يا جماعه ممكن تسمحولي بالمداخله البسيطه دي ؟

[liquidator]

السلام عليكم ...
اخواني الأعزاء أنا الحقيقه مش عاجبني خالص المنعطف اللي داخل عليه منتدي هيونداي .. المنتدي بالفعل تحول من ساحه لتبادل الخبرات و المساعده الفعاله المنطلقه من الود و الاحترام المتبادل و قبل كل شيء الأخوه و الحب , تحول الي ساحه من العراك ما بين مؤيدي و معارضي لغبور ... و وصل الحد لتكذيب أعضاء لاعضاء أخرين !!! ليه بس دا كله
الحقيقه أنا مش باعفي نفسي من المسؤوليه بس لازم يكون الجو بينا جو أخوي و حميمي نابع من الحب و أن يكون ميولنا دائما لنشر الوعي و تبادل المعلومات و الخبرات و المساعده كل ما كانت هناك امكانيه لذلك . و نحاول ننسي شويه غبور و مشاكله ... صحيح دا منتدي هيونداي مش منتدي غبور ...
أناشد كل الأعضاء انها تعيد النظر في فهمها لطبيعة المنتدي و يا ريت نحاول كلنا نبعد عن مشاكل غبور و نفيد الناس أحسن ما نخنقهم ... خلي المنتدي يفضل محافظ علي شكله الجميل و خليه دايما ثري بالمعلومات أحسن ما يبقي مليان خناقات و القاء باللوم بسبب و بدون سبب ...
يا ريت يا جماعه و أنا أولكم نلتزم بالكلام ده و أتمني من الله ان مشاركتي البسيطه دي فعلا تغير من طبيعة المنتدي و تخليه للأحسن .... أمين
تحياتي لكم .

[Nile_Storm]

الظاهر ان محاوله تحديث المنتدي هيا اللي قومت الموضوع ده يا ليكويتر
شكلها غلطتي من الاول

[liquidator]

لا اطلاقا و انت مشكور علي أفكارك التطويريه ...
عمر ما كان التحديث معناه اللي بيحصل ده ....
لازم نكون صرحاء مع نفسنا أكتر و نعترف اننا لازم نغير من أسلوبنا و طريقة تفكيرنا و نفكر في اللي يفيد الناس و ينفعهم مش يقومهم علي بعض ... مع الحفاظ علي التطور اللي هي سمة الحياه البشريه في كل مكان .... ايه المانع لما ننظم المنتدي و نطوره بس نحافظ في نفس الوقت علي مبادئه ...
تحياتي لك .

[bassam nagy]

عملية التنظيم كويسة ياخ محمد ورائعة وفيها افادة للكل
وانا فهمت المقصود بكلامك ياحمد

[Khalid_Mostafa]

طبعاً عملية التطوير مهمة وتشكر عليها ..بس المشكله ان فيه ناس فاكره ان غبور يعني هيونداي و هيونداي يعني غبور وده مش صحيح ...يعني بيهجموا هيونداي عشان مبيحبوش غبور ..ببساطه الي مبيحبش غبور يروح يجيب خليجي زي مانا معملت والحمد لله عمري ما اشتكيت كمان انا لا اذكر ان حد من الي اعرفهم اشتكي من الفيرنا الكوري مثلاً ..يبقي معني كده ان هيونداي مش معناها غبور و غبور مش معناه هيونداي
كمان يا جماعه تصيد نقاط الضعف في الماركات امر سهل وممكن اي حد يعمله كما ان السعر مش دليل علي كفاءة السيارة لأن ببساطه ممكن يكون الي جايبها مصر جشع و معلي سعرها عن الطبيعي
فياريت كل واحد يحط الكام نقطه دي في دماغه ويعرف ان كل واحد ليه قناعته الخاصه وعشان كده كل العربيات بتتباع و إلا كان كل الناس اشترت عربيه واحده .
فعلاً كلام liquidator مضبوط و المنتدي هنا لتبادل الخبرات و محاولة حل المشاكل مش عشان حملات الدعايه العكسيه ..إحنا هنا مش ملحق الأهرام بتاع يوم الجمعه