مشكله مجننانى ف الفيرنااا

[belbesy]

السلام عليكم ورحمه الله وبركاته ..

اما بعد

الاخوه الكرام

الكلام عن سياره فيرنا 1500 مانيوال

العربيه صوتها عالى جدااااااا حاسس ان فى صوت شغال جمب صوت الموتور بس مش صادر من الموتور تماما ..

لما بضغط على الدبرياج الصور بيروح ..

زياده على كده فى صوت احتكاك بيعمل سأسأه بسيطه كده لما بغضط على الدبرياج واشيل رجلى ..

فهمونى ايه الموضوع واعمل ايه ؟؟

[mada_76]

الصوت ده كان عندي برده وكل لما بدوس على الدبرياج الصوت بيروح ودي كانت بلية الدبرياج
بس على حسب انت عربيتك عاملة كام كيلو وعلى اساسها تغير طقم الدبرياج كله ولا تغير البلية وبس
ويارب يكون العيب بسيط وماتصرفش كتير

[belbesy]

عامله 75000 الف كيلو وكل حاجه فيها تمام دا اول عيب يقابلنى ف العربيه

وهوا الدبرياج كله يعمل كام

والبليه لوحدها تعمل كام

وانهو افضل واحسن ؟؟

وتحياتى لحضرتك على الرد

[mada_76]

انا كلامي عن عربيتي وهي الجيتز واعتقد ان الفرق مش هايبقى كبير
البلية كانت عندي 160 جنيه واعتقد عندك هاتعمل في رينج 100 او 120
والطقم كله اتغير بحوالى 700 جنيه قطع غيار اصلية من غبور وركبتهم بره
انا لما غيرت الطقم ده كانت العربية عاملة 130 الف كيلو
اعتقد انك تغير البلية وبس لكن برضه خلى الميكانيكي اللى هايفك يقولك اذا كان الطقم حالته كويسة ولا محتاج يتغير بالمرة بما انك هاتفك الفتيس .
ولا شكر على واجب يا باشا

[bentrewsha]

نصيحه غير الطقم كله وريح دماغك عشان مش كل شويه تسقط الفتيس
وبليه الدبرياش بتعمل صفاره تروح مع الضغط على الدبرياش
حد يكون معاك جنب العربيه اثناء عمل هذا الموضوع

[m_navy_alex]

اعتقد انه رومان بيلي الدبرياج اتأكد منه

[kamalrefaat]

المشكلة كانت عندى وطلعت من فلتر الزيت كان مش مربوط كويس وفعلا لما ادوس على الدبرياج يروح

[unks]

انا كمان عندي مشكله

السلام عليكم:حضرتك فعلا هوة ممكن يكون طقم الدبرياج انا عربيتي فيرنا عمله 50000 وغيرت 3مرات طقم دبرياج في التوكيل واخر مره غيرت فيها كان شهر 8 اللي فات على طول ودلوقتي مقبلاني مشكله بس هيه مش صوت هيه في الطلعه على الاول لما بعمل مشوار او احمل 4 ركاب في العربيه وروحت ليهم في التوكيل ولا عملو حاجه وقالولي كويسه جدا بالرغم اني بدفع تمن الاسطوانه وهيه في حدود 400 جنيه تقريبا بس بردو متغيرووش بره التوكيل والدسك في حدود 700 جنيه بردو ده غير الضريبه والمصنعيات بص انا حقوللك على موزع معتمد اسمه زهير الحلواني وشركاه انا حكتب العنوان ورقم التليفون //العنوان:31 شارع الدقي الجيزه عند مطلع كوبري الدقي وانت رايح على البطل احمد عبد العزيز التليفون :0233389723 & 0237484292 الراجل ده موزع معتمد ونضيف جدا وعن تجربه وارجو ان اكون افدتكم واسف على الاطاله وشكرا

[belbesy]

رحت للميكانيكى .. قالى مش بليه دبرياج دا انت عاوز ديسك واسطوانه وبليه دبرياج

من غير ما يحل .. عامل فيها زويل فيرنا ..


المهم قولولى بعد اذنكم اسعار الحاجات دى كام من اى محل قطع غيار

الديسك

الاسطوانه

بليه الدبرياج

الدبرياج كامل

واسف على الازعاج

[belbesy]

?????????????????????????????????????????????????? ??????????????????????????????