الجزء الثاني : استلمنا الفيرنا والحمد لله-

[elsheikh2010]

الحمد لله رب العالمين استلمت الفيرنا وكمان اللون الفيراني الي كنت عايزه بالرغم من انهم قالولي خلص ومافيش غير الكحلي . بكره هارخص إن شاء الله وهاديها الفمين التمام وبعدين هادوشكم بالأسئلة بس ياريت تستحملوني .

[Ashraf_Ibrahim]

مبروك يا جميل
ربنا يديك خيرها ويحميك من شرها
وتحت امرك في اي اسئلة خاصة بيها

[lordfear]

طب خد السؤال ده بقى عشان يبقى اخد و عطى :p

حضرتك جبتها منين و بكام و التسليم كان فى اد ايه

((( اه كل ده سؤال واحد =pppp ))))))

[elsheikh2010]

الله يبارك فيكم يا قمرات خد عندك الأجوبة انا جبتها من الكموني مش انا الي جبتها بالضبط ولكن تاجر عشان اترحم من البنوك وحرمانياتها هو اشتراها بالنيابة عني وبعدين انا اشتريتها منه وقسطله بس على سنة حسبهالي كاش بي 71750 وهو ده سعرها حاليا دفعت منها 51750 جنيه والباقي 20000 على سنة بفايدة 4000 جنيه في السنة أنا عارف انه مبلغ كبير يعين 20 % في السنة بس عشان اترحم من البنوك ولا يكون حظر بيع ولا الكلام الفاضي ده يعني قسطله 24000 جنيه عل سنة إن شاء الله وادعولي اقدر اسدها والميزة ان ورقها جيه معاها يعني هارخص بكرة إن شاء الله جواب المرور والمبايعة والحمد لله بإسمي زي ما قلتلكم عشان اترحم من البنوك .

[tamatemo]

ربنا يكرمك ويحفظهالك يا رب

[HOSSAM99]

ألف مبروك

[MISS_MONA]

الف مبروك ربنا يباركلك فيها

[د.محمود صلاح]

مبروك عليك وحضرتك عملت بنظام المرابحة المؤيد من أغلب الفتاوى

[elsheikh2010]

الحمد لله والله يخليكم كلكم وعلى فكرة أنا لم أؤمن عليها ولكن عشان انا ناوي ابعد عن الحرام كل أقفلها واطلع شقتي بأقول اللهم اني أستودعك سيارتي فأحفظها لي يا خير الحافظين يا أرحم الراحمين .