سوال فنى و ياريت الاجابة للى عارف لو سمحتم

[aymanshebl]

بسم الله الرحمن الرحيم

انا جبت منفاخ للعجل كهربى بمقياس و القدرة الكهربية له 12 فولت و 12 امبير و يوصل بمخرج الطاقة بتاع العربية و اكتشفت بعد رجوعى للبيت ان مخرج الطاقة للسيارة 12 فولت و يوصى طبقا للكتالوج بتاع العربية باقل من 10 امبير فهل فى اى مشكلة من استخدامه علما بانى قمت بتشغيل تجريبى له و العربية دايرة و لم يحدث شى فارجو الافادة للذى يعرف فقط و شكرا لكم
و السلام عليكم و رحمة الله و بركاته

[ashussein]

سيدي الفاضل

لازم ترفع العربية الاول من ناحية العجلة المهوية ( بدون ما تفكها )
وبعد كده تبتدي تستخدمة ( اللي اعرفة انه مافيهوش ضرر والعربية شغالة(الموتور داير ) علشان مش بيحمل علي البطارية اصلا يعني فية شحن دائمن للبطارية عن طريق الدينامو )
ويجب عدم استخدامة تماما والسيارة لا تعمل ( مطفية بيكون تحميلك الكلي علي البطارية ودة مش كويس - لو طولت شوية البطارية ها تنام وعزم المنفاخ مش ها يبقي كويس يعني ها تقف من ناحيتين البطارية والكاوتش ... فا ماتحملش علي البطارية خالص بمنفاخ ولا غيرة .. ))

ملحوظه هامة
المنفاخ فقط لتوصيلك لاقرب مكان للكشف علي فردة الكاوتش ... يعني لا يعتمد علية في مقاس الهوا المناسب لمقاس كاوتشك

ارجوا ان اكون افدتك ( ده من حكم تجربتي الشخصية بإستخدام منفاخ السيارة )

[bio_mz]

متابع بإهتمام
و معلش إنت جبته بكام ؟؟ و منين ؟؟
و مخرج العربيه اللى هوه مكان الولاعه ؟؟

[aymanshebl]

متابع بإهتمام
و معلش إنت جبته بكام ؟؟ و منين ؟؟
و مخرج العربيه اللى هوه مكان الولاعه ؟؟

انا جبته من شارع دمشق اللى فى مصر الجديدة ب 200 جنيه من محل اسمه تو برازر , مخرج العربية اللى هو لتركيب اى جهاز كهربى و هو ليس مكان الولاعة بتاعت العربية ده حاجة و ده حاجة.