If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
بشمهندس هاني
عندي مشكلة في فيرنا 2008 عاملة 60000 كيلو الكاوتش عامل 25000 كيلو و حالتو كويسة
في حدفة شمال و تم عمل ضبط زوايا اكتر من مرة اخرها في ابو رواش و الحدفة ما رحتش
مع العلم اني غيرت مكان الكاوتشات كزا مرة و مفيش فايدة
و الحدفة دي قديمة جدا معايا يمكن من 20000
و مفيش حل في التوكيل
و لك جزيل الشكر
السلام عليكم
قمت بشراء البوجيهات الايريديوم ngk بسعر 250 جنيه من التوكيل وتم تجربته وتقريره كالتالى علما بان عربيتى عامله 48 الف كيلو
اولا بالنسبه لسحب العربيه
العربيه سحبها زاد بنسبة لا تقل عن 20 % وبالذات وانا مشغل التكييف كان بتبقى سحبها ضعيف شويه وبتاخد وقت عشان تتسارع وانا مشغل التكييف
ثانيا بالنسبه لصوت الماتور ونعومته
نعومة الماتور زادت بنسبه لا تقل عن 50 % وبقى مستجيب جدا وصوت الماتور واطى جدا لانه كان بيبقى عالى قوى بعد ال 3 rpm دلوقتى بقى هادى وبيحفزك على اللتسارع والعربيه وانت واقف ومودرها متحسش انها دايره خالص وكانها مطفيه عالمه زى ما العربيه لما كنت لسه شاريها وزيرو
ثالثا استهلاك البنزين
جارى تجربته
خلاص الكلام ان العربيه بعد ما ركبتلها البوجيهات الايريديوم حسيت انها بقت زيرو زى ما كنت شاريها وحاسس انها بقت ناعمة قوى قوى
الف مبروك على التعديل الجميل والمشاركة الرائعة اللى كتير منا هنستفيد منها.
سوألى لحضرتك:
ركبتهم فين وكلفوك كام ؟وارقام البوجيهات ايه ولا لما اشترى بامر الله اطلب لنيو اكسنت 2010 ؟
مشكور على المساعدة الرائعة.
[marq="3;right;3;scroll"]لا حول ولا قوة الا بالله العلى العظيم
[/marq]
السلام عليكم يا باشمهندس هاني
كل سنه وحضرتك بخير
انا بسمع كتير عن حضرتك من الاعضاء هنا في المنتدى وده السبب الي هيخليني اروح اعمل صيانة ال60 ألف في فرع قليوب ان شاء الله.
هستأذن حضرتك عندي استفسارين
- انا كنت مغير التيل من اكتر من 10 الاف كيلو ولسه بسمع صوت صفاره مع الفرامل. وده مش صوت تراب عشان بغسل العربيه في البنزينه كل مره. هل ممكن يكون مش راكب كويس ؟ مع العلم اني مركب Genuine part
- عاوز اعرف تكلفة صيانة ال60 ألف عشان سمعت انها مكلفه وعاوز اعمل حسابي في الفلوس. وايه الي بيتغير فيها بعد اذن حضرتك
باشمهندس هاني، عندي سؤالين لو تسمح بخصوص الصيانة (نيو اكسنت):-
1. جدول الصيانة بيقوا ان تغيير فلتر البنزين بيكون مع صيانة 40000 كم، في حين ان بعض الاعضاء الكرام ذكروا ان التوكيل بيغيره عند صيانة 20000.......فما هو الادق من فضلك؟
2. فيه بعض الحاجات موجودة في جدول الصيانة تتعلق بالكاوتش: فحص وضبط ضغط الهواء، تبديل مواضع الاطارات.......هل الحاجات دي بتتم فعلا؟ ولا أنا لازم اطلب انها تتعمل؟
باشمهندس هاني، عندي سؤالين لو تسمح بخصوص الصيانة (نيو اكسنت):-
1. جدول الصيانة بيقوا ان تغيير فلتر البنزين بيكون مع صيانة 40000 كم، في حين ان بعض الاعضاء الكرام ذكروا ان التوكيل بيغيره عند صيانة 20000.......فما هو الادق من فضلك؟
2. فيه بعض الحاجات موجودة في جدول الصيانة تتعلق بالكاوتش: فحص وضبط ضغط الهواء، تبديل مواضع الاطارات.......هل الحاجات دي بتتم فعلا؟ ولا أنا لازم اطلب انها تتعمل؟
وشكرا للمساعدة
تغير فلتر البنزين فى مصر كل 20 الف نظرا لنظافه بنزين مصر
طبعا اقصد العكس
لو سمحت يا بشمهندس هاني كنت عاوز اعرف ايه الي بيتم في صيانه ال 5000 في الالنترا الشكل الجديد و كمان الزيت الي حطوه في التوكيل في صيانه الالف كام الف كيلو
وامتي العربيه تخرج من الضمان ( يعني بعد كام صيانه بره التوكيل )
وشكرا ليك
بشمهندس هاني
عندي مشكلة في فيرنا 2008 عاملة 60000 كيلو الكاوتش عامل 25000 كيلو و حالتو كويسة
في حدفة شمال و تم عمل ضبط زوايا اكتر من مرة اخرها في ابو رواش و الحدفة ما رحتش
مع العلم اني غيرت مكان الكاوتشات كزا مرة و مفيش فايدة
و الحدفة دي قديمة جدا معايا يمكن من 20000
و مفيش حل في التوكيل
و لك جزيل الشكر
الاخ الكريم
تاكد من اجزاء العفشه التي ممكن تتسبب في عمل حدفه في الزوايا مثل الفنطره و هل مخبوطه ام لا المقصات لازم كشف علي العفشه و قبل كل ده الكاوتش
انا حصلي حاجة غريبة جدا لاول مرة انا معايا ماتريكس 2006 كنت مسافر ع الزراعي وومشغل التكييف وعند مدخل الدائري حبيت اهدي فالعربية بطلت جيت ادورها تاني مادرتش خالص بس للعلم انا دورتها والتكييف شغال قعدت بتاع نص ساعة وبعدين دارت زق ياريت حد يفيدني من اصحاب الخبرة المكانيكي قالي الموتور ممكن يكون خفيف ومالمش نفسه بسرعة هوة عامل 83 الف وكمان في نشع زيت خفيف مكان مداخل التكييف وطبة الزيت وكمان ممكن تكون سخنت قوي ولماتكون سخنة متدورش لكن الامبير بتاع الحرارة ماعليش قوي والكهربائي قالي تعالي اقيس الدينامو والبطارية الحقيقة انا خايف اروح لحد يلعب فيها تنصخني اروح لميكانيكي كويس ولا اروح بيها ع التوكيل
سؤال :
بعد تغيير الزيت شيل الترا و الفلتر ووضع كل العبوه 4 لتر
هل يوجد ضرر من ارتفاع مستوى قياس الزيت حوالى نص سنتيمتر عن علامة f ؟
نصيحة روح نزل الزيادة انا حصل معايا موضوع شبه ده و لقيت المكنة ريحتها زيت بس الحمد لله ما فيش مشاكل و نزلت الزيت الزيادة و خطورة الموضوع ده ان الزيت ممكن يدخل غرفة الاحتراق و يتحرق بسبب الضغط الكبير على المكنة و يحصل تسريب للزيت الى البوجيهات
Comment