اشتريت النترا 2008 ولمبه الايرباج شغاله .. اعمل ايه ؟؟

[hossamsmsm]

اشتريت النترا 2008 خليجى من حوالى اسبوع فيها مشكله فى لمبه الايرباج والشبورة

اولا لمبه الايرباج علطول شغاله مش بتطفى خالص الا لما ببطل العربيه .. مع العلم ان العربيه متركبلها فرش جلد وارضيه جلد وطبعا كرسى السواق كان مفكوك
ثانيا لمبه نور الشبورة مش بتنور فى التابلوة لما بولع نور الشبورة

ياترى ايه السبب واعمل ايه ؟؟؟

وروحت لكذا ميكانيكى وصل العربيه بالكمبيوتر بس مقرأش غير الماكينه مش بيقرأ الكهرباء بتاعه العربيه

اروح فين وانا من طنطا علشان احل الموضوع ده وياترى ده السكوت عليه غلط او خطر على العربيه ؟؟

[hossamsmsm]

ايه ياجماعه للدرجه ديه الموضوع صعب اوى كده

انا شايف انى ارمى العربيه عالزباله احسن

[engaass]

هو لمبة الايرباج لو لوحدها يبقى ممكن يكون السينسور بتاعها فيه مشكلة لكن طالما نور الشبورة كمان فغالبا هتلاقى حاجه مهزوزة

[Hacker5]

العربية مخبوطة من قدام ؟

[osama_ruan]

كدة ممكن يكون الاريباج فاتح قبل كدة واللة اعلم بص حضرتك عليها كويس من الصدر بتاعها

[hossamsmsm]

هو لمبة الايرباج لو لوحدها يبقى ممكن يكون السينسور بتاعها فيه مشكلة لكن طالما نور الشبورة كمان فغالبا هتلاقى حاجه مهزوزة

ممكن برضه ياباشا الله اعلم

العربية مخبوطة من قدام ؟

كدة ممكن يكون الاريباج فاتح قبل كدة والله اعلم بص حضرتك عليها كويس من الصدر بتاعها

لا ياجماعه والله ده العربيه فابريكه بالكامل مفيهاش قلم بويه بس كل ما فيها ان اتركبلها فرش جلد وارضيه جلد لسه جديد كرسى السواق كان مفكوك هو ده كل ما فى الامر

[fahd_628]

افصل البطارية كدة 10 دقائق و بعدين وصلها تانى بس خلى بالك من كود الكاسيت لو العربية فيها كود للكاسيت

و جرب كدة

لو مطفتش برضة روح التوكيل

[hossamsmsm]

افصل البطارية كدة 10 دقائق و بعدين وصلها تانى بس خلى بالك من كود الكاسيت لو العربية فيها كود للكاسيت

و جرب كدة

لو مطفتش برضة روح التوكيل

طيب معلش ياباشا هو ايه كود الكاسيت واعرف منين اذا كان فى كود او لا ؟؟؟

[adham_ibrahim]

بص يا باشا الموضوع دة كان حصل عندي في الكوبية بعد تغير البطرية و فضل منور لحد ماعاديت علي التوكيل و انا واقف عمالها و قالي ساعات بتعمل error code لما البطارية تتغير و ممكن لما ركب الفرش الجلد فك الموديول بتاع الايرباج و مركبوش كويس بس ماتلعبش فية لازم تروح التوكيل عشان ميضربش تاني حاجة موضوع انك تعميل reset للعربية مع فك البطارية مش هيشيلو عشان هو موجود في الecu علي انو error code

[Hacker5]

افضل حل انك تروح التوكيل و هما يتصرفوا اصل الموضوع دة حساس جدا
ممكن يكون الكابل بتاعها اللى ورا الدركسيون مقطوع او نشف

[hossamsmsm]

بص يا باشا الموضوع دة كان حصل عندي في الكوبية بعد تغير البطرية و فضل منور لحد ماعاديت علي التوكيل و انا واقف عمالها و قالي ساعات بتعمل error code لما البطارية تتغير و ممكن لما ركب الفرش الجلد فك الموديول بتاع الايرباج و مركبوش كويس بس ماتلعبش فية لازم تروح التوكيل عشان ميضربش تاني حاجة موضوع انك تعميل reset للعربية مع فك البطارية مش هيشيلو عشان هو موجود في الecu علي انو error code

الف شكر لاهتمامك ياباشا .. متفتكرش الموضوع ده اتكلف كام فى التوكيل ؟؟؟

افضل حل انك تروح التوكيل و هما يتصرفوا اصل الموضوع دة حساس جدا
ممكن يكون الكابل بتاعها اللى ورا الدركسيون مقطوع او نشف

يا نهار ابيض كل ده ربنا يستر والموضوع ميتكلفش

[AHMEDCAR]

هتلاقى الفيشه اللى تحت كرسى السواق مفصوله

[hossamsmsm]

هتلاقى الفيشه اللى تحت كرسى السواق مفصوله

بصراحه مش عارف هشوف كده وربنا يسهل وتكون هى

[adham_ibrahim]

[QUOTE=hossamsmsm;3873404936]الف شكر لاهتمامك ياباشا .. متفتكرش الموضوع ده اتكلف كام فى التوكيل ؟؟؟


و اللة مدير الصيانة ساعتها في غبور الصحراوي عمالو و انا واقف معا ماخدش دقيقة خالص و قالي الموضوع مش مستاهل تدخل و لا تدفع حاجة اصلا