تحديث شكل الماتريكس

[tota323]

تويوتا تغير و تحدث شكل موديلاتها كل 5 سنوات في حد يعرف هيونداي ممكن تنزل شكل جديد للماتريكس و امتى و هل التقفيل التركي كويس و هل يوجد فتحة سقف و اكصطدامات جامدة ارجو الافادة ايضا من الاخر ماتريكس اتوماتيك و لا جين 2 اتوماتيك و مقارنة التوكيلان غبور و عز العرب و شكرا

[TAG_Turbo0]

بس انا عندى رأى معرفش صح ولا لأ
المفروض ان هيونداى عرضت الصور الرسمية للماتريكس 2009 وأعتقد انه هينزل الاسواق فى شهر 6 الجاى وهى شكله مختلف شوية من الامام
وفى نفس الوقت بدأ تجميع الشكل الحالى فى تركيا
يبأى من غير حسابات مش هينزلنا الشكل الجديد لأن التوكيل بيجيب الشكل القديم من تركيا أرخص طبعا من الكورى
يبأى أحتمالات نزول الشكل الجديد مصر 1%
اما بالنسبة للجين تو فمقارنتها بالماتركيس مقارنة غير عادله لكلا الطرفين
الماتركس عربية عائلية للمدينة
والجين تو عربية شبابية بأداء رياضى
لو عايز تقارن الجين تو بحاجه هيونداى يبأى النيو أكسنت
اما موضوع التوكيلات ده فانا مجرب عز العرب فى كذا فرع هم كويسين الى حدما مقارناً بغبور والى الناس بتحكية هنا فى المنتدى
وبالنسبة للعربيتين انا أفضل الجين تو على النيو أكسنت كرأى شخصى
بس العربيتن بجد خرافه فى الاداء
لكن الشكل ده مش بتاعى ده حضرتك الى تقرره

[tota323]

شكرا جدا على الاهتمام و الرد طبعا طبيعة العربيتين جين 2 و ماتريكس مختلفة لكن نفس الفئة اللترية و السعر و السمعة الجيدة و الاداء القوي

الشكل الجديد لو على كلامك عمرنا ما حنشوفوه مفيش فايدة في توكيلاتك يا مصر

[liquidator]

أولا أشكر مرور tag_turbo و الاهتمام و لكن لي تعليق بسيط ...
في رأيي فان غبور و بكل ما يحتويه من مساوئه اللا انه أفضل كتير من عز العرب سواء في أسعار قطع الغيار أو المعامله .. أنا كان معايا جين 2 و كنت لما باروح الصيانه كنت باخد رقم أربعه و أخرج الساعه 5 و مع غبور باخد رقم 147 و أخرج الساعه 2 !!! دا غير قطع غيار الجين 2 دايما مش موجوده .. كل ما أسأل علي حاجه يقول لي مش موجوده لحد ما زهقت ... تيل فرامل الجين 2 ب 500 جنيه و بتاع الماتريكس ب 300 جنيه .. سير الكاتينه بتاع الجين 2 ب 400 جنيه و بتاع الماتريكس بميه و شويه ... رغم مساويء غبور اللا انه بيقدم أحسن أسعار قطع غيار بشكل لا يقارن و كلها موجوده و نادرا لما تلاقي حاجه مش موجوده و بسرعه بيعملوا أوردر بيها باسمك و بيجبهالك من كوريا في أقل من اسبوع ... ده غير ان ضمان غبور ضمان حقيقي , أنا غيرت شاسيه كرسي السواق كله في الضمان و بعتوا جابوه من كوريا عشاني و مادفعتش ولا مليم , غيرت الكنترول يونيت برده مره علي الضمان ببلاش

[liquidator]

أولا أشكر مرور tag_turbo و الاهتمام و لكن لي تعليق بسيط ...
في رأيي فان غبور و بكل ما يحتويه من مساوئه اللا انه أفضل كتير من عز العرب سواء في أسعار قطع الغيار أو المعامله .. أنا كان معايا جين 2 و كنت لما باروح الصيانه كنت باخد رقم أربعه و أخرج الساعه 5 و مع غبور باخد رقم 147 و أخرج الساعه 2 !!! دا غير قطع غيار الجين 2 دايما مش موجوده .. كل ما أسأل علي حاجه يقول لي مش موجوده لحد ما زهقت ... تيل فرامل الجين 2 ب 500 جنيه و بتاع الماتريكس ب 300 جنيه .. سير الكاتينه بتاع الجين 2 ب 400 جنيه و بتاع الماتريكس بميه و شويه ... رغم مساويء غبور اللا انه بيقدم أحسن أسعار قطع غيار بشكل لا يقارن و كلها موجوده و نادرا لما تلاقي حاجه مش موجوده و بسرعه بيعملوا أوردر بيها باسمك و بيجبهالك من كوريا في أقل من اسبوع ... ده غير ان ضمان غبور ضمان حقيقي , أنا غيرت شاسيه كرسي السواق كله في الضمان و بعتوا جابوه من كوريا عشاني و مادفعتش ولا مليم , غيرت الكنترول يونيت برده مره علي الضمان ببلاش ... عز العرب بقي كانت مكنة الزجاج باظت و كل ما أروح يقول لي مش موجوده لحد ما في مره اتخانقت معاهم أم فكلي مكنه من عربيه زيرو عشان أسكت !!! و الغلبان صاحب العربيه الزيرو دي شوفوا انتم بقي ايه مصيره ...وده غير العروض اللي غبور دايما بيعملها علي خصومات كبيره علي قطع الغيار , تيل الفرامل مره كان عامل عليه عرض أنا جبته من عنده ب 225 جنيه بدل 300 جنيه .. و علي فكره عروضه كتير اوي ... و علي فكره أنا معايا ماتريكس و هي عربيه خاليه من العيوب و المشاكل تماما و عامل بيها 72000 كيلو و حالتها زي الفل رغم اني مستخدم سيء .. اشتري و انت مغمض و علي مسؤوليتي و علي فكره هيونداي من سنة 1967 و هي بتعمل عربيات أما بروتون فشركه ناشئه من سنة 1993 , أكيد عنصر الخبره بيفرق .. و اوعي حد يضحك عليك و يقول لك موتور الجين 2 انجليزي !! دا أول موتور من صنع بروتون ماليزيا و بروتون بتفخر بكده .. كل الحكايه انه تم ضبطه من قبل شركة لوتس مش أكتر ...مواتير بروتون ويرا و واجا كلها ميتسوبيشي ياباني .. هيونداي بتعمل مواتيرها بنفسها من سنة 1995 ... و الحمد لله موتور الماتريكس معايا زي الفل ... سيبك من أي حاجه تاني و خليك مع سادس أكبر شركه مصنعه للسيارات في العالم , هيونداي ...
تحياتي لك ...

[tutankhamoun]

توكيل عز العرب أفضل من غبور ............ بكتير
على الأقل مفيش حاجة بتطلع من عندهم بايظة
و بالنسبة لموضوع الوقت .......... أنا رحت مرة واحدة في صيانة الألف ..... أخذت دور رقم 7 و قالو لي السيارة ستكون جاهزة عند الساعة الحادية عشر ......... و بالفعل ذهبت في تمام الساعة الحادية عشر و كانمت خلصت ........ و غسلوها و غسلوا الجنوط و نظفوها من الداخل بمكنسة و بصراحة مكنتش مصدق إنهم بيعملوا كدا مجــــــــانــــــا
ثانيا بالنسبة لقطع الغيار كلها متوفرة اﻵن نظرا لإنتشار السيارة
و قطع الغيار موجودة خارج التوكيل أيضا و تيل فرامل الجين 2 خلفي و أمامي ب 300 جنيهمصري عند أولاد منصور في الجيزة
و في شارع دمشق و كل قطع الغيار اﻵن موجودة و متوفرة .......... و بأسعار معقولة جدا

-----------------------------

الماتركس هي متهيألي أحسن عربية طلعت من هيونداي مع الإلنترا
و لكن الجين 2 أقوى منها ,,,,,,,, أعلى منها ,,,,,,,,,, كماليتها أفضل كثيرا و كمان فيها نظام فرامل حديث و هو مانع الإنزلاق و نظام موزع قوة الفرامل الإلكتروني على الأربع عجلات و هو ما يطلق عليه .......... ABS EBD

------------------------------
بالإضافة إلى مشغل اسطوانات أصلي راكب من المصنع
جهاز إنذار أصلي .,.......... مرايات يتم تعديلها بالكهرباء ........ جنوط سبور .......... أوسع من الماتركس .......... شنطتها أوسع من الماتركس ........... ثباتها أعلى من الماتركس ............ و أعتقد في الشكل .......... الجين 2 أحلى ..... و برضه أعلى عن الأرض و أثبت على الأرض ........... و بتاعة جري .......... و برضه تديك أداء معقول لو مش عايز تجري ............. أنا بصراحة أرشح الجين 2 بكل قوة و مش عشان هي معايا .......... بجد العربية تستاهل و مش واخدة حقها في الدعاية خالص
و صحيح ......... صاجها أقوى ........ و بها وسائد هوائية لحماية الركاب من الحوادث

[liquidator]

شكرا أخي الكريم علي مرورك بس انا بتكلم في قطع الغيار الأصلي .. تيل الرامل الأصلي ل جين 2 أعتقد انه ب 500 جنيه بينما تيل فرامل الماتريكس الأصلي ب 300 جنيه من غبور , ان كان علي كده ما في تيل فرامل للماتريكس كوري ب 60 جنيه بس مش أصلي طبعا ... تحياتي لك ...

[tutankhamoun]

تاريخ شركة بروتون
تم تأسيس الشركة سنة 1983 ........... و ليس 1993 !!!!!!!!

عند تأسيس الشركة قامت بالتعاون مع شركة ميتسوبيشي اليابانية لتقديم خبرتها إليها مع إن شركة ميتسوبيشي شركة جديدة في التأسيس و تم تأسيسها سنة 1973 يعني هيونداي أقدم منها ........ و مش معنى كدا إن سيارات هوينداي أحسن من ميتسوبيشي
قامت شركة بروتون بشراء لوتس الإنجليزية في بداية القرن الواحد و العشرين ......... أو في نهاية القرن العشرين
و منذ ذلك الحين قام الطرفان بتصميم أول سيارة ماليزية مملوك تصميمها لشركة بروتون
و بالطبع قام بالتصميم مهندسين ماليزيين و مهندسين بريطانيين من شركة لوتس العريقة لصناعة المحركات الرياضية
المهم كانت النتيجة هي السيارة جين 2 ........... ذات الأداء الرياضي الرهيب ........

الشركات الحديثة في التصميم

شركة سيات الأسبانية ..................... 1950
و لكنها لم تبدأ بصناعة محركات قبل عام 1986 مع السيارة إبيزا
شركة ميتسوبيشي اليابانية لصناعة السيارات ........ 1973
شركة بروتون الماليزية ............ 1983 تقريبا

شركة النصر لصناعة للسيارات 1967
هل شركة النصر أفضل من ميتسوبيشي لأنه تم تأسيسها قبلها . !؟

و على فكرة ......... محركات هيونداي ليست محركات معمرة و أنظر لحال الإكسل .......... و الأكسنت موديلات أواخر التسعينيات و قارنها بالويرا ........... من بروتون نفس الموديل

[tutankhamoun]

شكرا أخي الكريم علي مرورك بس انا بتكلم في قطع الغيار الأصلي .. تيل الرامل الأصلي ل جين 2 أعتقد انه ب 500 جنيه بينما تيل فرامل الماتريكس الأصلي ب 300 جنيه من غبور , ان كان علي كده ما في تيل فرامل للماتريكس كوري ب 60 جنيه بس مش أصلي طبعا ... تحياتي لك ...

تيل الفرامل اللي شفته ب 300 جنيه كان مطبوع عليه علامة بروتون و مكتوب عليه صنع في ماليزيا

[liquidator]

يمكن رخص بقي لأني بعت الجين 2 من زمان .. و يمكن كمان التوكيل اتعدل لأني سايبه من زمان ... أكيد انت أدري لان معاك جين 2 حاليا .... تحياتي لك

[tutankhamoun]

يمكن رخص بقي لأني بعت الجين 2 من زمان .. و يمكن كمان التوكيل اتعدل لأني سايبه من زمان ... أكيد انت أدري لان معاك جين 2 حاليا .... تحياتي لك

تحياتي الحارة لك يا حبيب قلبي :)

[Ahmed Anwer]

خلاص حقك عليا أنا يا أ / توت ،،،،،

بس هيا كل المشكلة انك بسهولة ممكن تجيب معلومات و ارقام و انجازات لهيونداي ،،

و مش بنفس السهولة ممكن تجيب نفس المعلومات لبروتون لإنها شركة مغمورة ،،

فده بيدي إيحاء إن دي شركة كبيرة و عريقة و دي شركة مبتدئة بتجرب في السوق المصري

عموما انتا عارف إن مش مبادئي ،،

إن الماركة الفلانية افضل من الماركة العلانية و خلاص و كده يعني ،،،

بس في حقائق لا يمكن انكارها بخصوص البراند ،،

و بخصوص الجودة ،،

مقدرش افتي الصراحة ،،

لأن برده بروتون تقييماتها اسوأ من الزفت بشوية في المواقع المتخصصة ،،

و ده في وجهة نظري مش دليل كافي ،،

و يمكن اتناقشنا في الحكاية دي كتير في منتدي بروتون ،،

و مفيش مجال للحكم بالتجربة لأنها أساسا انتشارها ضعيف ،،

بخصوص التوكيل ،،

فدي حسب وجهة نظر كل واحد ، و تجربته ،،

في واحد يهمه مراكز صيانة كتير ،، و قطع غيار متوفرة عالطول و باسعار معقولة و لو علي حساب

المعاملة الغير متميزة

طبعا العربيتين غير قابلين للمقارنة في وجهة نظري

دي MPV

و دي SuperMini

[tutankhamoun]

أستاذ أحمد أنور ......... أهلا بيك للرد على مداخلتي
و شكر لذوق حضرتك ........

أنا لم أقصد إن ماركة بروتون أحسن من ماركة هيونداي لأنني لا أعترف بهذا الكلام إطلاقا
أنا أنظر إلى السيارة نفسها ......... و بعدين انتشار قطع الغيار طبعا مهم + مراكز الصيانة و سهولة الصيانة

بس أنا وضحت نقطة كانت غائبة عن اخونا " liqiudator "
و أنا في بداية الكلام قلت إن هيونداي ماتركس و هيونداي إلنترا هما أحسن عربيتين في رأيي الشخصي ( كلام قابل للنقاش طبعا ) أحسن سيارتين موجودين في مصر من إنتاج هيونداي

و أنا قارنت ما تمتلكه الجين 2 ....... و ما تمتلكه الماتركس

و على فكر أنا مش متحيز للجين 2 علشان هي معايا ......... بس بجد العربية لو أتعملها شوية دعاية صح ......... هاتقطع الدنيا في مصر
و خصوصا إن أنا شايفها أحسن من عربيات موجودة في السوق بتفوقها في السعر بعشرين ألف جنيه
يعني عربية حلوة و بالثمن ده ........... :) :) :)
و الناس لو سابت بروتون في حالها ....... صدقني هاتاكل الكوري من حيث أنها معمرة أكثر .......... و المستقبل سيثبت كلامي
و ربنا يوفق ماليزيا و يارب نحذو حذوها و كل العالم الإسلامي يفكر بعقلانية ماليزية .
و تحياتي الحارة العطرة لك و لكل مٌلاك هيونداي :) :)

[Ahmed Anwer]

لآ يا باشاااا ،،

و لا يهمك ،،

بس في نقط لازم تاخدها في الإعتبار ،،

الماتريكس سقف عالي ،، Mpv

يعني لو واحد كبير في السن أو عنده صعوبة معينة

هتبقي مناسبة للاستخدام و الطلوع و الخروج و كده ،،

اوسع مفهاش شك ،،

شنطة تشيل كتير ،،

باختصار للسفر و عائلية افضل

في المقابل

الجين 2 ،، شبابية ، روشة ، ثبات ، اوبشنز دلع ،،

متميزة ،، مش مرطرة زي الماتريكس ،،

يعني باختصار لو عايز حاجة عائلية بحتة تبقي ماتريكس

لو عايز شبابية أو عائلة صغيرة تبقي جين 2

[tota323]

شكرا جدا للاخوة تاج و توت و ليكيودتور و الاخ احمد انور _ فعلا الردود مفيدة بس احب اوضح حاجة دعونا نتفق ان العربية هي برضه سلعة او صفقة رابحة او خاسرة - قرار صائب او خاطئ طبعا نسبيا

انا مدرك جيدا ان العربيتين مختلفين تماما من حيث الشكل و نوع الاستخدام المختلف و لكن في النهاية هو قرار شراء سيارة 1600cc تشابه في قوة الاداء (110-102) hp
العربيتين نفس السعر مانوال و نفس السعر اتوماتيك
ميتركس 1.6 F/O A/T 2008 89000Gen 2 1.6 F/O A/T 2008 89900
ميتركس 1.6 F/O M/T 2008 83000Gen 2 1.6 F/O M/T 2008 83900
بل و الاثنين لهم كثير من المعجبين و الغضب من التوكيل و الاشادة بقوة الاداء و القيمة الجيدة بالنسبة للسعر و لكن طبعا في الشكل و الكاتجوري مختلفين و دي اذواق و لكن عندما تفكر في عربية 1600 و بسعر من 83 الى 90 الف فلا تستطيع تجاهل التفكير فيهما كخيار جيد من حيث القيمة العرية بالنسبة للجودة لذا سالت عنهم مع اعترافي بالاختلاف و شكرا