يا جماعه أنا رايح صيانة ال 70000 يوم السبت , حد عايز حاجه ؟

[liquidator]

السلام عليكم ...
أعضاء منتدانا الغاليين أنا رايح أعمل صيانة السبعين ألف في أبورواش يوم السبت .. لو حد عايز يستفسر عن أي حاجه في التوكيل بس يقول و أنا مستعد لكل حاجه ان شاء الله و لو حد رايح يوم السبت وللا حاجه يقول لي عشان أقابله هناك و أنا أعرف ناس كتير هناك و ممكن يخلصوله صيانته بسرعه أو لو حد عنده مشكله و رايحلها يوم السبت ممكن أقابله و نشوف نقدر نحلها ازاي و ربنا المستعان ان شاء الله ...
تحياتي لكم جميعا ...

[osamaelbaz]

الف شكر يا باشا ويارب تعمل صيانة المليون كمان ويديلك خيرها ويكفيك شرها انت فعلا من الناس الى استفدنا منها جدا فى المنتدى

[Ahmed Anwer]

ابقي قلهم ان في ثورة قادمة علي غبور ،،

و ليلتهم سودا ،،

و غبور هيبيع عربياته في سوق الجمعة ،،

لو ما تعدلوش

و مصدر حركة مالكي هيونداي الأحرار

موقع نايل موتورز

[liquidator]

الله يخليك و ميرسي علي كلامك الحلو دا يا مستر أسامه ...
و يا جماعه اللي عياز حاجه يطلبها من غير كسوف مهما كانت و لو في استطاعتي المساعده والله ما هاتأخر و ربنا المستعان ان شاء الله ...

[liquidator]

ماشي يا أحمد باشا والله كلامك ده هايوصل لكل اللي أعرفهم هناك .. بجد مش هزار ماتقلقش ..
تحياتي لك ...

[Ahmed Anwer]

ماشي يا أحمد باشا والله كلامك ده هايوصل لكل اللي أعرفهم هناك .. بجد مش هزار ماتقلقش ..
تحياتي لك ...

يا باشا ،،

انا بهزر ،،

بس فعلا ميستهونوش بتأثير المنتديات

و الحاجات اللي زي دي ،،

رغم وجود مبالغات غير منطقية ،،

بس البلد كلها قعدت في البيت و الحكومة شعرها شاب بفضل شوية شباب علي الفيس بووك

ما بالك كام واحد بيخش المنتدي

و بيقرا الكلام اللي مكتوب

[liquidator]

و دا لا يمنع اننا نعرفهم باللي بيحصل يمكن الكلام يتنقل لحد ما يوصل للراس الكبيره .. وللا ايه ؟

[Ahmed Anwer]

أكيد طبعا ،،،

مش هنقول زي صحف الحكومة

قلة مندسة و بلطجية ،،



عشان يكرهونا في فكرة التغيير في حد ذاتها

[fahd_628]

لو ممكن بس تسألى هل الجيتز 2008 بيبقى فيها لمبة فى التابلوة بتاعت زيت زرقاء بتبين ان العربية لسة باردة و بتطفى لما تسخن ولا لأ لأنى سمعت انها فيها بس انا ملقيتهاش عندى !

و الف الف شكر ليك

[liquidator]

انت تؤمر يا فهد باشا حاضر من عنيا الاتنين ... ها يا جماعه مش معقول أنا فاتح الموضوع عشان لمبه زرقه بس ... مفيش حد عنده حاجه تاني

[casperinoo]

ممكن ياباشا لو مفيهاش تعب ليك تسألي علي اسعار قطع الغيار بتاعت الاتوس الجديده...فوانيس اكصدام طرمبه فلتر...اللي تعرف تجيبه:)
وترجعلنا بسلامه

[liquidator]

حاضر تحت أمرك هحاول أجيب اللي أقدر عليه ....
غيره !!!

[liquidator]

ايه يا جماعه خلاص كده .. أنا خلاص رايح بكره اللهم قد بلغت اللهم فاشهد

[cazanova555]

الباشا بتاعنا سلامي ليك الاول

وعقبال متعمل صيانه 200000 يارب

كنت عاوز بس استفسر في حاجه لو مش فيها تعب عليك

انا ناوي ان شاء الله كمان اسبوعين اجيب فيرنا 2008 فل اوبشن

ممكن تسالي لو في مكان نازله فيه ب abs و airbags
اجيبها منه كمان ياريت لو السعر النهائي بتاعها اليومين دول علشان كل معرض بيحط سعر علي مزاجه

انا عراف اني بتعبك بس انا اخوك الصغير :)
جزاك الله خير

[fahd_628]

الباشا بتاعنا سلامي ليك الاول

وعقبال متعمل صيانه 200000 يارب

كنت عاوز بس استفسر في حاجه لو مش فيها تعب عليك

انا ناوي ان شاء الله كمان اسبوعين اجيب فيرنا 2008 فل اوبشن

ممكن تسالي لو في مكان نازله فيه ب abs و airbags
اجيبها منه كمان ياريت لو السعر النهائي بتاعها اليومين دول علشان كل معرض بيحط سعر علي مزاجه

انا عراف اني بتعبك بس انا اخوك الصغير :)
جزاك الله خير

للأسف يا باشا مفيش فيرنا ب ABS و Airbags جديدة و معتقدش انك ممكن تلاقى غير حاجة مستعملة فى الخارج و دة لأن العربية اصلا اسمها هيونداى اكسنت و دية اخر موديل ليها كان 2005 و لكن غبور اخد خط انتاجها و بيجمعها بمواصفاتة الخاصة و للأسف مش حتلاقى ب ABS ولا ايرباجز


اخى liquidator بجد مش عارف اشكرك ازاى على تعبك شكرا ليك بجد