تعالوا ندلع الفيرنا

[fawzyyyy]

السلام عليكم

انا عملت شوية تظبيطات بايدي في الفيرنا بتاعتي و ممكن اي حد يعملها و اكيد حتدي شوية تغيير للعربية

اول حاجة قولت لازم اغير نور العدادات

اول خطوة حنفك العلبة الفيبر اللي ورا الدريكسيون و هي عبارة عن 3 مسامير زي ما موضح في الصورة

بعد اما نفك المسامير حتبقي عبارة عن جزئين نفكهم عن بعض بايدك لأنهم متركبيين علي بعض عن طريق كلبسات (الموضوع سهل جدا )

تاني حاجة حنفك الفيبرة اللي علي العداد اللي لونها اسود و هي عبارة عن مسمارين... مربوطين فيها فوق زي ما موضح في الصورة و انا مشاور فيها علي المسامير

بعد اما فكينا المسامير نمسك الفيبرة ديه من تحت و نشدها واحدة واحدة عشان فيها كلبسين من تحت و حتلاقيها طلعت معاك

كدة حتلاقي العداد في وشك علي طول مربوط ب 4 مسامير.... في كل ركن مسمار زي ما موضح في الصورة

شد العداد بقي حتلاقيه طالع في ايديك

حتلاقي بقي في ظهر العداد فيشتين واحدة صغيرة و واحدة كبيرة ...شدهم و اخلعهم ...هما رخمين شوية بس شدهم و متخافش و زي ما موضح في الصورة

كدة يبقي طلعنا العداد برة خالص و كدة يبقي مش فاضل غير السهل
حناخد العداد معانا البيت فوق ........

و حنلاقي ان الفيبرة الشفافة اللي علي العداد فيها كلبسات علي الاطراف زي اللي في الصورة

حنزق الكلبسات ديه و نطلع الفيبرة الشفافة زي ما موضح في الصورة

حنلاقي فيبرة تانية ورا الفيبرة الشفافة لونها اسود اللي هي في الصور لونها احمرو ليها كلبسات بردو زي الفيبرة الشفافة زي ما موضح في الصورة

بردو حنزق الكلبسات و نشيل الفيبرة ديه زي ما موضح في الصورة

كده حيبقي قدامنا العداد و المؤشرات
حنفك المؤشرات ديه واحدة واحدة عشان نعرف نشيل ورقة العدادات
حنجيب مفكين او اي ألتين زي مفك و قطر زي ما انا جايب في الصورة و نفكهم بالطريقة ديه ...حيتنطروا لبرة

نروح شايلين الورقة من العداد زي ما انا موضح في الصورة

كد بقي نبدأ نلعب

حنجيب اي برفيوم او كولونيا ...و بحتة قماشة نمسح الطبقة الخضراء اللي في ظهر العداد (هي ديه الطبقة اللي بتعمل النور الاخضر اللي في العدادات )

و بعد اما تخلص تجيب بكرتين شريط لحام لون او لونين اللي انت عايز تخليه نور العداد يعني مثلا احمر و ازرق
و تبدأ تحط شريط اللحام ده علي اماكن الشرط و الارقام علي ظهر العداد...زي ما انا موضح في الصورة

و كده يبقي خلصنا

مش فاضل غير اللوحة الديجيتال اللي فيها ال كيلومتر...و ديه اضاءتها صفرا

حنروح لأي حد بتاع كماليات و نجيب استيكر احمر اللي بيتلزق علي الفوانيس..... عشان نخليها تبقي كلها احمر و طبعا في منه الوان كتيير

و نروح لزقنها علي الشاشة زي ما انا موضح في الصورة

كده خلاص كل حاجة خلصت

نبدأ بقي نركب كل حاجة زي ما فكيناها
و ناخد بالنا و احنا بنركب المؤشرات تاني..... واحدة واحدة و نظبطهم كلهم علي الصفر بتاعهم

و كده يبقي خلصنا و تبقي الصورة النهائية كده

بكرة ان شاء الله حكتبلكوا تقرير في نفس الموضوع علي تركيب ال RPM السبورت

و بعدها طريق فك و رش التابلوة

و بعدها تركيب شرايط ليدات في الابواب

[ezzeldin1234]

ايه الجمال ده تسلم ايدك

[Ayman-Ahmed]

الله ينور وتسلم ايديك على الشغل الجامد والشرح البسيط وفى انتظار الباقى

[HOSSAM99]

و عليكم السلام و رحمة الله
جميله جدا و حضرتك حليت أكتر مشكله بتكرهني في الياباني و الكوري و هي نور التابلوه الأخضر

لكن كان ممكن بدل شريط اللحام نلون بألوان فسفوري أو فيلومستر أفضل لأن شريط اللحام ممكن مع السخونيه يفك و يقع
و كان ممكن تلون المؤشرات
بالتوفيق إن شاء الل و في إنتظار باقي الدلع

[Ashraf_Ibrahim]

شغل رائع جدا
بس بيني وبينك انا اخاف اعملها لحسن ماعرفش اظبط العدادات وانا بركبها تاني
احم يعني
بس المنظر يستدعي التجربة الحقيقة :d
هفكر ولو كدة هجربها باذن الله :d

[tamatemo]

تسلم ايدك

شكلها حلوه

[midoonesaid]

الله ينور عليك

[fawzyyyy]

ايه الجمال ده تسلم ايدك

ربنا يخليك يا فندم

الله ينور وتسلم ايديك على الشغل الجامد والشرح البسيط وفى انتظار الباقى

ربنا يخليك يا فندم.....و ان شاء الله البقية تأتي

و عليكم السلام و رحمة الله
جميله جدا و حضرتك حليت أكتر مشكله بتكرهني في الياباني و الكوري و هي نور التابلوه الأخضر

لكن كان ممكن بدل شريط اللحام نلون بألوان فسفوري أو فيلومستر أفضل لأن شريط اللحام ممكن مع السخونيه يفك و يقع
و كان ممكن تلون المؤشرات
بالتوفيق إن شاء الل و في إنتظار باقي الدلع

انا جربت الالوات و الفيلوماستر .....دايما بيبقي في اختلاف بين شرطة و شرطة....و انا بقالي حوالي 6 شهور بشريط اللحام و مسخنش ولا حاجة الحمد لله

و ألف شكر يا فندم

[fawzyyyy]

شغل رائع جدا
بس بيني وبينك انا اخاف اعملها لحسن ماعرفش اظبط العدادات وانا بركبها تاني
احم يعني
بس المنظر يستدعي التجربة الحقيقة :d
هفكر ولو كدة هجربها باذن الله :d

ربنا يخلييك يا باشا

الموضوع سهل جدا ...متقلقش خالص

تسلم ايدك

شكلها حلوه

ربنا يخليك يا باشا

الله ينور عليك

ألف شكر يا فندم

[exact]

أحسن حاجة لفك المؤشر على ما اعتقد...شوكة الطعام وبالراحة خالص وتسندها على منديل او حتة قطن

[fawzyyyy]

أحسن حاجة لفك المؤشر على ما اعتقد...شوكة الطعام وبالراحة خالص وتسندها على منديل او حتة قطن

الله ينور عليك

فعلا طريقة هايلة ....و متهيألي كدة حيبقي سهل جدا

[fawzyyyy]

تعالوا بقي النهاردة نركب عداد ال RPM السبورت

عدادات ال rpm موجودة عند كل محلات الكماليات بتبدأ من 80 جنية الي 900 جنيه

الانواع الكويسة بتبدأ من 150 جنيه

انا اشترين العداد من من زميل ليا هنا معانا في المنتدي

لاقيت ان العداد طالع منه 4 اسلاك ........ سلك احمر للكهرباء....و سلك اخضر بتاع مؤشر ال rpm و ده بيتوصل لسالب الموبينة.....و سلك لونه وردي فاتح للنورر بتاع العداد .......و سلك بني للأرضي

روحت لكهربائي عشان يركبهولي بسرعة و أخلص.........قالي مش حينفع عندك....!!!
سألته ليه؟؟ قالي اصل الفيرنا 2 موبينة...كل موبينة علي 2 بوجيه....لو وصلت واحدة حتجيلك نصف القراية.....!!!
قلتله اعمل ايه يعني ...قالي رجعه....!!

بعد اما رجعت البيت قعدت ادور علي النت و في مواقع اجنبية لاقيت ان فيشة العداد فيها سلك جاهز لل rpm ......حتي لو عربيتك الفيرنا هاف اوبشن و مفيهاش rpm
قولت لازم أتأكد فسألت استاذ ashohdy معانا هنا في المنتدي و فعلا اكدلي الموضوع ده

قولت هيا بنا نلعب بقي....

اول حاجة زي ما عملنا في تغير لون العدادات

اول خطوة حنفك العلبة الفيبر اللي ورا الدريكسيون و هي عبارة عن 3 مسامير زي ما موضح في الصورة

اضغط هنا لمشاهدة الصورة بالحجم الطبيعي.
بعد اما نفك المسامير حتبقي عبارة عن جزئين نفكهم عن بعض بايدك لأنهم متركبيين علي بعض عن طريق كلبسات (الموضوع سهل جدا )

تاني حاجة حنفك الفيبرة اللي علي العداد اللي لونها اسود و هي عبارة عن مسمارين... مربوطين فيها فوق زي ما موضح في الصورة و انا مشاور فيها علي المسامير

اضغط هنا لمشاهدة الصورة بالحجم الطبيعي.

بعد اما فكينا المسامير نمسك الفيبرة ديه من تحت و نشدها واحدة واحدة عشان فيها كلبسين من تحت و حتلاقيها طلعت معاك

اضغط هنا لمشاهدة الصورة بالحجم الطبيعي.
كدة حتلاقي العداد في وشك علي طول مربوط ب 4 مسامير.... في كل ركن مسمار زي ما موضح في الصورة

اضغط هنا لمشاهدة الصورة بالحجم الطبيعي.
شد العداد بقي حتلاقيه طالع في ايديك

اضغط هنا لمشاهدة الصورة بالحجم الطبيعي.
حتلاقي بقي في ظهر العداد فيشتين واحدة صغيرة و واحدة كبيرة ...شدهم و اخلعهم ...هما رخمين شوية بس شدهم و متخافش و زي ما موضح في الصورة

اضغط هنا لمشاهدة الصورة بالحجم الطبيعي.

الكلام لحد هنا مفيهوش جديد ......

تعالوا نبص بقي علي الفيشة الكبيرة.......حتلاقوا في سلك لونه رمادي هو ده بتاع ال rpm ...حتلاقوني مشاور عليه في الصورة ديه

حنروح قطعين السلك ده و نوصله بسلك ال rpm اللي في العداد السبورت بتاعنا اللي لونه اخضر

طيب سلك الكهرباء بقي حنجيبه منيين ؟؟ احنا عايزين اما ندور العربية... الكهرباء توصل للعداد.....روحت دورت علي سلك الكهرباء في الفيشة الصغيرة اللي في العداد بتاع العربية و لاقيتها الحمد لله ... و هو عبارة عن سلك لونه برتقاني و انا مشاور عليه في الصورة

حنروح موصليين بيه سلك الكهرباء الاحمر اللي في العداد السبورت بتاعنا

كده بقي ناقص اننا نوصل سلك نور العداد........انا كنت ممكن اوصله بسلك الكهرباء و خلاص.....بس كده العداد حينور الصبح و بليل......!!

روحت فاتح الكابوت و جايب الفيشة بتاعت النور السهاري اللي في الكشاف......و موصل بيها سلك زي ما انا موضح في الصورة

و روحت ممشي السلك في الكبوت و مدخله ورا التابلوه ....زي ما موضح في الصور

حنبص ورا التابلوه عند الدواسات حنلاقي السلك موجود زي ما ان موضح في الصورة

و علي فكرة السلك ده حيفيدني بعد كدة في موضوع شرايط الليدات اللي حكتبه بعد كدة ان شاء الله

كدة بقي نوصل السلك ده بسلك نور العداد بتاعنا اللي هو لونه وردي فاتح

و كدة مش حيبقي فاضل غير السلك الارضي اللي لونه بني...و ده طبعا نوصله بأي حتة في شاسية العربية

ملحوظة: طبعا الاسلاك ديه كلها نحاول نمشيها ورا التابلوة عشان ميبقاش باين غير العداد بس

و كدة يبقي خلصنا خلاص و نبدأ نرجع كل حاجة زي ما هي نركب العدادات في الفيش و نركب الفيبر كله

و تبقي الصورة النهائية كده

يا رب اكون وفقت في الشرح

و ان شاء الله بكرة حكتبلكوا تقرير ازاي نركب شريط الليدات

[Ashraf_Ibrahim]

أحلى شغل والله يا فوزي
طب ما تديها ورشة كهربا يا فوزي ونجيلك كلنا

أحسن حاجة لفك المؤشر على ما اعتقد...شوكة الطعام وبالراحة خالص وتسندها على منديل او حتة قطن

فكرة جميلة جدا وهتفكه بسهولة وسرعة وتحافظ على الورقة السودة بتاعة العداد كمان

[Bonanza]

مبروك يا باشا علي التظبيطات

تسلم ايدك و دماغك

[MohssenRashed]

ايه الحلاوه دي ربنا يباركلك.

مستنين كل يوم حاجه جديده بقى ( انت اللي جبته لنفسك) هههههههه