خشونة في دواسة الدبرياج للنيو اكسنت

[sss2000]

من كام يوم كدة لاحظت ان في زنة في دواسة الدبرياج وانا ماشي بالعربية ولما امور والعربية ماشية تروح الزنة اعشق الاقي
الزنة رجعت رحت التوكيل الي في ابو غالي عند المهندس حاتم وهو علي فكرة انسان زوق جدا وطلع معايا جرب العربية
وقالي فعلا في خشونة بسيطة في دواسة الدبرياج بس مش ماثر علي العربية ولو روحتلهم في ابو رواش مش هيعملو حاجة
وهيقولولك انها مفيهاش حاجة اية رايكم يا اهل الخبرة والخشونة دي ممكن تكون سببها اية

[sss2000]

اية يا جماعة محدش رد عليا لية فين المساعدات الحلوة بتاعتكم

[samirsaid1]

زنة ولا ونة

ممكن تكون ونة بتاعة تروس الفتيس

الزيت عند حضرتك مضبوط

ومنتظرين الردود

[HOSSAM99]

السلام عليكم
لو الخشونه في الحركه رايح جاي حاول تزيت مفصل الدواسه و السلك لكن خليهم في الصيانه يعملوه
أبقي طمنا
و بالتوفيق إن شاء الله

[sss2000]

يا جماعة الزنة دي وانا ماشي بسرعة لما اريح رجلي علي الدواسة والعربية ماشية احس بيها واما امور العربية وهيا ماشية تروح الزنة لما اعشق تظهر تاني

[Ashraf_Ibrahim]

انا رأيي ان دي مهم انها تتعمل
لأنها مش شكوى عامة من العربية دي شكوى خاصة
ومن حقك كعميل انها تتعمل
روح ابو رواش ولو محلوهاش قدم شكوى وهيكلموك ويعملوهالك
غبور بيخاف على اسمه على فكرة

[sss2000]

علي فكرة انا رحت توكيل ابو غالي وقالي انها خشونة عادية ومش ماثرة ولو رحت غبور مش هايعملولك حاجة لان حتي لو الاسطوانة او طقم الدبرياج فية حاجة فهو خارج الضمان

[M.Elhamy]

للأسف بليه دبرياج

[sss2000]

طب لو بلية دبرياج تتغير لوحدها والا لازم الطقم كلة

[samirsaid1]

طب لو بلية دبرياج تتغير لوحدها والا لازم الطقم كلة

أنا كنت مغير طقم كامل لان البلية كانت بايظة فقلت بالمرة واتكلفت 1226 جنية

انا قلت أغلى من الصنايعية اللى برة بس اضمن ويبقوا عارفين هما بيفكو إية

وربنا معاك

[sss2000]

بس حرام والله العربية عاملة 20000كم بس يبقي ازاي دا يحصل قريب كدة