برجاء المساعدة لشراء هيونداى بونى

[am88888]

الاخوة الاعضاء معى 15000 جنيه واريد شراء سيارة
وشاهدت عدة اعلانات عن سيارة هيونداى بونى
فى نفس مستوى السعر ده فبرجاء الافادة للى عنده
معلومة عن السيارة دى من حيث الصيانة وقطع الغيار
واستحمال السيارة حيث اننى جديد فى القيادة واول
مرة اشترى سيارة ومحتار فى الاختيار وجزاكم الله خيرا

[Tamernagar]

وحياتك عمري ما سمعت عنها ياريت لو حد يفيدنا بأي معلومة

[Ashraf_Ibrahim]

الهيونداي بوني تقريبا من اول ما انتجت هيونداي
هي قديمة شوية والمعلومات عنها مش كتير
انا نفسي افيدك بس معنديش عنها معلومات كافية الحقيقة
متابع معاك

[hamaza81]

كانت مع واحد صاحبي
وكنا بنسافر بيها اسكندرية وكانت عربية زي الفل
هو باعها من زمان
بس مش عارف ظروف قطع غيارها ايه وسعر إعادة البيع
باذن الله هاشوفوا بكرة وأسألهولك

[am88888]

جزاكم الله خيرا على الاهتمام وبرجاء اللي عنده معلومة يشارك بيها وتكون افادة للجميع

[Hacker5]

طب ماتشوف حاجة تانية فى نفس السعر و تكون معروفة

[ezzatfox]

فى الثمانينات والدى كان معاة البونى دى و مش عربية واحدة .. لا اتنين .. مش عارف جايب اتنين لية .. بس كل اللى اقدر اقولهولك انة كان بينزل بيها من السعودية برى و متقدرش تشوف العربية من كتر الشنط اللى عليها .. و لغاية دلوقتى بشوفها مع واحد جارنا هاريها شغل .. بس معنديش فكرة عن قطع غيارها و صيانتها .
و على فكرة هى فى منها موديلين و الاتنين هاتشباك

[Hacker5]

انا اعرف انهم بيوفقولها قطع غيار من عربيات ميتسوبيشى و تويوتا قديمة

[elpasha1]

يا استاذ/ am88888 البونى حضرتك اخرها 8 الاف جنية ولما تكون شاذة تبقى 10 الاف جنية
اما 15 الف دا ثمن غالى اوى عليها
لانك هتجيبها وهتصرف عليها شوية وبالنسبة لقطع الغيار فبيتوفق لها لكن هى ملهاش قطع غيار

[Ashraf_Ibrahim]

ألنهردة كان فيه عربية بوني راكنة جنبي
فاتكرت صاحب الموضوع والله بس هي حجمها جميل جدا والله وشكلها شيك برده مش اللي هي تحس انها قديمة اوي يعني