رابطة مالكى الاكسيل-الجزء الأول

[m_elmahdy]

المشكلة كانت فى الكاوتش والمقص الشمال
كان عندى كاوتش استبن جديد استعملته حوالى ثلاث أسابيع ركبته ناحية اليمين قدام والكاوتش الهانكوك الجديد ركبته ناحية الشمال قدام بس العربية دلوقت بتحدف ناحية اليمين بغباء رحت علشان اظبط زوايا الراجل قاللى الكاوتش الشمال راجع ورا شويا ولو غيرت الكاوتشين مكان بعض هتلاقى العربية بتحدف شمال علشان الإثنين مش نفس الماركة وفى واحد سابق الثانى بفترة
مش عارف الكلام ده صح ولا ايه واعمل ايه علشان اعالج المشكلة دى؟؟؟؟
معلش طولت عليكم لكن أرجو مساعدتكم وجزاكم الله خيرا

معلش سؤال تانى
أعالج مشكلة الكاوتش اللى راجع ورا شوية دى عند بتاع ظبط الزوايا فى البنزينة ولا عند سمكرى متخصص فى الشاسية وفى حد يعرف ممكن تتكلف كام ؟

[M.FOUAD]

المشكلة كانت فى الكاوتش والمقص الشمال
كان عندى كاوتش استبن جديد استعملته حوالى ثلاث أسابيع ركبته ناحية اليمين قدام والكاوتش الهانكوك الجديد ركبته ناحية الشمال قدام بس العربية دلوقت بتحدف ناحية اليمين بغباء رحت علشان اظبط زوايا الراجل قاللى الكاوتش الشمال راجع ورا شويا ولو غيرت الكاوتشين مكان بعض هتلاقى العربية بتحدف شمال علشان الإثنين مش نفس الماركة وفى واحد سابق الثانى بفترة
مش عارف الكلام ده صح ولا ايه واعمل ايه علشان اعالج المشكلة دى؟؟؟؟
معلش طولت عليكم لكن أرجو مساعدتكم وجزاكم الله خيرا

هو الكاوتش بياثر طبعا شوية في الزوايا لكن مش بدرجة كبيرة
جرب انت بنفسك تبدل العجلتين و شوف الحدفة اتعكست و لا لا
انا بس خايف تكون الركبة الشمال اتعوجت شوية من تاثير الخبطة في الحالة دية محتاجة بتاع زوايا فاهم اوي لان السمكرية عمرهم ما بيعرفوا يضبطوا الركبة تاني

[M.FOUAD]

الحمد لله طلعت بالعربية فوق الرصيف والمقص انثنى والكاوتش اتقطع والجنط باظ
الحمد لله انها جات على قد كدة
الكاوتش هانكوك 13/ 175/ 70 سعره 215 جنيه والمقص استيراد بالمصنعية 100 جنيه ( سعره كويس ولا اتضحك عليا ) والجنط بعد أخذ الجنط القديم 45 جنيه

الاسعار حلوة متضحكش عليك و لا حاجة

[M.FOUAD]

يا ريت لو عنوانه بالظبط وكمان رقم تليفونه يبقى جزاك الله خيرا
وبالنسبة لأسعاره عاملة ايه ( الشحن والمصنعية ) وهل لو الكمبيرسور ممكن يتصلح يصلحه ؟

انا معنديش نمرة تليفونة بصراحة
كان الاخ avodafone الله يكرمة هو اللي دلني علية هو فعلا ممتاز في تكييف الاكسيل
حضرتك هتدخل شارع العشرين من فيصل و تسال على شارع المساكن هو شارع مشهور متقلقش
مفيش غير ثلاثة بتوع تكييف في الشارع دة هو اخر واحد على اليمين اسمة ياسر اسال علية معروف اوي هناك

[m_elmahdy]

جزاك الله خيرا يا أخ نور

[m_elmahdy]

انا معنديش نمرة تليفونة بصراحة
كان الاخ avodafone اللة يكرمة هو اللي دلني علية هو فعلا ممتاز في تكييف الاكسيل
حضرتك هتدخل شارع العشرين من فيصل و تسال على شارع المساكن هو شارع مشهور متقلقش
مفيش غير ثلاثة بتوع تكييف في الشارع دة هو اخر واحد على اليمين اسمة ياسر اسال علية معروف اوي هناك

وبالنسبة لأسعاره عاملة ايه ( الشحن والمصنعية ) وهل لو الكمبيرسور ممكن يتصلح يصلحه ؟

[m_elmahdy]

المشكلة كانت فى الكاوتش والمقص الشمال
كان عندى كاوتش استبن جديد استعملته حوالى ثلاث أسابيع ركبته ناحية اليمين قدام والكاوتش الهانكوك الجديد ركبته ناحية الشمال قدام بس العربية دلوقت بتحدف ناحية اليمين بغباء رحت علشان اظبط زوايا الراجل قاللى الكاوتش الشمال راجع ورا شويا ولو غيرت الكاوتشين مكان بعض هتلاقى العربية بتحدف شمال علشان الإثنين مش نفس الماركة وفى واحد سابق الثانى بفترة
مش عارف الكلام ده صح ولا ايه واعمل ايه علشان اعالج المشكلة دى؟؟؟؟
معلش طولت عليكم لكن أرجو مساعدتكم وجزاكم الله خيرا

فى ناس وصفتلى بنزينة شل اللى فى شارع الهرم. فى بنزيتين شل قصاد بعض. البنزينة اللى على اليمين وانت جاى من الجيزة على الهرم. قالوا انها كويسة قوى فى ظبط الزوايا.
المهم رحتلها امبارح وانا راجع من الشغل الكشف بس على الزوايا 10 جنيه ويطبعلك تقرير محترم يقولك العربية محتاجة ايه بالظبط ولو هتظبط زوايا يبقى كله 25 جنيه.
النتيجة ان المساعد الشمال الأمامى محتاج زرجينة هتتكلف 25 جنية أو ممكن أغيره بواحد استيراد. والكاوتش اليمين محتاج يتقدم 1.5 سم لقدام.
كنت عايز أعرف المساعد الأمامى استيراد يعمل كام والجديد بكام ؟
ومين اللى هيقدم الكاوتش العفشجى ولا السمكرى ؟

[mahmmoud1980]

انا عندي الدريكسيون بيتهز شمال ويمي لما امش على طريق مكسر ممكن اعرف السبب

[M.FOUAD]

وبالنسبة لأسعاره عاملة ايه ( الشحن والمصنعية ) وهل لو الكمبيرسور ممكن يتصلح يصلحه ؟

لو بينفس بس ممكن يتصلح لو قافش لازم يتغير
الشحن لو شحن كامل ب 120و المصنعية حسب الشغل و التفاوض

[mdrezk]

اغلب 1300 في مصر مفيهوش باور الا لو كانت خليجي
لو العربية عاجباك اوي تخلص على 30 اخرها

العربية راكبلها باور بس صاحبها ماسك على واحد 31000 تيجى فى كدا ولا غالية

[AVODAFONE1]

علي فكرة تركيب الباور في العربية مش غالي اوي يعني انا كنت في اسكندرية من اسبوع وطرمبة الباور قفشت واضطريت اغيرها بوحد استيراد وكانت بحوالي 170 ج اما بقية الوصلات وعلبة الزيت مش غالية المهم الميكانيكي يكون كويس علشان يظبطهالك صح لانك بتركب حاجة مش موجودة في العربية اصلا

[M.FOUAD]

العربية راكبلها باور بس صاحبها ماسك على واحد 31000 تيجى فى كدا ولا غالية

بصراحة انا شايف مادام ماسك على 31 حاول تدور على 1500 بزيادة الف و صدقني مش هتندم فالفرق بين 1300 و 1500 يستاهل

[AVODAFONE1]

بصراحة انا شايف مادام ماسك على 31 حاول تدور على 1500 بزيادة الف و صدقني مش هتندم فالفرق بين 1300 و 1500 يستاهل

وانا معاك اكيد 1500 احسن كتير من 1300 والفرق مش كبير لو انت بتتكلم في فرق مش هيذيد عن 2000او 3000 حنية عن السعر اللي بتتكلم عنة

[osker1982]

السلام عليكم و رحمة اللة

انا انشاء الله هشتري اكسل 1500 كاملة 98 بس انا عندي سؤال
اداء السبارة مع تشغيل المكيف اخبارة اية
و لكم جريل الشكر

[M.FOUAD]

السلام عليكم و رحمة اللة

انا انشاء الله هشتري اكسل 1500 كاملة 98 بس انا عندي سؤال
اداء السبارة مع تشغيل المكيف اخبارة اية
و لكم جريل الشكر

العربية بتثقل شوية مع التكييف زي اي عربية لكن بتسخب بردة عادي كانك ركبت عربية 1300 و مش مشغل التكييف دة لو حالة المكنة سليمة طبعا