محتار فى مساعدين لسيارتى (النترا 2005)

[TOOLA]

الأخوة الافاضل,

دلوقتى مساعدين سيارتى "النترا 2005" جابت اخرها, و لابد من التغيير و ديه المشكلة, لأنى سألت على المونرو لقيتهم منزلوش مساعدين للموديل ده فى مصر (طبعا البه غبور هو توكيل هيونداى و توكيل مونرو فى نفس الوقت فبيأمن شغلو و منزلش للموديل ده أو البعدو مساعدين مونرو), المهم سألت على المساعدين الأصلى فى غبور لقيت المساعد ب 500, يعنى 2000 ج عشان أغير الاربعة و بصراحة استغلتهم, طيب سألت فى نافع دمشق قالى 1300 ج الأربعة الأصلى بس بينى و بينكم مبثقش فى حاجات نافع انها أصلى, و أخيرا فكرت فى ال kyb لكن كان ليا تجربة مش لطيفة معاهم لانى اشتريت 4 مساعدين لعربيتى الكيا سبكترا القديمة الجوز القدام تعبوا بسرعة, و كان فيه أخ من قسم نسيان كان بيستفسر عن ال kyb من سنتين و اشتراهم بالفعل, و راسلته على الخاص اليوم نصحنى بردو بلاش ال kyb, قالى انو اشتراهم مرتين المرة الأولى قعدوا سنة و المرة الثانية قعدوا 9 شهور.

طيب انا باه مصدعكم و عاوز ايه, استفساراتى تتلخص فى وجود نوع محترم من المساعدين المتجربة (معرفشى فيه بيلشتاين للانترا ولا لأ ) و يكون ال 4 مساعدين فى حدود 1500 ج (أعتقد الكونى هيكونوا أغلى, صح؟؟), أو على الأقل محل ثقة يكون بيبيع الاصلى فعلن و بسعر مناسب.

فى انتظار ارائكم و مشورتكم و شكرا

[TOOLA]

محدش غير مساعدين قبل كده يا رجالة ولا ايه

[mshmshm3]

بص الكوني والمونرو افضل انواع اسأل عن الكوني بكام وحاول تعرف مميزات وعيوب للكوني والمونرو وماتستخسرش حاجة في عربيتك وهات حاجة تعيش معاك وحاجة كويسة

[حماده المصري]

انا معاك نافع مش ثقه اوي مع اني بحس انه صريح

بس الي اثق فيه هو المحل الي لازق في فرع التوكيل لقطع الغيار الي في دمشق الي قبل نافع

المحل اسمه عاصم تقريبا هو لازق في محل قطع غيار التوكيل عنده الاصلي ب 1200 وانا بثق فيه وبجيب منه كل الاصلي بنص سعر التوكيل ولما سالته قالي انه بيتعمله خصومات جامده عشان بيتشري بكميات

واتصلت ب توكيل غبور قبل كده وطلعه عارفينه ولما سالت ليه بيبيع قطع غيارهم بارخص منهم بكتير ردوا بنفس الكلام

[TOOLA]

انا معاك نافع مش ثقه اوي مع اني بحس انه صريح

بس الي اثق فيه هو المحل الي لازق في فرع التوكيل لقطع الغيار الي في دمشق الي قبل نافع

المحل اسمه عاصم تقريبا هو لازق في محل قطع غيار التوكيل عنده الاصلي ب 1200 وانا بثق فيه وبجيب منه كل الاصلي بنص سعر التوكيل ولما سالته قالي انه بيتعمله خصومات جامده عشان بيتشري بكميات

واتصلت ب توكيل غبور قبل كده وطلعه عارفينه ولما سالت ليه بيبيع قطع غيارهم بارخص منهم بكتير ردوا بنفس الكلام

الف شكر يا باشا لرد و للأسف انا انبارح من صباحية ربنا كنت بره بشترى و أغير المساعدين, و ربنا وفقنى الحمد لله جبت مساعدين kyp أمامى, و بتوع السيراتو ال 2005 اصلى من الجندى و ده راجل كنت بتعامل معاه من ايام عربيتى الكيا و بثق فيه جدا (للعلم المساعدين الخلفى للالنترا 2005 و السيراتو 2005 و الماتريكس كلهم واحد), يعنى و لغاية دلوقتى النتيجة مرضية الحمد لله فاضل بس أجرب العربية على سرعات عشان أحكم, و خير ان شاء الله.

و أخيرا الراجل ده فعلن الناس شكرت فيه و رحتله بالفعل انبارح و لقيت الأربع مساعدين الأصلى ب 1500 من غير الفصال لسه, و أنا عندى النية أتعامل معاه بعد كده ان شاء الله, و شكرا مرة أخرى.

[M.Mostafa80]

الف شكر يا باشا لرد و للأسف انا انبارح من صباحية ربنا كنت بره بشترى و أغير المساعدين, و ربنا وفقنى الحمد لله جبت مساعدين kyp أمامى, و بتوع السيراتو ال 2005 اصلى من الجندى و ده راجل كنت بتعامل معاه من ايام عربيتى الكيا و بثق فيه جدا (للعلم المساعدين الخلفى للالنترا 2005 و السيراتو 2005 و الماتريكس كلهم واحد), يعنى و لغاية دلوقتى النتيجة مرضية الحمد لله فاضل بس أجرب العربية على سرعات عشان أحكم, و خير ان شاء الله.

و أخيرا الراجل ده فعلن الناس شكرت فيه و رحتله بالفعل انبارح و لقيت الأربع مساعدين الأصلى ب 1500 من غير الفصال لسه, و أنا عندى النية أتعامل معاه بعد كده ان شاء الله, و شكرا مرة أخرى.

مبروك ياباشا وربنا يحفظهملك ويعمرو ان شاء الله مستنى تقريرك