تفتكروا السبب يكون ايه ؟

[top_10group]

معايا النترا 2009 بسمع صوت طقطقة فى الجنب اليمين من ناحية القايم اليمين (الصوت دة عامل زى الترييح للبلاستيك ) والصوت دة بيبقى مع المطبات او حركة العربية مع بدء الحركة او التهدئة ومع ارتفاع وانخفاض الطريق المستوى.
المهم انا شكيت انه يكون من القايم ففكيت باكتته القايم اللى عليها حزام الامان وملقتش حاجة جوة ممكن تعمل الصوت. فالاحتمال الاكيد دلوقت انه يكون من الباب بس ايه اللى فى الباب ممكن يعمل كدة
ارجو الافادة وشكرا

[ashussein]

معايا النترا 2009 بسمع صوت طقطقة فى الجنب اليمين من ناحية القايم اليمين (الصوت دة عامل زى الترييح للبلاستيك ) والصوت دة بيبقى مع المطبات او حركة العربية مع بدء الحركة او التهدئة ومع ارتفاع وانخفاض الطريق المستوى.
المهم انا شكيت انه يكون من القايم ففكيت باكتته القايم اللى عليها حزام الامان وملقتش حاجة جوة ممكن تعمل الصوت. فالاحتمال الاكيد دلوقت انه يكون من الباب بس ايه اللى فى الباب ممكن يعمل كدة
ارجو الافادة وشكرا

سيدي الفاضل
انا عندي نفس المشكلة وطلع (( مسمار سنتريك زوايا خلفي )) بيتشال بالكامل ويتغير بالصامولة بتعتة
غيرتة ( ب 10 جنية )
وانا متأكد لان نفس وصفك ده كان عندي وبالامارة الصوت بيروح لما تجري بالعربة وبيبان عند المطبات
الصغيرة ةالصوت ده زي ( تكتكة حديد ) مش تكتكة بلاستك
جرب الاول تربط عفشة عادي عند البنزينة وخلي الراجل يبصلك علي المسمار

اتمني اكون افدتك

[mshmshm3]

المسمار ده في العفشة ؟؟؟ وفايدته ايه وايه الفرق بين اللي ركبته جديد والقديم ؟؟؟ انا هاتجنن من الصوت ده

[top_10group]

متشكر لاهتمام حضرتك

بس الصوت انا سامعه من جوة العربية يعنى جمب ودنى وهتجنن مش عارف اجيبه ابن ال ...............

[fawzyyyy]

نفس الكلام عندي في الفيرنا و بيبان عندي بوضوح في المطبات.....يا ريت حد يشرحلنا اكتر عن مكان المسمار ده

[mshmshm3]

متشكر لاهتمام حضرتك

بس الصوت انا سامعه من جوة العربية يعنى جمب ودنى وهتجنن مش عارف اجيبه ابن ال ...............

ان بقول كدة بردو بس خلي بال حضرتك من حاجة لو حضرتك ماشي في حته فيها زلط صغير وماشي بسرعة 20 او 30 مش بتسمع صوت الزلط بيخبط في كارتيرة العجل تحس ان الصوت جي من جوة العربية وده لان العربية معظمها معادن مربوطة في بعضها وبذلك عملية نقل الصوت هاتكون واضحة لدرجة انك هاتحس ان الصوت من جوة انا عملت كل حاجة ممكن يكون ليها علاقة بالصوت من جوة الصالون زيت مجري الكراسي وربط فرش الابواب وزيت مفصلات الابواب ولزقت فيبر القوايم بالسيلكون وبردو الصوت موجود وبيظهر علي السرعة البطيئة وقولت خلاص دي مشكلة في التقفيل المصري لكن تطلع الالنترا كدة كمان !!!!!!!!!!

[ashussein]

نفس الكلام عندي في الفيرنا و بيبان عندي بوضوح في المطبات.....يا ريت حد يشرحلنا اكتر عن مكان المسمار ده

دة المسمار طولة تقريبا 10 سم وهوا الي ماسك الزوايا الخلفية ( بدرجات ) وممكن تشوفة بعينك من خلف السيارة
اتمني اكون افدتك
علي فكرة ( انا جبتة استيراد ) لان part number مش موجود ومش هاتلاقية بيتباع لوحدة
ولو عاوزني معاك انا في الخدمة
عاصم

[ashussein]

[top_10group]

يا فندم انا عاجز عن الشكر
انا هروح انشاءالله الصيانة اليومين دول وهربط العفشة وعايز كمان ارش الاسبراى اللى بيقولو عليه دة للعفشة مش عارف بقى دة فعلا ليه نتيجة ولا لا. وهقولك النتيجة

[fawzyyyy]

دة المسمار طولة تقريبا 10 سم وهوا الي ماسك الزوايا الخلفية ( بدرجات ) وممكن تشوفة بعينك من خلف السيارة
اتمني اكون افدتك
علي فكرة ( انا جبتة استيراد ) لان part number مش موجود ومش هاتلاقية بيتباع لوحدة
ولو عاوزني معاك انا في الخدمة
عاصم

ده كدة تمام اوي يا فندم والله........ألف ألف شكر يا كبيرنا

[mahmoud_afifi]

انا عندي نفس المشكله يا جماعه بس ظهر بعد ما العربيه اتخبطت :(
العربيه دخلت في الرصيف, ممكن يكون ده السبب ؟
لازم يتغير المسمار ده ولا ممكن يتربط بس ؟

[jos]

واضح انها حاله عااااااااااامة ههههههههههه فكرتنى بفيلم النوم فى العسل انا كان عندى نفس الصوت ونفس الوصف بالظبط بس ناحيه الشمال وكان مجننى وسالت عنه فى المنتدى هنا وموصلتش لنتيجه تشفى غليلى بس لاحظت ان كل الفرناويه عندهم اصوات فقلت ده من ضمن كماليات السياره وسكتت بس برده فى الالنترا!!! المفروض انها فئه تانيه خالص هو غبور ده غاوى موسيقى؟؟؟ على العموم الصوت ده راح لما غسلت العربيه فى بنزيينه ونبهت على اللى بيغسل يركز على العفشه وفعلا الصوت راح فالحل هو غسله محترمه للعجل والمقصات

[ashussein]

انا عندي نفس المشكله يا جماعه بس ظهر بعد ما العربيه اتخبطت :(
العربيه دخلت في الرصيف, ممكن يكون ده السبب ؟
لازم يتغير المسمار ده ولا ممكن يتربط بس ؟

خلي الراجل يكشف عليهم الاول
يمين وشمال ( مسمارين )
ولو واحد مهوي شوية يتفك ( وشوف البرمة بتاعت الصامولة بتاعتة لو سليمة ركبة تاني ولو لا ...غيرة استيراد )
تمنة مش غالي ( في حدود من 3 الي 10 جنية )
بس لو لاقيتة !!!:b4_611:
وشكرا

[mahmoud_afifi]

خلي الراجل يكشف عليهم الاول
يمين وشمال ( مسمارين )
ولو واحد مهوي شوية يتفك ( وشوف البرمة بتاعت الصامولة بتاعتة لو سليمة ركبة تاني ولو لا ...غيرة استيراد )
تمنة مش غالي ( في حدود من 3 الي 10 جنية )
بس لو لاقيتة !!!:b4_611:
وشكرا

ربنا يطمنك بالخير
متشكر جدا :)

[top_10group]

انا روحت غسلت العربية انهاردة وغسلت شاسيه وعفشة والصوت اختفى بنسبة 90% الحمدلله
وانشاء الله هروح اربط العفشة ويا رب الصوت يروح خالص