حجزت الفيرنا والحمد لله

[elsheikh2010]

النهاردة وبفضل الله تعالى عليا حجزت الفيرنا 1600 المانيوال الكاملة اللون الفيراني و إن شاء الله تعالى هاستلم السبت القادم ايه المفروض أخد بالي منه وانا باستلم وهاستلم ايه وايه الورق والكتيبات والضمان المفروض هاستلمه والترخيص لمد ة سنة هياخد كام ولو لمدة 3 سنوات هياخد كام وانا شاكر جدا لحضراتكم

[wael6]

بسم الله ما شاء الله
ربنا يرزقك خيرها ويكفيك شرها
ويسعدك يارب

[alrazy]

10000 مبرووك

الف مبرووك يا باشا

انا برضه جايب فيرنا كاملة 2011 فيرانى من شهر 11 اللى فات و الحمد لله زى الفل

جبتها من ابو رواش و استلمت فى نفس اليوم كانت عاملة 12 كيلو

اللى لازم تتاكد منه حاجه اسمها PDI pre delivery inspection دى حتى هتلاقيهم لازقين ليها استيكر على الازاز الامامى من بره ..... المهندس قالى ماتستلمش العربية من غيره ... دور جوا العربية على الورقة بتاعتها ...... هتلاقيها مفصصة كل ملى فى العربية و عليها علامة انهم شافوها ..... حتى انا لقيتهم لازقين على حاجات فى العربية ستيكر OK

تمم انت عليه واحده واحده براحتك .... و ياريت تستلم فى النور و بلاش بالليل ......

نصيحة بس انا ما عملتهاش ..... سمعت ان انت ممكن تغير الكاوتش ال 13 ب 14 او 15 و تغرم شوية و تجنط .... ممكن ياخدو منك الكاوتش الجديد بسعر كويس ..... مش ب 350 جنية ال4 فرد بالجنط الحديد زى ما واحد كان عايز يعمل معاى مع ان العربية ما كانتش عملت لسه صيانه ال 5000

فى حاجه كمان الكاوتش بييجى فيها يا اما نسر سيء جدا و ده الجنط الحديد بيكون لونه ابيض ر او لاسا سيء بس و ده الجنط بيكون اسود ....ادعى ربنا ان الجنط يكون اسود .....

ربنا يكفيك شرها و يتمم بخير ..... اللون الفيرانى بجد تحفة ..... بسم الله ما شاء الله

[frontera09]

مبرووك يا باشا خلي بالك من الضمان بتاع الكاسيت والبطارية وربنا يباركلك فيها

[elsheikh2010]

النهاردة اتصلوا بيا وقالولي اللون الفيراني خلص ولو عايز تستنى ممكن تستنى بس هما سمعوا ان السعر ممكن يزيد شوفت البخت ولكن قالولي فيه اللون النبيتي واللون الأبيض والكحلي فأ ضطررت ان اغير الحجز للون الكحلي وانا خايف اللون يكون وحش فياريت تطمنوني شكلها ايه بالكحلي .

[jos]

مبروك مقدما العربيه وربنا يباركلك فيها هيا عامله كام دلوقت عشان المستعمل بتاعها شادد؟؟

[Ashraf_Ibrahim]

الكحلي لون رائع جدا
والنبيتي كان هيكون اجمل كمان
عموما مبروك عليك يا جميل وربنا يديك خيرها ويحميك من شرها

[tamatemo]

مبروك عليك العربية

اللون الفراني حلو جدا معايا

وكذلك النبيتي والكحلي

بص

انا عاوزك تفصص العربية حتة ولو فيها حاجة انتا شاكك فيها ما تسلمهاش
دا حقك انتا دافع فلوس في العربية مش واخدة اعانة

شوف مكن الازاز بيرفع بسهولة ولا بيخبط في الرفع
شوف عداد الكيلومتر بص علي الموتور من جوا

فلي العربية حتة حتة ومبروك عليك يا باشا

[mnomno]

ما شاء الله ربنا يبارك لك فيها
الكحلى ايضا حلو من افضل الالوان عليها هو و الفيرانى

[elsheikh2010]

عاملة 71750 جنيه عدا ونقدا وفيه معارض كان قايلالي 72000 مش عارف ليه بالرغم من ان الناس خايفة تشتري فمش عارف ليه الأسعار عمالة تطلع بالرغم من انها تقفيل مصري مش استيراد بالكامل يعين الدولار مش مقصر عليها

[chicobon]

الف مبروك و اللون الكحلي شيك جدا ربنا يحميها من العين و يباركلك فيها ان شاء الله

[elsheikh2010]

ألف ألف شكر يا جماعة و إن شاء الله مع أول تقييم ليها بإذن الله

[masry2011]

عندى سوال ياجماعة انا مركبتش عربيات ف مصر قبل كدة بس ف السعودية انا اعرف الهيونداى اكسنت والنترا

الفيرنا دى تصنيفها ايه من النوعين دول؟؟

يعنى احسن ولا اقل ؟؟

[Ashraf_Ibrahim]

عندى سوال ياجماعة انا مركبتش عربيات ف مصر قبل كدة بس ف السعودية انا اعرف الهيونداى اكسنت والنترا

الفيرنا دى تصنيفها ايه من النوعين دول؟؟

يعنى احسن ولا اقل ؟؟

الفيرنا ببساطة هي اكسنت بس انا مش متأكد موديل كام تحديدا !