بيك يا باشا

اهلا بيك و شكرا على اهتمامك و اتمنى نفيد بعض ان شاء الله

[eslam34]

لا والله العربية زي الفل والشكمان كويس جدا زي اي عربية عادي جدا و ياريت الي عنده مشكلة في الشكمان يقولنا