منتدي هيونداي ام منتدي غبور

[Ahmed Anwer]

أولآ ،،

أنا غير مهتم بدايهاتسو و لا وكيلها حاليا ،،

دي مش مشكلتي ،،

لأني مش مالك لديهاتسو ،،

فبالتالي الموضوع ما يخصنيش ،،

و يا ريت المعني يوصل

و يوم ماهافكر في ديهاتسو عشان بحترمها

مش هأسأل في المنتديات ،،

لأني عرفت كمية الكذب الي فيها

و انا مش من النوع اللي عشان كنت باختار من كام عربية

و ربنا كرمني و اخترت واحدة منهم لأني شايفها الأفضل

تبقي بقية العربيات زبالة ،،

أنا دماغي اكبر من كده بكتير

ثانيا ،

لو تلاحظ في أي موضوع فيه مشكلة خاصة بأي عربية من أي نوع

لو رديت بيكون ردي في حدود المواساة و تمني الحل و الأمل في الله

لصاحب المشكلة ،،

لأني اعتقد ان حتي لو اني مقتنع ان العربية الفلانية و توكيلها زبالة ،،

مش من اللائق ومش من اداب الإسلام

اني اخش اقطم صاحب العربية و اقلبله الوجع مواجع

عشان اثبت شوية معتقدات في دماغي ،،

يعني الراجل لو صادق فهو مش ناقص اساسا ،،

كفاية اللي فيه


ثالثا

لما بتكلم عن حاجة بأقول ده رأي الشخصي أو أعتقد أو أنا شايف ،،،،،،

مبعملش فيها خبير السيارات

رابعا ،،

لو واحد بس قال الديهاتسو فيها مشكلة

ده تبقي حاجة مستحقة النظر ،، لأنها عربيات مجهولة في مصر ،،

لكن لو الف قالوا عندنا مشكلة في الفيرنا ،،

يبقي مفيش مشكلة لأن البلد فيها خمسين الف فيرنا ،،

و سهل اني أسأل جار أو قريب ،،

اخر حاجة بقه ،

حديث عن الرسول عليه الصلاة و السلام

((وهل يكب الناس في النار على وجوههم أو قال: على مناخرهم، إلا حصائد ألسنتهم)

بس ،،

ربنا كرمنا بقه عندنا جهاز كمبيوتر ،، و امكانية دخول علي الإنترنت ،،

فبس اطالب بان الناس متقولش اي كلام و خلاص بدون دلائل و تجارب شخصية


و الأنقح انه لمجرد اثبات حاجة معينة في ادمغتهم

[Hossam.Hamdy]

الأخ حسام حمدي ،،،

انتا عارف تعمل ايه ،،

و لو عايزيني اساعدك انا مستعد ،،

بس بشرط تكون المشكلة حقيقية ،،

عشان قبل كده جربت اساعد ناس و للأسف طلعوا كذابين
ا

قولى اعمل ايه و انا اعمله و ياريت تساعدنى....انا الفتيس عندى فيه عضه فى الاول و الثانى و احيانا الثانى ميجيش و اشيل رجلى و ادوس تانى دبرياج و احرك الفتيس اكثر من مره عشان يجى...
المشكله ده أ.عاطف عارفها و المهندس مجدى و ياسر مناع و المدير بتاعهم المهندس هانى مصطفى كل دول فى ابو رواش عارفين الفيلم ده عشان كنت كل شويه هناك....و بقالى فتره عايز اروح بس مش عارف عشان عندى اصابه فىرجلى و مينفعش اسوق كثير

[Ahmed Anwer]

هارد عليك علي الخاص ،،

[3mr Farrag]

الفكره ان في بعض الناس هنا بالمنتدي مقتنعه بأن لما جاب عربيه و مافيهاش مشاكل يبقي التوكيل بتاعها تمام
و ان عربيته دي عسل.....
اللي عايز اوصله للناس ان مش معني فيه توكيل تجميعه مش قد كده....
يبقي لازم يطلع كل العربيات تجميعها وحش....
لأ ممكن واحد يشتري نفس العربيه و تكون تمام و ممكن واحد تاني تطلع معاه مقلب
اعتبرها بطيخه ...لتطلع بطيخه حلوه و طعمها حلو ...لتطلع ارعا و عايزه تترمي في الزباله
بس الناس هنا مش مقتنعه بالكلام ده....
يعني اولا المفروض اللي يجيب عربيه جديده مايشوفش التوكيل غير ايام الصيانه بس
مش كل شويه يلاقي حاجه تبوظ و عمال رايح جاي علي التوكيل....
و بعدين نقول بس عربيه تمام
طيب دي لسه جديده...امال بعد 5 سنين هتبقي عامله ازاي
و انا كلامي مش علي هيونداي بس....
كلامي علي جميع التوكيلات اللي تجمعها مش تمام
بس هيونداي صحيح من اسوء التوكيلات....
ايه فايده ان الناس تقول عليه وحش و هو العكس...
الناس مش قاعده فاضيه تشتم فيه علي الفاضي...
انما دا واقع تجارب ناس..

[Hossam.Hamdy]

رابعا ،،

لو واحد بس قال الديهاتسو فيها مشكلة

ده تبقي حاجة مستحقة النظر ،، لأنها عربيات مجهولة في مصر ،،

م

انا فى واحد جارى جاب السيريون اوتوماتيك جديده زيرو و يوم ما جابها و رخصها الفتيس باظ و العربيه اترمت فى التوكيل مش عارفيين يصلحوها فتره كبيره

انا ملاحظ فعلا ان فى ناس بتحب تشتم فى التوكيل دون سبب وممكن يكونو مش من مالكى هيونداى و حابيين يثبته انه توكيل مش كويس....ليه معرفش

[Ahmed Anwer]

الفكره ان في بعض الناس هنا بالمنتدي مقتنعه بأن لما جاب عربيه و مافيهاش مشاكل يبقي التوكيل بتاعها تمام
و ان عربيته دي عسل.....
اللي عايز اوصله للناس ان مش معني فيه توكيل تجميعه مش قد كده....
يبقي لازم يطلع كل العربيات تجميعها وحش....
لأ ممكن واحد يشتري نفس العربيه و تكون تمام و ممكن واحد تاني تطلع معاه مقلب
اعتبرها بطيخه ...لتطلع بطيخه حلوه و طعمها حلو ...لتطلع ارعا و عايزه تترمي في الزباله
بس الناس هنا مش مقتنعه بالكلام ده....
يعني اولا المفروض اللي يجيب عربيه جديده مايشوفش التوكيل غير ايام الصيانه بس
مش كل شويه يلاقي حاجه تبوظ و عمال رايح جاي علي التوكيل....
و بعدين نقول بس عربيه تمام
طيب دي لسه جديده...امال بعد 5 سنين هتبقي عامله ازاي
و انا كلامي مش علي هيونداي بس....
كلامي علي جميع التوكيلات اللي تجمعها مش تمام
بس هيونداي صحيح من اسوء التوكيلات....
ايه فايده ان الناس تقول عليه وحش و هو العكس...
الناس مش قاعده فاضيه تشتم فيه علي الفاضي...
انما دا واقع تجارب ناس..

أ / عمرو ،،

أنتا معاك حق ،،

مش معني ان عربتي كويسة يبقي الناس بتشنع ،،

و ده ليه احتمال من تلاته ،،

1- أنا راجل خبرتي و علاقتي بالسيارات قليلة فبالتالي مبشوفش عوبها و انا اللي بفتي

2- الناس بتفتي و خلاص ،

3- المصنع بيطلع عربيات كويسة و انا حظي جه في واحدة و عربيات تانية وحشة الناس جه حظهم فيها ،،

الإحتمال التاني بس هوا اللي يخليني اتخانق و ادافع ،،

و طبعا الإحتمال التاني مقدرش اثبته ،،

فبالتالي مابدافعش ،، بحرارة ،،

لأنها أساسا مش فارقة ،،

[outosend]

ياجماعه انا مش بقالى كتير فى المنتدى بس لاحظت ان المواضيع هنا بتكبر قوى
يعنى الموضوع ابسط من كده وانا بالمناسبه مش متحيز لهيونداى ولا دايهاتسوا انا لسه بفكر اشترى
بس مثلا من زمان وانا اشوف الاكسنت القديمه ماليه الشوارع والناس مش بتشتكى منها حتى كانو بيسلموها فى شركات الادويه للمندوبين والى يومنا هذا لسه فى الشارع وكويسه والفيرنا برده ماليه الشوارع وفيها مشاكل اه بس فيها كويس برده وكله حسب الاستعمال الشخصى
وبرده كل واحد اشترى ماركه هنا حصلت بينه وبين عربيته عشره وتطبع بيها واصبحت فى نظره مافيش غيرها وبيدافع عنها وخلاص
من ردود بعض الاعضاء سواء فى دايهاتسو او هونداى تحس انهم شغالين فى الشركات دى من قوه دفاعهم عن ماركات سياراتهم الموضوع مش اهلى وزمالك ياجماعه
الموضوع تبادل خبرات ياريت نحاول نفصل ده عن ارائنا الشخصيه شويه
عذرا للاطاله

[Karim_Monir]

ممكن بس وانا معدي ارمي كلمتين واقول سلام عليكم
اولا احنا لا قرايب غبور ولا لينا مصلحة في شركتة تخسر تكسب ما يهمناش
وعبد اللطيف جميل ماكنش من بقية عيلتنا برضه عشان ندافع عنة
يبقي احنا هنا بنتكلم عن سياسات بيتبعها كل وكيل بيحافظ بيها على اسم الماركة بتاعتة وسمعتها
عربيات هيونداي وممثلها في مصر بيبيع ثلث حصة العربيات في السوق المصري
يعني لو السوق بياخد 100 الف عربية سنويا بنتكلم في حوالي 30 الف عربية هيونداي والباقي من بقية الانواع في العالم كلة
يبقي كل ما يزيد العدد هاتزيد الشكاوي
خاصة ان نص العدد او اكتر متجمعة في مصر
واحنا عارفين مشاكل التجميع المصري والايدي العاملة المصرية

وما ينفعش اقارن عربية اعتمادية سبيكة الموتور بتاعتها مابتاكلش جرام زيت قبل 250 الف كم زيت تويوتا وشريكتها دايهاتسو
بعربية زي الفيرنا اللي مواتيرها بتعمل مشاكل بعد ال 100 الف كم
وطبعا الاستخدام الجيد في الاتنين هو اللي بيحدد العمر الافتراضي للعربية
والرجل العفية اللي بتقرص كتير بتهلك مواتير اسرع

ولو سمحتم في الاخر المناقشة بتتم على عربية بكرة تيبعوها وتجيبو احسن منها وتتحيزو لوكيلها برضه وتنسو غبور والجميل
ومش هايبقي غير كلمة طيبة قولتوها لبعض وصداقة في الله تدوم العمر ان شاء الله

[outosend]

كلام جميل كريم

[Nile_Storm]

ممكن بس وانا معدي ارمي كلمتين واقول سلام عليكم
اولا احنا لا قرايب غبور ولا لينا مصلحة في شركتة تخسر تكسب ما يهمناش
وعبد اللطيف جميل ماكنش من بقية عيلتنا برضه عشان ندافع عنة
يبقي احنا هنا بنتكلم عن سياسات بيتبعها كل وكيل بيحافظ بيها على اسم الماركة بتاعتة وسمعتها
عربيات هيونداي وممثلها في مصر بيبيع ثلث حصة العربيات في السوق المصري
يعني لو السوق بياخد 100 الف عربية سنويا بنتكلم في حوالي 30 الف عربية هيونداي والباقي من بقية الانواع في العالم كلة
يبقي كل ما يزيد العدد هاتزيد الشكاوي
خاصة ان نص العدد او اكتر متجمعة في مصر
واحنا عارفين مشاكل التجميع المصري والايدي العاملة المصرية

وما ينفعش اقارن عربية اعتمادية سبيكة الموتور بتاعتها مابتاكلش جرام زيت قبل 250 الف كم زيت تويوتا وشريكتها دايهاتسو
بعربية زي الفيرنا اللي مواتيرها بتعمل مشاكل بعد ال 100 الف كم
وطبعا الاستخدام الجيد في الاتنين هو اللي بيحدد العمر الافتراضي للعربية
والرجل العفية اللي بتقرص كتير بتهلك مواتير اسرع

ولو سمحتم في الاخر المناقشة بتتم على عربية بكرة تيبعوها وتجيبو احسن منها وتتحيزو لوكيلها برضه وتنسو غبور والجميل
ومش هايبقي غير كلمة طيبة قولتوها لبعض وصداقة في الله تدوم العمر ان شاء الله

المشكله ياكريم انا بدات الموضوع لهذا السبب
اني اقول للناس بلاش تحيز
لان الناس تتحيز لتوكيل سياراتهم من ناحيه و تتحيز ضد غبور اتوماتيك من ناحيه تانيه
و لهذا تجد منتدي هيوندي ملئ بالحكايات الخياليه و الاشاعات في بعض الاحيان
اللي عاوز اقوله منتدي هيونداي للهيونداي
يعني مينفعش و انا مليش في اسكودا مثلا و اقوم داخل باكونت جديد او حتي الاكونت يتاعي و اقعد الطش فيهم و اقول حصلي و حصلي و حصلي يبقي بشعللها و خلاص

[أبو عبدالله]

أولا انا لن ارد على ما قيل عن دايهاتسو لأني لست هنا بصدد ذلك اني اتكلم عن ماركه معينه ادافع او اهاجم
ولكن المشكلة في التحييز لشئ غلط وواضح جدا
والكلام على كل من خالف هذا التحييز
اللي بيتكلموا عن الديمقراطيه وحرية التعبير
وهما اول ناس مش عاجبهم كلام المخالفين لهم في الرأي
مع ان الدليل موجود ومن راكبي السيارة ولكن هيهات

فبس اطالب بان الناس متقولش اي كلام و خلاص بدون دلائل و تجارب شخصية


و الأنقح انه لمجرد اثبات حاجة معينة في ادمغتهم

أحب ان أطالب حضرتك بعمل ما بتنصح به لنا
حيث انك لم تجرب دايهاتسو على اد علمي
ولكن تحدثت انك تعرف عنها اكاذيب

اما عن كلامي عن غبور وهيونداي
فأنا ليا تجارب مع سياراته
والأمثلة كثيرة
ولا اتكلم وانا اتوهم شئ عنها
وانا عن تجارب حدثت لي ولأقاربي ولمعارفي ولغالب مالكيها في المنتدى الذين لا يعلمون اني لست من معجبيه

ولعلم حضرتك اني كنت بشتري النترا في يوم من الأيام كمان

ولكن علمت المهازل الموجوده في العربيات دي

يعني المسألة ليست تحييز متخلف اعمى
وانما عن دلائل واقعه

واقل دليل اني لما اشتريت عربيتي
متهيألي كان من السهل عليا فيما دفعته في عربيتي ان اشتري النترا وليست فيرنا ولم يمنعني شئ غير معرفتي بنصب هذه الشركه
وعدم احقيتها فيما يدفع فيها
وليس العكس
كان ممكن تتهمني اني بقنع نفسي كما تدعي ودائما تدعي ذلك لو اني اشتريت عربيه أرخص من عربيات هيونداي بتاعت غبور
ومع العلم ايضا اني اقعدت ابحث عن العربيه اكثر من 3 شهور
واتعرض عليا كتير ولأخر لحظه كانت الألنترا الجديده لسه نازله وشكلها شيك وممكن اجرب
ولكن ده لم يجعلني اشتريها واشتريت دايهاتسو وهذا ليس لقرابتي من عبد اللطيف الجميل

ولكن لعلمي وثقتي المتواجده من خبراتي مع الكوري والياباني
ان الياباني ليس بتاع حركات ويصنع شئ ليعيش وليس لتأدية الواجب على اد فلوسك وخلاص



ولو هيا شركه فعلا قادرة على المنافسة كانت ساوت اسعارها بالعربيات المثيلة لها من الياباني وزودت الأوبشن أكتر
ولكن مستحيل ومليون مستحيل


وفي النهاية أحب ان اشكر كل من شارك واقول في النهاية اني لست أعادي من خالفني في الرأي
ولا أعادي من هاجم ماركة سيارة معينه لأني لست بهذا السفه
ولكن كل ما في الأمر اني ادافع عن رؤيتي لما اراه بوقائع ودلائل متواجده يوميا وفي كل العربيات التابعه لغبور

فأنا لست افهم لماذا الناس تدافع عن ماركه معروف مقدارها في السوق ومكانتها في الاعتمادية
وعندما يخالفهم احد في الكلام ويبين لهم الحقيقه
يبقى هو اللي متحييز ولا يرى وغير متفاهم ومتعصب لرأيه ومش عارف ايه ويبقى هو اساس مشكلة السيارة

يا جماعه للمره المليون
اللي ميشوفشي من الغربال يبقى .......

[أبو عبدالله]

هارد عليك علي الخاص ،،

هو حل مشكلة الفيرنا بقه سر من اسرار غبور والعربيه بتاعه ولا ايه

طب ما نخلي الحل ظاهر ومكتوب لكل الناس علشان يعرفوا حقيقة الأمر

[Ahmed Anwer]

و هوا حضرتك ،،

بتقول ايه ؟؟؟

انا اكلمت عن ديهاتسو في ايه ؟؟؟

هوا انا اعرف حاجة عنها اساسا ،،

و حتي لو اتكلمت كان مجرد دردشة و بقول وجهات نظر شخصية ،، و ده حقي

مطلبتش من حد يصدقها ،،، و لا قولت انها حقائق

***************************

* النقطة اللي برد فيها علي ابو عبد الله انه بيتهمني اني باتكلم عن ديهاتسو من غير علم ،،

و انا برد عليه انه بيكتب في منتدي هيونداي اكتر من منتدي ديهاتسو


* النقطة الثانية ، النقطة اللي باثبت فيها ان ابو عبد الله بيكتب كلام غير سليم ،،


و استشهدت فيها انه قبل كده في موقع كونتكت كارز من اكتر من سنة كان بيقول ان المقاسات الداخلية

للسيريون اكبر من الماتريكس و الناس اثبتله خطأ هذا الكلام ،،



و رجع تاني بعد سنة يكرر نفس الكلام في نايل موتورز و برده م / كريم كريبتنكس رد عليه

و اثبتله ان الكلام ده مش صح ،، رغم انه عارف مسبقا و الدليل موجود علي صفحات الإنترنت

http://www.nilemotors.net/Nile/showt...627#post170627

بس انا اسف عشان استفزيت تاني ،،

عموما ،، ربنا يهديك و يغفر لك ،،


و يا ريت نقفل الحوار علي كده ،،،

احتراما لباقي الأعضاء ،،

و م / كريم منير ،،

و اوعدك اني هامسك نفسي و ماردش علي اي مداخلة لحضرتك ،،

مهما كان فيها من كلام مش سليم ،،


*******************
الأستاذ أحمد
الحوار تطور بصورة كبيرة ليخرج من السيارات إلى الأشخاص وهذا مدعاة لغلق الموضوع مؤقتا وتنبيه الجميع بضرورة الحفاظ على شعور الآخرين والحرص فى الحديث لعدم جرح أى أخ لأخيه بقصد أو بدون.
وسيتم إعادة فتح الموضوع بعد عدة أيام على أمل أن تكون النفوس قد هدأت وصفت.
الإدارة4
*******************






-------------------------
تم تعديل المشاركة بناء على طلب صاحبها
و أرجوا أن نتجنب فى المستقبل القريب أى شد عصبى لمجرد الإختلاف فى وجهات النظر

فاليوم أنا أمتلك هيونداى - غدا كيا بعد غد تويوتا و من يعلم من الممكن أن تكون مرسيدس

فالسيارات أدوات نستخدمها لخدمة الأغراض الشخصية و تسهيل أمور الحياة ولا يمكن أن يقف كل منا عند ماركة معينه فجميع الماركات قابلة للنقد و جميع السيارات من صنع البشر وليس من صنع الخالق فلا يوجد سيارة كامله على وجه الأرض و إن إنتقدت اليوم هيونداى أو دايهاتسو فغدا عندما تعتاد ركوب البورش على سبيل المثال ستنتقد بى إم دابليو ....بل موديلات بورش نفسها قابله للنقد

[Nader]

يا جماعة الخير

الموضوع كبر واتحول لموضوع شخصي وشخصنة


ميصحش نعمل كدة في بعض، ونتكلم بالاسلوب دة مع بعض.

ارجوا ضبط النفس.